انا من محبين التعرف على الغرب بالاخص بالسفر تقربك وو تعرفك على عادات يديده ☺
طبعا ما اسافر بروحي الاغلب معه الاهل بس ما يمنع انه اكون صداقات او اتعرف على ناس اطلع معاهم بالسفره
كونت صداقات الاغلب بتركيا بحكم انه سفرتنا لها دايما وو للحين متواصلين معاهم
اذا عاشرت الاتراك بتعرف انهم شعب طيب وو مضياف عكس الي تسمع عنهم 😊❤
وو بسفرتي الاخيره لايطاليا تعرفت على وحده بس كويتيه وو لمن ردينا الديره تواصلنا مره ثانيه وو طلعنا ☺
وو في صداقات انتهت بعد رجعتي من السفره 🙄 👊🏼
وو مثل كلام اخونا بو غسان الاجانب دايما يخربطون بين العرب وو اللاتينيين
اذكر باسبانيا واحد يكلمني اسباني قلته ترا ما اتكلم اسباني 🙄
قالي ليش انتي من وين برتغال قلتله لا ارجنتين لا برازيل لا وو قاعد يذكرلي دول وو كله اقوله لا .. لا .. لا
وو ما ذكر اي دوله عربيه لين اخر شي قلتله من الكويت قام يصارخ لا لا وايد بعيده 🤣😅

وو شكرا بو سارة ع الموضوع اللطيف 🌸