اسمحيلي اخت نوف بالمداخله

قبل العيد كنت بموريشيوس

الجزيره ممتعه جدا واجواءها بهالفتره كانت حلوه وبارده

برايي تحتاج 10 ايام لاستكشافها بالكامل

سكنا كان في منطقة فليك ان فلاك وهي مناسبه للانطلاق للرحلات في جميع الاتجاهات

في وايد اماكن للاطفال مثل كاسيلا بارك تحتاج رحله يوم كامل فيها

وحديقة لافالي قمة المتعه la vallee des couleurs

وبعد حديقة لا فانيل نيتشر بارك la vanille

ورحنا ركوب الخيل على شاطئ رامبل بالجنوب Riambel

وتأجير قارب خاص برحلة يوم لمشاهدة الدلافين وفي رحله ثانيه للسباحه والتصوير معاهم

بوتانيكل جاردن مافيها شي مميز ابدا لا تضيع وقتك فيها مو نفس الصور مستواها اقل

والمنتجعات نفسها فيها فعاليات الكاياك والبدل بوت والبوت الزجاجي وغيره يعني الاطفال ما يملون ابدا

الاسواق والمجمعات ما عجبتني مافي شي مميز ابدا

الاسعار مو رخيصه للرحلات والمطاعم بس تستحق