13-08-2018, 10:40 PM
|
#4 |
مشرف العرب المسافرون
تاريخ التسجيل : Feb 2015 رقم العضوية : 2145 الدولة : الكويت الجنس : ذكر المشاركات : 1,679
| أوسـمـة: Prince Kytu |
كل الاوسمة:1 (more»)
| | 
مشكور اخي على الرد الوفي
انا كان عندي خوف من ان الناس يزعجهم حمل الامتعه في القطار
ويكرهو الي يشيلو امتعه خصوصا وقت الزحمه
فخايف انه شنطتي تكون مصدر ازعاج
خوفي هذا لاني مو متخيل الوضع ولافيه صوره بذهني عن الناس داخل المترو معاهم شنط وامتعه ولا مافي.
غالبا يكون الميترو هو المزدحم ولكن للإنتقال من محطة طوكيو إلى أكيهابارا راح تستخدم القطار في خط Yamanote وغالبا الإزدحام اخف
وطالما الحقائب ماسكهم عدل وما تدعم فيهم الناس وضعك تمام
وإذا لقيت القطار مزدحم تقدر تنطر القطار إلي بعده .. خصوصا بالتنقلات الداخلية القطارات ورا بعض يوصلون لنفس المكان
الحمدلله الي وصلني لهذا المنتدى
المنتدى مليان مواضيع في قمة الفايده للناس المهتمه باليابان والثقافه اليابانيه وعندها رغبه للسفر والشكر لكم
انا سفري غدا ولسع ماعندي جدول واضح لزيارتي
لكن عندي اماكن كثيره جدا ودي اروحها
Shibuya
(تصلح لليل والنهار وبأي وقت)
Harajuku
(تصلح للنهار)
Shinjuku
(زوروا الحديقة الوطنية الصبح)
Akasaka
(السوق الشعبي زوروه بالنهار)
Ginza
(منطقة كلها ماركات بس حلوة بالصبح للإفطار جربوا مطعم Eggs N Things)
Odaiba
(يبيلها يوم كامل فيها متحف الشمع ومتحف الخدع البصرية وفوجي تي في ومجمع درايفر ستي وغيرهم)
بالإضافة إلى هذه الأماكن تقدر تضيف
برج طوكيو Tokyo Tower إذا كنت من المهتمين بالانمي وتحديدا ون بيس في قسم ترفيهي له
وكذلك J-World في مجمع Sun Shine City
وأيضا Nakano Broadway
و Tokyo Dome City مكان ممتاز للعشا او للغدا وموجود هناك كافيه وادي الأمان
السفره هذي فقط انا واخوي الي بنروح فيها
انا عمري 23 واخوي 21
ايش ممكن تكون فيه اماكن تناسب الفئه العمريه الي احنا فيها ؟
انا كنت حاط دزني لاند +سي في الخطه بعدين شلتها من راسي
لما شفتلها مقاطع في اليوتيوب حسيت انها تناسب الاطفال و المراهقين
وتنفع للكبار لما يكونو اكثر من 2 لكن انا واخوي لحالنا حسيت اننا ماراح نستانس فيها
ديزني لاند وديزني سي أجواؤهم حلوة للكبار والصغار فإذا ما رحت من قبل على الأقل زور وحدة منهم لأن خصوصا أجواء الإحتفالات والألعاب النارية آخر شي ممتعة
فيه مدينة العاب يكون فيها اشياء اكشن للكبار في طوكيو ؟
وهل فيه اي مكان بشكل عامل للشباب تنصحنا فيه ؟
ذكرتهم بالأماكن السابقة في الأعلى
وهل فيه مطاعم كويسه من تجربتك او تجربة احد الاعضاء ؟
مطعم The Oven في أودايابا
والمطاعم التركية والهندية الحلال بشكل عام
وسلسلة مطاعم sushi zanmai للسوشي
واخر شي انا عندي فلمين ابغى اشوفها في طوكيو
فلم Boku no Hero Academia The Movie: Futari no Hero
و فلم Nanatsu no Taizai Movie: Tenkuu no Torawarebito
فهل فيه مركز او دار سينما تنصح فيه اكثر من غيره ؟
في Roppongi Hills وحاول تروح بوقت مبكر علشان تلحق على القطار في الليل بعد ما يخلص الفيلم
وغالبا الأفلام الجديدة يكون بالياباني من غير ترجمة
عموما راح يكتبون إذا كان مترجم ولا لأ |
|  |
14الاعجاب 
تقريري 
العرض الشجري
المواضيع المتشابهه 
