اليوم السبت

10/20

واعدة وحدة كويتية تعرفت عليها والتقينا في ستاربكس الداون تاون



الجو عجيببب برررد و غيم و امطار و باچر احتمال ثلج و الله اعلم











وعقب السوالف في ستاربكس ودعنا بعض ورحت الجمعية اشتري جم شغله ناقصه وراي طبخه كويتية

وطبختنا اليوم معدس بما ان الجو بارد
نقعت العيش والعدس مدة ساعه بماي و خل



وحمست في الجدر اشوية زيت وبصل و طماط فريش و بطاط مكعبات و معجون طماط و بهارات مشكله مع كركم





وقطيت لومي صحاري على حسب الرغبه





وكتيت العدس و العيش مع الحمسه
مقدار العدس نص مقدار العيش يعني كوب عيش يقابله نص كوب عدس



وصبيت الماي الحار وانطر على ما ينشف اشوي و اقصر على النار





يتنا هالغيمه و ظلمت الدنيا ما شاءالله



وخلص غدانا
انا سويته لين عشان خالي يقدر يأكله



وچنكم ماتدرون اشوية روبه



وبالعافيه طبخه سريعه و شتوية

وهذا قوس القزح طلع عقب المطر



وخلص اليوم والحمدلله



Sent from my iPhone using Tapatalk