X سُعداء بتواجدكم بيننا ونتمنى لكم قضاء وقت ممتع ، نأمل منكم زيارة صفحة شروط الإستخدام ، تفضلوا مشكورين بالتسجيل*** اضغط هنا *** لإثراء الجميع بخبراتكم السياحية
Loading...





عدد المعجبين4الاعجاب
إضافة رد
 
LinkBack أدوات الموضوع انواع عرض الموضوع
قديم 12-10-2018, 03:48 AM   #1

مسافر جديد

 
 
تاريخ التسجيل :  Oct 2018
رقم العضوية : 22026
الجنس : ذكر
المشاركات : 15



افتراضي تجربتي في إستخراج فيزا (تأشيرة) إيطاليا .. شرح مفصل 2018


السلام عليكم ورحمة الله

بدون مقدمات كان مخطط رحلتنا لمدة عشر ايام الى ايطاليا وسويسرا والمانيا في شهر سبتمبر 2018 .. قررنا في بداية شهر سبتمبر السفر وحجزنا رحله الى ميلان (بيرقامو) في نهاية شهر سبتمبر .. يعني كان عندنا اقل من شهر فقط لاستخراج الفيزا .. فقررنا استخراجها عن طريق سفارة ايطاليا لانها الاسرع في اصدار الفيزا حسب كلام المجربين .. وايضا لأن اسعار الرحلات الى ميلان كانت رخيصه في شهر سبتمبر . وبعد اصدار الفيزا بدون مشاكل ولله الحمد حبيت ارد الجميل لهذا المنتدى اللي وفر علي مبلغ كنت بأدفعه لمكاتب السفر والسياحه .. بعضهم طلب 800 ريال وبعضهم طلب 1200 ريال !! واجمالي سعر الفيزا اصلا بحدود 500 ريال .

بعد ان قررنا اصدار الفيزا عن طريق السفاره الايطاليه توكلت على الله وبديت ابحث عن متطلبات الفيزا ولقيت موضوع للأخ (اخر فرصه) وافادني كثير جزاه الله خير
https://www.arabtrvl.com/vb/t34196.html

لكن في ناس مثلي عندهم استفسارات كثير .. فحبيت اطرح هذا الموضوع المفصل لهم عشان يسهل عليهم اصدار التأشيره بدون مخاوف باذن الله

المتطلبات باختصار :
1- طباعة وتعبئة اوراق التقديم على تأشيرة شنغن (ثلاث اوراق) + طباعة هذه الورقتين الاضافيه (check list) بدون تعبئتهم
2- صورتين حديثه خلفيه بيضاء بدون نظاره وشماغ
3- حجز طيران ذهاب وعوده
4- تأمين طبي لدول الشنغن (يسمى تأمين سفر دولي)
5- اثبات القدره الماليه على المعيشه خلال فترة الرحله (بطاقه ائتمانيه مثل فيزا او ماستر كارد)
6- تعريف بالراتب (يعتبر نوع من اثبات القدره الماليه)
7- الجواز الاصلي (تسلمهم الجواز مع الاوراق) + صوره من الجواز
8- صوره من بطاقة الأحوال مترجمه بالانقليزي (بشرحها فالتفاصيل)
9- كشف حساب لاخر ثلاث شهور
10- اثبات سكن خلال فترة الرحله كامله (حجوزات فنادق لكامل فترة الرحله من booking او airbnb مثلا)
11- حجز سياره أو قطار أو طيران داخلي اذا ناوي تسافر الى دول شنغن اخرى غير ايطاليا

• ولا تنسى اللابتوب والطابعه

طبعا مكاتب السفر والسياحه بيريحونك من تعبئة الاوراق والتأمين الطبي وترجمة الاحوال وحجوزات السكن الوهميه .. وهذي اشياء بسيطه تقدر تخلصها بنص ساعه اذا عندك كمبيوتر وطابعه .. ما عدا ترجمة الأحوال تحتاج تروح مكتب ترجمه .

ندخل فالتفاصيل :-

● 1- تعبئة أوراق التقديم على تأشيرة شنغن :
اولا حمل اوراق التقديم (ثلاث اوراق) من هنا :
http://www.aletimad.com/wp-content/u...aly-Riyadh.pdf
وهي عباره عن ثلاث اوراق وطريقة تعبئتها سهله .. سواء كتبت بيدك او بالكمبيوتر ما يفرق
طريقة التعبئه موضحه في موضوع الأخ (آخر فرصه) https://www.arabtrvl.com/vb/t34196.html
- فالصفحه الاولى بيطلب منك عنوانك.. يفضل تكتب عنوانك الوطني (رقم المبني،الشارع،الحي،الرمز البريدي،المدينه،الدوله)
- فالصفحه الاولى بيطلب منك مسماك الوظيفي وعنوان شركتك ورقمهم وهذي كلها موجوده بتعريف الراتب
- في الصفحه الثانيه لازم تكتب اسماء الفنادق اللي بتسكن فيها طوال فترة الرحله (فندقين تكفي اذا وهمي) + تكتب عناوين الفنادق كلها (اذا حجزت بيرسلون لك بوكنق ايميل تأكيد الحجز وتلقى مكتوب فيه عنوان الفندق) .. يعني جهز حجوزاتك سواء حقيقيه او وهميه قبل تعبي الاوراق .. واذا كانت حجوزاتك وهميه لا تلغيها قبل اصدار الفيزا لأن السفارات صارت تشيك وتتأكد .. وطبعا اذا جيت تحجز حجز وهمي تأكد ان الفندق يقبل الإلغاء المجاني

وايضا فيه ورقتين اضافيه (check list) حملها من هنا :
http://www.aletimad.com/wp-content/u...-Checklist.doc
وهي عباره عن ورقتين (check list) فيها كامل المتطلبات، فقط اطبعها وخذها معك للموعد فاضيه.. الموظف اذ تأكد انك احضرت كامل المتطلبات بيطلب منك توقع عليها فقط

● 2- صورتين حديثه خلفيه بيضا بدون نظارات وشماغ:
اي محل تصوير اطلب منه صور للشنغن وهم يعرفون المقاسات والمتطلبات

● 3-حجز طيران ذهاب وعوده :
طبعا لازم تحجز الرحلات ذهاب وعوده قبل التقديم على الفيزا .. وبعد ما يجيك ايميل تأكيد حجز الطيران بتلقى بنفس الايميل خيار طباعة الحجز .. اطبع الحجز وبس

● 4- تأمين طبي لدول الشنغن (تأمين سفر) :
تروح على موقع التعاونيه https://store.tawuniya.com.sa/StoreP...ction?langId=2
تختار تأمين لمدة قصيره > تختار تاريخ الذهاب والعوده > تختار بلدان اتفاقية الشنغن > تدخل رقم بطاقة أحوالك وتاريخ ميلادك وايميلك > تدفع مبلغ التأمين عن طريق الفيزا او ماستر كارد (السعر يعتمد على مدة الرحله وانا كلفتني 86 ريال لمدة 10 ايام) .. بعدها بيجيك ايميل من التعاونيه فيه ملف pdf نزل الملف واطبعه وكذا انتهينا

● 5- إثبات القدره الماليه على المعيشه خلال فترة الرحله :
اذا عندك فيزا او ماستر كارد او أي بطاقة إئتمانيه مشابهه مثل اميركان اكسبرس.. صور البطاقه نفسها واطبع الصوره .. فقط الجهه اللي مكتوب فيها اسمك ورقم البطاقه .. اذا ماعندك فيزا مو مشكله .. كشف الحساب يغنيك عنها.

● 6- تعريف بالراتب :
طريقته سهله لان اغلب الشركات الان توفر لموظفينها طباعة التعريف عن طريق كمبيوتر الشركه .. اذا طبعته تأكد انه مختوم وموقع سواء اللكتروني او عن طريق الموارد البشريه في شركتك ويكون التوقيع ملون
ملاحظه : لما رحت للمركز الموحد طلبوا مني مصادقة ورقة تعريف الراتب من الغرفه التجاريه لأن شركتي غير حكوميه وغير معروفه! قلتله مافي وقت وانتو ما كتبتوها في ورقة المتطلبات ! .. قالي اجل مايحتاج و 90% السفاره ما راح يطلبونها ومشاني بدون مصادقه الحمدلله، ولما جاء موعد صاحبي بعد كم يوم، ما سألوه عنها ولا طلبوها، يعني المصادقه مو مهمه ولا تشغل نفسك فيها، واللي شغال بشركات كبيره مثل ارامكو والكهرباء مايحتاج تصديق .. لكن اللي شغال في شركه صغيره وغير معروفه افضل ياخذ تعريف بالراتب ويروح للشخص المسؤول في شركته يوقعله عليها ويختمها (لازم نفس الشخص اللي يوقعها يكون توقيعه مسجل فالغرفه التجاريه) وبعدها يروح للغرفه التجاريه ويصادق على التعريف .. مكان الغرفه التجاريه فالدمام حي الفيصليه شارع عمر بن الخطاب بجانب سوبرماركت الضاحيه ومقابل بنده او الفرع الرئيسي على طريق الدمام الخبر الكباري

● 7- الجواز الاصلي : تجيبه معك وتسلمه مع الاوراق وبيعطيك الموظف فاتوره تجيبها معك اذا جيت تستلم الجواز .. الجواز لازم يكون صالح لمدة ست شهور بعد تاريخ رجعتك من الدوله اللي انت رايحلها .. يعني جواز قرب ينتهي ما ينفع + صوره من الجواز (صوره للصفحه الاولى اللي فيها صورتك ومعلوماتك فقط)

● 8- صوره من بطاقة الأحوال مترجمه للانجليزي :
انا رحت مكتب ترجمه عطيته صوره من بطاقة احوالي وترجمها لي وختم عليها .. مكاتب الترجمه تلقونها حول الجوازات فالدمام في محلات كثير هناك تترجم والسعر ب25 ريال "اكتب بقوقل ماب مكتب ترجمه ويطلعلك محلات كثير حول جوازات الدمام" والترجمه ما تطول يسويها لك وانت واقف. وايضا تجيب معك صورة من بطاقة الاحوال عاديه بدون ترجمه وتسلمها مع الاوراق

● 9- كشف حساب لاخر ثلاث شهور :
روح البنك اطلب كشف حساب لاخر ثلاث شهور (انقليزي مختوم).. سعر كشف الحساب 26 ريال في اغلب البنوك ولازم يكون رصيدك فوق 15 ألف ريال.
ملاحظات :
- يقبلون كشف الحساب الالكتروني المختوم ختم اللكتروني ملون من بنك الراجحي .. انا رحت الراجحي وطبعت كشف الحساب بنفسي من الجهاز وقبلوه مكتب التأشيرات
- ‏صاحبي عطاهم كشف حساب ورصيده كان نازل مره .. كلموه السفاره بعدها بيومين وطلبوا منه كشف حساب جديد اخر رصيد فيه 15 ألف ريال عالاقل .. ،وبعد ما رفع صاحبي رصيده الى 15 ألف أخذ كشف حساب جديد وسلمه لمكتب التأشيرات الموحد ومشت اموره الحمدلله.

● 10- اثبات سكن خلال فترة الرحله كامله :
انا فالبدايه جبت معاي حجز واحد فقط حق أول يومين من رحلتي .. ورحلتي كامله عشر ايام .. قالي الموظف ما ينفع لازم حجوزات لكامل مدة الرحله .. فدخلت على بوكنق من الجوال على السريع وحجزت ثلاث فنادق وكلها قابله للإلغاء المجاني .. طبعتها في مكتب سفر قريب منهم ورجعت سلمتها والامور تمام .. ولما استلمت الجواز ألغيت كل الحجوزات الوهميه .. طبعا في كل الأحوال افضل تكون مخطط لرحلتك كامله من بدري مو مثلي

● 11- حجز سياره (أو قطار أو طيران داخلي) :
اذا ناوي تروح اكثر من دوله (يعني مثلا حجوزاتك للفنادق في ايطاليا وسويسرا ، السفاره عن طريق حجوزاتك راح يعرفون انك بتخرج من ايطاليا الى سويسرا) فالحاله هذي لازم تثبت لهم وسيلة تنقل .. والاغلب انها حجز سياره او طيران داخلي او قطار .. وطريقة الاثبات انك تطبعلهم تأكيد الحجز سواء حجز سياره او غيره

تذكر هالاشياء :
- احجز موعد اولاً ثم ابدأ اطبع المتلطبات وجهز اوراقك على ما يجي موعدك .. خاصه في موسم الاجازات زحمه المواعيد .. واعطي نفسك مجال اذا جيت تحجز موعد .. يعني احجز موعد بعد اسبوع او اسبوعين مثلا .. لأن ما في آمل تخلص كل المتطلبات بيوم او يومين .. وطريقة حجز الموعد موضحه في موضوع الاخ (اخر فرصه)
https://www.arabtrvl.com/vb/t34196.html
- ‏الموظف بيراجع معاك اوراقك كامله .. فاذا في شي غلط او ناقص بيعدله وبيساعدك .
- التبصيم بعد تسليم الاوراق مباشره .. يعني بتروح مكتب التأشيرات مرتين فقط .. مره اولى في وقت الموعد اللي حجزته لتسليم الاوراق والتبصيم .. والمره الثانيه اذا ارسلولك ان جوازك جاهز تروح تستلمه
- ‏اذا كنت مشغول وما تقدر تستلم جوازك بنفسك .. اعطي الشخص اللي بيستلم جوازك بدالك الفاتوره وايضا صوره من بطاقة احوالك واكتب تحت الصوره بالانقليزي :
On behalf of me, please let (NAME) recieve my passport
وبين القوسين اكتب اسم الشخص اللي بيستلم الجواز بدالك
واكتب تحتها اسمك ووقع .
- بعد تسليم الاوراق بيطلب منك الموظف 362 ريال كاش .
- الفيزا تستغرق اسبوع الى اسبوع ونص بالكثير .. انا استلمت الجواز بعد اسبوع من تقديم الاوراق، وقت قياسي مقارنه بالسفارات الاخرى


اتمنى تستفيدون وان شاء الله اني وفقت فالشرح واذا في أي استفسار انا حاضر وشكرا .

 

زياد محمد غير متواجد حالياً   رد مع اقتباس
قديم 12-10-2018, 04:12 AM   #2

مجلس الإدارة

الصورة الرمزية آخـــرفـــرصـــة
 
تاريخ التسجيل :  Dec 2014
رقم العضوية : 16
الدولة : فضاء العرب المسافرون
الجنس : ذكر
المشاركات : 30,318



افتراضي


وعليكم السلام


موضوع رائع يا زياد
اعجبني الترتيب و الدقة في شرح التفاصيل


نشكرك على طرح هذه التجربة الرائعة حقا
اللي راح يستفيد منها كثير


في ميزان حسناتك


الله يسعدك


 

توقيع : آخـــرفـــرصـــة

نقره لعرض الصورة في صفحة مستقلة

لا أكتب الا في شبكة و منتديات العرب المسافرون

آخـــرفـــرصـــة غير متواجد حالياً   رد مع اقتباس
قديم 12-10-2018, 11:10 AM   #3

مسافر جديد

 
 
تاريخ التسجيل :  Jan 2015
رقم العضوية : 1450
الجنس : ذكر
المشاركات : 12



افتراضي


بارك الله فيك واسعدك ربي اشكرك على الشرح الوافي الكافي

 

آخر مواضيع مول الماطور

- شنغن للخادمة

مول الماطور غير متواجد حالياً   رد مع اقتباس
قديم 12-10-2018, 05:54 PM   #4

مسافر جديد

 
 
تاريخ التسجيل :  Oct 2018
رقم العضوية : 21948
الجنس : ذكر
المشاركات : 13



افتراضي


كم المدة إلى اعطوك للفيزا

ويعطيك العافيه على الشرح و ذكر التفاصيل

Sent from my SM-N950F using Tapatalk

 

Emad2020 غير متواجد حالياً   رد مع اقتباس
قديم 12-10-2018, 09:07 PM   #5

مسافر متألق

الصورة الرمزية الذهبي
 
تاريخ التسجيل :  Mar 2015
رقم العضوية : 2726
الدولة : السعودية
الجنس : ذكر
المشاركات : 632



افتراضي


ماقصرت على ذكرت التجربة والف شكر لك
كم المدة الفيزا عطوك؟

 

الذهبي غير متواجد حالياً   رد مع اقتباس
قديم 15-10-2018, 08:40 AM   #6

مشرف سابق

الصورة الرمزية الفارس
 
تاريخ التسجيل :  Feb 2015
رقم العضوية : 2092
الجنس : ذكر
المشاركات : 1,696



افتراضي


يارك الله فيك الأخ زياد
شرح مرتب ويساعد الاخرين امثالك
شكرا لنقل تجربتك
ولكن اعيد نفس السؤال الذي طرحه الاخوة
كم مدة التأشيرة اللي حصلت عليها.

 

توقيع : الفارس

*** الفارس ***
أبو مشاري

الفارس غير متواجد حالياً   رد مع اقتباس
قديم 29-10-2018, 08:05 PM   #7

مسافر جديد

 
 
تاريخ التسجيل :  Oct 2018
رقم العضوية : 22026
الجنس : ذكر
المشاركات : 15



افتراضي



كم المدة إلى اعطوك للفيزا

ويعطيك العافيه على الشرح و ذكر التفاصيل

Sent from my SM-N950F using Tapatalk
عفوا اعتذر منك على الرد المتأخر لاني ما ادخل كثير عالمنتدى

بالنسبه للمده اعطوني سنه كامله .. وكل اصحابي ايضا عطوهم سنه

 

زياد محمد غير متواجد حالياً   رد مع اقتباس
قديم 29-10-2018, 08:06 PM   #8

مسافر جديد

 
 
تاريخ التسجيل :  Oct 2018
رقم العضوية : 22026
الجنس : ذكر
المشاركات : 15



افتراضي



ماقصرت على ذكرت التجربة والف شكر لك
كم المدة الفيزا عطوك؟
عفوا اعتذر منك على الرد المتأخر لاني ما ادخل كثير عالمنتدى

بالنسبه للمده اعطوني سنه كامله .. وكل اصحابي ايضا عطوهم سنه

 

زياد محمد غير متواجد حالياً   رد مع اقتباس
قديم 29-10-2018, 08:07 PM   #9

مسافر جديد

 
 
تاريخ التسجيل :  Oct 2018
رقم العضوية : 22026
الجنس : ذكر
المشاركات : 15



افتراضي



يارك الله فيك الأخ زياد
شرح مرتب ويساعد الاخرين امثالك
شكرا لنقل تجربتك
ولكن اعيد نفس السؤال الذي طرحه الاخوة
كم مدة التأشيرة اللي حصلت عليها.
عفوا اعتذر منك على الرد المتأخر لاني ما ادخل كثير عالمنتدى

بالنسبه للمده اعطوني سنه كامله .. وكل اصحابي ايضا عطوهم سنه

 

زياد محمد غير متواجد حالياً   رد مع اقتباس
قديم 03-11-2018, 12:54 PM   #10

مسافر جديد

 
 
تاريخ التسجيل :  Nov 2018
رقم العضوية : 22222
الجنس : انثى
المشاركات : 13



افتراضي


مشككككككككككككككككككككورا جيج جدااااااااااااااااااااااا

 

zina غير متواجد حالياً   رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
تجربتي لإستخراج تأشيرة شنغن دنماركية 2018 TooN فيزا شنغن 5 24-12-2019 06:49 PM
تجربتي لاستخراج تأشيرة المانيا 13/5/2018 Solo Traveller فيزا شنغن 24 09-07-2018 01:14 PM
تجربتي في إستخراج فيزا شنغن من فرنسا 4 يونيو دهآليز فيزا 16 12-07-2017 04:33 PM
تجربتي في إستخراج فيزا اسبانية من مكتب BLS عويف القوافي فيزا 10 20-06-2017 11:00 PM
تجربتي في إستخراج فيزا بريطانيا 6 اشهر مكتب التأشيرات الموحد بجده الحربي 2014 فيزا بريطانيا 6 26-04-2016 04:48 AM

الساعة الآن 01:24 AM
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO