يعطيج العافية أم حسين على هالموضوع المفيد
قبل سفرتنا في هالشهر .. كنت أقول ان القطرية افضل طيران في الدنيا
ما حصل قبله و لا بيكون بعده
خدمة المسافر الذهبي .. تخليك أهم إنسان .. من وقت ال check - in لحتى وقت الهبوط
لكن في العودة من إسبانيا الاسبوع اللي فات وصلنا المطار و تفاجانا بالزحمة على كونتر القطرية
والاغلب صينين .. و اكتشفنا ان طيارة اليوم اللي قبل تكنسلت (لاسباب فنية مادري شنو اهي)
وتحولوا كل المسافرين اللي عليها على طيارتنا .. اللي كانت اقدم طيارة اركبها من اسطولهم
الكراسي ضيقة بصورة مو طبيعية .. و حتى الشاشة ما تشتغل باللمس لازم بالريموت المعفن اللي كان كل شوي يعلق
ظليت طول الرحلة متنرفزة من الضيق اللي كنت جالسة فيه
وغيرها ... رحت فيها لدول أوروبا .. و لقطر طبعا .. و كنا دايما مرتاحين سواء على economy او البيزنس
جربت بعد اللوفتهانزا .. لفرانكفورت .. و لميونخ .. ممتازة
الاتحاد ... كان بالصيف .. و في الذهاب و العودة .. الطيارة تتاخر لمدة لا تقل عن ساعة .. و انا تطلع عيوني
خصوصا مع اليهال .. ,و الرحلة كانت طويلة و فيها ترانزيت ... يعني تعبنا !!
الخليج ... على كثر ما يذمونها و لكني أشوفها جيدة
مشكلتها الشركة دايما يسوون overbooking على الطيارة
واللي يروح قبل يلحق ... كانه داخلين استاد كورة ..
و التأجيل .. ثم التأجيل .. ثم التأجيل
لكن عموما الخدمة جيدة و الطيارات ايضا جيدة و احاول احجز عليها اذا ما ناسبني توقيت القطرية او كنت ابي الرحلة مباشرة
العمانية لمسقط .. ممتازة
التركية اكثر من مرة و كانت جيدة اذا بنروح تركيا خصوصا انها مباشرة
لكن مرة حجزت لامي و اخوي لما اخوي كان رايح اول مرة لما بدا يدرس في بريطانيا
وضيعو شناطهم .. لمدة يومين قعدوا من غير اغراضهم !! و من غير اي تعويض !!
من الطيران التجاري
جربت العربية واااااايد ... كانت ممتازة فترة ما كنت ادرس في الامارات
جربت vueling في هالشهر ... طيران داخلي في إسبانيا
الرحلة كانت لساعتين بس ممتازة و اسعارها رخيصة و اخذنا اعتقد البيزنس ف لنا وزن زيادة والاكل مجاني
وبس ..
لكن بكرة ان شاء الله رايحين دبي على الاماراتية و متحمسة و ان شاء الله تكون مثل ما اتوقع و احسن
22الاعجاب
30-04-2015, 01:38 PM
رد: أفضل شركات الطيران جربتوها 
العرض الشجري
المواضيع المتشابهه 
