الولايات المتحده ٢٠١٩ (نيويورك- اورلاندو - ميامي - البهامز - لاس فيغاس - لوس انجلوس)

ek201 · 02-03-2019, 12:39 AM

بسم الله الرحمن الرحيم

في هذا التقرير بغطيلكم صور من رحلتي الى الولايات المتحدة و الي استمرت ٢١ و عشرين يوم و زرنا خلالها ٦ مدن في رحلة لا تنسى

قبل الرحلة ب خمس اشهر كنه جالسين و نبا نخطط حق إجازه فيتنا فكره انه نسير امريكا خاصاً ان الاغلب ما زاروا امريكا من قبل لاكن كان منهم الي ما عنده الفيزا ف قرروا يطلعون الفيزا قبل بفتره خاصاً ان امور الفيزا اصبحت وايد سهلة و سريعة.
ف بعد شهرين تقريباً تقلص العدد من ٦ الى ثلاثة بس نحن الثلاثة قلنا بنسير حتى اذا ثلاثة بس فالحمدالله صديقنا قدم على الفيزا و حصلها و قلنا نتأكد من الاجازات و نحجز ف قبل هني قررنا ان خلال هذي الرحلة نزور (نيويورك - اورلاندو - ميامي - البهاماز - لاس فيغاس - يوسميتي - لوس انجلوس)

و أول خطوه كان لازم نحجز تذاكر السفر و الي ما كانت رخيصه فبحثنا اول شي عالاماراتيه و طيران الاتحاد من دبي الى نيويرك و العوده من لوس انجلوس الى دبي و كانت تذكره رجال الاعمال تقريباً ٢٧٠٠٠ درهم اماراتي و الي كان مبلغ كبير و كبير جداً و خلال اسبوع كنت ابحث عن التذاكر و اتابع اسعارهم بشكل يومي ف يوم من الايام و انا ابحث حصلت على الخطوط السعودية تذكرة من دبي الى جدة ثم ترانزيت ٥ ساعات في جدة و ثم جدة نيويورك و الرحلة الثانيه لوس اجلوس الى جدة و ترانزيت ٦ ساعات في جدة ثم جدة الى دبي على درجة رجال الاعمال بسعر ١١٠٠٠ ألف درهم فاستخرنا و حجزنا الحمدالله كانوا عند حسن الظن فقط ان الرحلة كانت طويلة جداً.
و بعد حجز رحلة الطيران كنه مخططين نحجز كروز للبهامز و كنه نبغيه بس لمدة ٣ ايام و كنت ابحث رحلات على متن The Royal Carbbiean لان الاغلبيه مدحولي هذي الشركة عن الشركات الاخرة و هذه الفتره ايضاً سفينة the shymphony of the seas تبحر للبهامز لاكن المشكله الرحلة تستغرق اكثر عن ثلاثة ايام ف حصلنا رحلة لمدة ٣ ايام على Mariner of the seas الي كانت خرافيه و كان على الرحلة ٣٥٪ خصم ف كان المبلغ الاجمالي ٧٥٠٠ درهم تقريباً و الابحار من ميامي تاريخ ١٨ و تاريخ ١٩ جزيرة كوكو باي الي تابعه للشركة و تاريخ ٢٠ ناساو عاصمة البهامز و تاريخ ٢١ العودة لميامي.
و قبل الرحلة باسبوعين حجزنا الفنادق و السيارات و هذا بحطهم في جدول آخر الموضوع عشان تعيشون الجو من البداية.

و هذا جدول رحلتنا
نيويورك - ٣ ايام
اورلاندو - ٣ ايام
ميامي - يومين
كروز في البهاماز - ٣ ايام
لاس فيغاس - ٣ ايام
يوسيمتي - يوم واحد
لوس انجلوس - ٦ ايام

بسم الله نبداء

قبل يوم من الرحلة ذهبت عشان استخرج الرخصة الدولية لاكن الحمدالله ما احتجتها لانهم يقبلون الرخصة الإماراتية

هذي كانت الاجواء في نيويورك قبل يوم من الرحلة

و في يوم الرحلة توجهنا للمطار الساعه ٨:٤٠ المسا و موعد الإقلاع كان الساعه ١١:٠٠ واجهنا بعض المشاكل في الجيك ان لان السيستم كان بطيء و بعدها توجهنا للقاعة الانتظار و عند البدء بالبوردينق توجهنا للطائرة و كانت طائرتنا Boeing 787 dreamliner و كانت جميلة جداً و هذي صورة من مقعدي

بعدها كان الإقلاع الي كان خرافي لان منظر دبي في الليل شي روووعه

و هذي نخلة جميرا

بعدها وصلنا مطار جدة و المطار كان مزدحم جداً و توجهنا لصالة الفرسان مباشراً و كان عندنا ٥ ساعات انتظار للإسف الواي فاي كان تعبان في الصالة و الصالة كانت باردة جداً ف تقريباً كل شوي كنت اطلع بس عشان اتدفا

بعد خمس ساعات من الانتظار و البرد توجهنا للطائرة و كانت تنتظرنا رحلة لمدة ١٣ ساعة تقريباً على Boeing 777-300

و هذا الإقلاع فوق جدة صباحاً

بعد رحلة طويلة اخيراً وصلنا لمدينة التفاحة الكبيرة نيويورك

لمشاهدة رحلتي على الطيران السعودي تفضلوا بزيارة الرابط

دبي - جدة

جدة - نيويورك

بعد الوصول توجهنا للجمارك و كان النظام جديد علي ان تحط معلوماتك في جهاز يعطيك ورقه و من ثم تذهب لموظف الجوازات الحمدالله ان الموضوع كامل ماخذ اكثر عن ١٠ دقايق و عند وصولي لموظف الجوازات سألني سؤالين فقط لا غير شو تشتغل و شو سبب زيارتك للولايات المتحدة بعدها ختم على الجواز استلمنا الشنط الي تأخروا علينا شوي و من ثم اخذنا sim card و توجهنا لمنطقة سيارة الاجرة الي اخذنا للفندق ب تقريباً ٥٥ دولار و هذا كان فندقنا

بعدها سوينا جيك ان لاكن قالوا غرفكم بتكون جاهزه الساعه ٣ فقررنا نسير نتغدى و نرجع للفندق نريح

و توجهنا للتايمز سكوير الي يبعد عن الفندق ٥ دقايق مشي ندور مطعم

درجة الحرارة في نيويورك

مزيد من الصور في التايمز سكوير

و احلى شي في نيويورك اكشاك الاكل الي الاغلب يكون حلال و تشوفون عرب شغالين فيها

بعدها توجهنا لمطعم اسمه five napkin burger الي المقبلات كانوا لذيذين بس البرجر ما كان قد الطموح

بعدها توجهنا للفندق نريح و نصلي

بعد ما ريحنا قلنا نطلع في جولة قبل النوم و توجهنا للفيفث آفينيو

و هذي بعض المحلات في الفيفث افينيو الي يبعد بلوك واحد عن فندقنا

مبني دونالد ترامب

بلغاري

لويس فيتون

فندق ذا بلازا الي يعتبر احد افخم الفنادق في نيويورك

و هذي المباني الي مقابل السينترال بارك

اجواء كريسميسيه حتى بعد الكريسميس

و بعدها و نحن نمشي توقفنا في كوفي يبيع دونات قبل لا يسكر و خذت عندهم هذا الدونت اللذيذ بطعم الاسبريسو

بعدها توجهنا للتايمز سكوير لان المكان في الليل خرافي

و هذا التايمز في الليل

و هذا الشي دايم كنت اتسأل عنه و اخيراً عرفت انه مكان لتسجيل الي يبغون ينضمون للجيش الامريكي

و بعدها قررنا نرجع للفندق نريح بعد يوم طويل جداً

و قريب من الفندق شفت كشك عربي و اخذت من عنده هوت دوج بقري

و هذي كانت نهاية اول يوم من رحلتنا فالولايات المتحدة

في اليوم الثاني استيقضنا الصبح و انت الحرارة ٤ درجات تحت الصفر و في هاليوم قررنا ننزل داون تاون صوب برج التجارة العالمي و الوول ستريت و الحي الصيني

بعدها قررنا ندور مطعم في شكشوكه حق الفطور، دخلنا مطعم ، سمعنا اغنيه غريبه و بعد ما طلبنا سرت الحمام و لاحظت ان الكتابات في المطعم عبريه فطلع المطعم إسرائيلي و هذا كان اكلهم اكل عربي

حتى الفلافل سرقوه منا

للإسف ما تلذذنا في الاكل بعد ماعرفنا انه مطعم اسرائيلي و نحن نمشي حصلنا مطعم و سوبرماركت هندي قلنا نكمل فيه

و هذا الكرك من عندهم خطير صراحه

بعدها قلنا نمشي للحي الصيني

و هني نقترب من الحي الصيني

بعد ما شفنا هذا التمثال عرفنا انه وصلنا

weclome to chinatown

بعض سيارات الشرطه تكون بالكهربا مثل هذي

بعدها مرينا بجسر بروكلين

احلى شي في نيويورك المباني الشاهقة و الشوارع الضيقه

بعدها حصلنا محطه قطار كبيره قلنا نسير ندفى فيها لان البرد مش طبيعي كان في هذا اليوم

و بعدها كملنا مشوارنا لبرج التجارة العالمي الجديد

و هذي الدرجات الهوائية تقدر تنزل الآب و تاخذها و كل شركه لها سعر صراحه شي حلو بس ما جربناه لان البرد كان مش ممكن

هذا المكان جزء من متحف برج التجارة العالمي الي سقط في احداث ١١-٩

و هذي الحديقة قريب منها

هذي الاعلام الي ماعرفت لشو ترمز

اعلام استراليا فرنسا السعودية كوريا و الارجنتين

هذا قرب ضريح احداث ١١-٩

و هذا ضريح ١١-٩ مكتوب فيها اسامي الي راحت ارواحهم في الحادثة

و بعدها دخلنا لمتحف احداث ١١-٩ صراحه المتحف حزين شوي بس رائع و يعيشك في اجواء مخيفه شويه في بعض الاماكن
و عند الدخول حاطين صوره للبرجين قبل الحادثه بقليل

و هذا اساس المبنى لين احين موجود

و هذا الدرج لاحد البرجين الذي تحطم قليلاً من الاحداث

لا شي يستطيع محوك من الذاكره

و هذا جزئ من الهوائي الي كان فوق البرج

سياره مطافي حاولت بجهد اطفاء الحريق لاكنها احترقت

اساس البرج

هذا محرك المصعد

و هذا حزام لاحد الطائرات الي اصطدمت فالبرج

باب سياره اسعاف محطمه

و هذا شعار البرج رقم اثنين

و بعدها خرجنا من المتحف كنه ندور مكان نصلي فيه

و هذا المصلي الي حصلنا مشاء الله كان ٦ طوابق و قريب من مطقه الوول ستريت

بعدها سرنا تغدينا في مطعم stickey finger joint

بعدها توجهنا ل وول استريت و الجو بدا يبرد خاصاً اننا اقتربنا من البحر

و هذا احد المطاعم الراقيه الايطاليه

الثور المشهور في وول ستريت

و بعدها سرنا الباتري بارك و من هنا تنطلق اغلب الرحلات لتمثال الحريه

و بعد ما برد الجو قلنا ناخذ اوبر و نروح احسن محل قباعات عندي

و بعد ما اخذتلي كم من cap توجهنا للتايمز سكوير

إضائات التايمز سكوير فالليل خرافيه

و بعدها وقفنا في محل كريب

و بعدها رجعنا للفندق

و هنا كان نهاية يومنا الثاني في الولايات المتحدة

في اليوم الثالث و الاخير صحينا تقريباً الساعه ٦ الفجر و قررنا قبل ال ٨ نحرك من الفندق و كان يوم الاحد و شوارع نيويرك كانت خاليه على غير العادة بسبب الويكند

و هنا مرينا في حديقة كان فيها مكان للتزلج

نافوره متجمده و الي خلى منظرها خرافي

و هذا مكان التزلج

فعلاً احب نيويورك

بعدها جينا ل chelsea market للفطور و لان فيها مطاعم كثيره

بعد ما اكتفينا من برد نيويورك الجميل كنه متشوقين لدفى اورلاندو

هذا الميني داونتز خطير صراحه

هذا كشك No 1 Tacos صراحه احلى تاكوس جربته في حياتي بس انتبهوا قولوله دجاج او لحم بقري لان عندهم خنزير بعد

بعدها قررنا نمشي للحي الصيني نجرب الهوت تشوكليت في احد المحلات هناك

و هذا مطعم بلاك تاب صراحه استغربنا لان في دبي موجود في فندق النسيم جميرا الي يعتبر من افخم الفنادق و في نيويرم موجود في شارع عادي

هذا محل milk and cream cereal bar

و هذا الهوت جوكليت الخطير

و هذا الميلك شيك الي صديقي طلبه

و بعدها قررنا نروح للسنترال بارك نتمشى

و هذا احد مداخل السنترال بارك

و عند السنترال بارك في مول بعد

و هني دخلنا في السنترال بارك الي تذكرني في رحلتي لنيويورك في ٢٠١٥

صراحه في هذي الرحله لاحظت كيف يوم الحراره تكون ١ ولا اكثر الجو يكون ادفى بكثير من تحت الصفر

بعدها طلعنا من السنترال بارك و كنه ندور مطعم نتغدى فيه

مطعم جي جي ميلون يعتبر من افضل المطاعم البرجر في نيويورك حتى يوم تدخل يكون في ويتنق ليست و نحن انتضرنا تقريباً نص ساعه بس يسوى

و بعدها قلنا نسوي شوبينق خفيفي قبل العوده للفندق

و هذا محل نايكي في فيفث افينيو المحل جميل صراحه

و آخر محل قبل العوده كان اديداس

و هذي الوجبه كانت آخر وجبه في نيويورك

و كانت هذي آخذ ليلة في نيويرك الجميله صراحه استمتعنا في نيويورك لاكن جوها كان بارد جداً حتى وصلت لست درجات تحت الصفر

فاليوم الثاني استيقضنا الساعه ٦ سوينا تشيك اوت من الفندق و خذنا اوبر لمطار لاجوارديا و في هذا الوقت الثلوج بددت تتساقط

و حتى شوفو الثلوج بدت تتجمع عند الرصيف

ام عزيـــز, q8ya metnaqla, ابوسلمان و 12 آخرون معجبون بهذا.

ek201 · 02-03-2019, 12:41 AM

قبل الوصول الاوبر خبرنا اي تيرمنل ف قلناله انه ما نعرف بس نعرف انه طيرات جت بلو ف وصلنا للتيرمنل و نزلنا الشنط و سألنا عن منطقه التشك ان لطيران جت بلو قالوا في مبنى ثاني و فيه باص ياخذكم هذا المبنى و باقي عالطياره ساعه و نص و نحن ننتظر الباص لمدة نص الساعه و ما وصل ف قلنا ماشي حل الا ناخذ تاكسي ف سرنا منطقه التاكسي قالوا لازم تاخذون باص يوديكم منطقة التكسي فانتظرنا و وصل الباص بعد ظ،ظ دقايق و ما بقى عالرحله الى ظ¤ظ دقيقه و عن نفسي فقدت الامل و بديت ابحث عن رحلات اخرى وصلنا منطقه التاكسي قلنا نبغي لتيرمنل أ قالوا لان امشوا دقيقتين و بتوصلون مشينا ظ،ظ دقايق في البرد و اخيراً وصلنا و الحمدالله المطار صغير جداً حطينا الشنط و على طول ركبنا الطياره

و هذا المقعد و شي نادر تشوف شاشه في الرحلات الداخليه الامريكيه

و تخيلوا حصلنا من؟ طياره الرئيس دونالد ترامب

و هني بعد الإقلاع بدقايق

فوق فلوريدا

الوصول ل اورلاندو

و هذا مطار اورلاندو و نحن نتوجه ل منطقه استلام الشنط

ركبنا القطار الى ياخذنا لمنطقه الشنط و شد انتباهي اسم طيران الإمارات الي تطير ل اورلاندو

و نحن ننتظر الشنط

بعد ما استلمنا شنطنا سرنا نستأجر سياره و انا كنت حاجز سياره كشف و هذي هي السياره لاكن للإسف الشنط ما كافت فقلنا لازم نسوي اب قريد للسياره ف اخذنا سياره اكبر

في الطريق الى الفندق و نتأمل جمال اورلاندو و جوها الخرافي الي كنه نبغيه بعد برد نيويورك

قريب الفندق

و هذا فندقنا vista cay resort صراحه السعر يسوى و اكثر لان في الشقه فيها غرفتين حمامين صاله و مطبغ و الليله تقريباً ب 400 درهم

و هذي خريطة المنتجع

و هني بعد ما ركنه السياره

و هذا الكوندو وين شقتنا موجوده

بعدها قررنا نروح اليونيفيرسال درايف

و في الدرب شفنا وكالة درجات هارلي قلنا نوقف فيها نشوف الدراجات و الاسعار

و هذا محلهم داخل الوكاله

و هذي بعض الدرجات

بعدها رحنا ليونيفيرسال درايف بركنه السياره و كانت الباركنات بلاش و هذي المنطقه مليئه بالمطاعم و كان الجو روعه

التشورو عشقي

وقت الغروب اقترب

مكان لميني جولف على شكل سفن القراصنه

و هذا المبنى المقلوب

و كملنا تمشيه

و هذا اليونفيرسال درايف في الليل

بعدها قلنا بنسير وال مارت نتشرى حق الافطار بكره الصبح

بعدها سرنا تاكو بيل حق العشا قبل العوده للفندق

و هنا يتنهي اول يوم في اورلاندو الي كانت روعه صراحه

في اليوم التالي صحينا من وقت و كان عندنا خطه ان نسير دزني لاند لاكن عالظهر

و هذا الفطور الي طبخنا في المطبخ الموجود في الشقه كان لذيذ صراحه

و هذا المنظر من الشقه و الاجواء الخرافيه

و بعدها صلينا و تحركنا لديزني لاند

و السواقه في اورلاندو ممتعه جداً و خاصاً كيف الشوارع خضره و غير مزدحمه

و هنا الإقتراب من دزني لاند

و بعدها وقفنا في المواقف و سياره كهربائيه تاخذنا لمحطه القطار الي تاخذنا للحديقه

و هذا مدخل الحديقه و لازم تمر من نقطه تفتيش قبل الدخول للحديقه

و هذي البطاقه الدخول

الاجواء الكريسمسيه بعدها موجوده في الحديقه مع انه نحن في شهر 1

شعار ديزني لاند

و هذي القلعه الي دزني لاند مشهوره فيها

و بعدها الالعاب الناريه حول القلعه

و هذا تمثال مؤسس ديزني لاند

و هذي افضل لعبه في دزني لاند لان للاسف اغلب الالعاب للصغار

و بعد اللعبه حسينا بجوع و خذت ايس كريم على شكل ميكي ماوس

و هذا قسم رعاة البقر

و هذا التشورو معشوقي

و هذي لعبة قراصنه الكريبي و هذا الفلم يعتبر احد افضل الافلام عندي

بطاقه الدخول تتيحلك تدخل ظ£ العاب ك اولويه و انت تختار في الالعاب في الاجهزه الي موجوده حولين الحديقه

و هذي اللعبه الي بللتنا و خلتنا بردانين طول اليوم في الحديقه لان في الليل الجو يبرد

و هذي السناجب الي كانوا منتشرين في هذي البقعه من الحديقه

و هذي القلعه في الليل شكلها روعه و للإسف طلعنا قبل العرض الي دزني مشهوره فيه

و هذي بدايه الحديقه في الليل و الإضائة تعطيها جماليه اكبر

و هذي درجة الحرارة الي وصلت 14

بعدها توجهنا لمطعم اسمه JB و كان في اليونيفيرسال بوليفارد و هذا كان عشانا

و هنا تنتهي ثاني يوم في اورلاندو

في اليوم الثالث و الاخير في اورلاندو قررنا نروح لمركز كنيدي للفضاء الي تقع قرب مدينه ملبورن الي تبعد عن اوزلاندو 50 دقيقه

هذي سيارتنا الي سوينالها اب قريد عشان الشنط

و هني توجهنا للإفطار

هذا داينر اسمه village in

و هذي وجبتي الي صراحه كانت كبيره حق وجبة إفطار

بعد الإفطار اللذيذ حطينا جوجل مابز و انطلقنا

و هذا الدرب الي كان جميل جداً

و هني اقتربنا من الجزيره الي مركز الفضاء فيها

و هني فوق الجسر و منظر البحر رائع جداً

و هنا دخلنا المواقف و ياخذون تقريباً 10 دولار

و هذا مدخل مركز كنيدي للفضاء

و هذي احد مقولات كنيدي عن الفضاء

و هذا نحت مرسوم على شكل رواد الفضاء

و هذي الصواريخ الصخمه موجوده عند مدخل المركز

و هذي مجسمات الصواريخ و تقدرون تشوفون احجامها و الفرق بين بعض

تمثال ل الن شيبارد اول امريكي يطير للفضاء

و هذي لوحه تبين كيف شركة IBM ساهمت بالوصول الى الفضاء

نبذه عن تاريخ فلوريدا

محطه الفضاء العالميه

شعار ناسا

و هذي شكل تربة المريخ

و هذي شكل تربة القمر

الجو كان بارد لاكن الشمس حاره بس ماقدرت اقاوم هذا الايسكريم

و هذا مبنى الركبات الفضائيه

و هنا مدخل التور الي للإسف كان مش مفتوح كامل بسبب ال government shut down

و ركبنا الباص الي اخذنا للمكان الي انطلق فيه اول صاروخ امريكي

و هذا المكان الي عرضوا الاجواء في الغرفه بشكل رائع

و هذا مجسم الصاروخ

و هذا جزء من الصاروخ

و هذي جريدة الاهرام تتغنى ب اول من هبط على القمر

و هذي جريدة يابانيه

السماء تنادينا

هذا مجسم مركبة الفضاء اتلانتس و هي كانت اول مركبة فاضيه تصنع و تستعمل في اكثر من مهمة

و هذي مائدة الطعام في الفضاء

و هذا السرير

و هذي المركبات الفضائيه و عدد مهماتها

بعد ما تعلمنا الكثير و انتفعنا صراحه قررنا نرجع ل اورلاندو نتغدى و نسير نتسوق في الأوت ليت مول

و نحن في طريق العوده ل اورلاندو

اول ما وصلنا قررنا نروح لليونفريسال بوليفارد و نتغدى في مطعم Bahamas Breeze

بعدها رحنا للآوت ليت مول و كان اسم Orlando International Premium outlets

بعد ما تسوقنا قلنا بنروح لمطعم برجر لذيذ اسمه Burgerfi

و هذا بعض من التسوق

q8ya metnaqla, آخـــرفـــرصـــة, الايمان و 10 آخرون معجبون بهذا.

ek201 · 02-03-2019, 12:44 AM

و بهذا تنتهي رحلتنا في اورلاندو اليوم الثاني التوجه بيكون لميامي بس صراحه يمكن خلال السفره اورلاندو كانت اجمل مدينه بسبب الطبيعيه و جوها الخرافي الي من ٢٤ درجة ل ١٠ درجات و هدوئها و قلة الإزدحام

في اليوم الثاني صحينا و سيونا تشيك اوت

و هني امام فندقنا

و انطلقنا الى ميامي

و بعدها و قفنا في محطه البترول نعبي و ناكل

و هذا ثلاجه الرد بول

و هذي المطاعم في المحطه

دزني في كل مكان

شوفوا شو كبرها الرد بول

و كملنا طريقنا الى ميامي

الإقتراب من ميامي

بعدها وصلنا فندقنا mare azur design district luxury apartments الي يقع قبل الجسر الفاصل بين ميامي و ميامي بيتش لاكن اول ما وصلنا قالوا الغرف مش جاهزه ف ققرنا نروح ميامي بيتش

و هذا الجسر الرابط بين مدينه ميامي و ميامي بيتش

دخولنا ميامي و هذي لينكولن رود

و هني بعد ما ركنه السياره

من اول نظره حبيت ميامي خاصاً الجو كان روعه كان ٢٢ درجه

هذي احد الفنادق على شارع ميامي بيتش

و هذي احد الفنادق الفخمه

محل تأجير دراجات و كان عندهم دراجات غريبه

قرب البحر

و هني قررنا نمشي على البحر خاصاً ان الجو حلو و بارد

و هذا كشك للمشروبات

بحر ميامي بيتش

هذي المنطقه دايماً يسون فيها نشاطات

سياره المطافي

بالنسبه لي اشوف التكاسي الصفراء تعطي جماليه للمدينه

بعدها رحنا مطعم اسمه naked taco

هذي السياره موجوده في مدخل المطعم

بعدها قررنا نمشي شوي قبل لا نرجع للفندق

هذي السياره القديمه عجبتني

منظر الغروب كان خرافي و بعدها رجعنا الفندق

و هنا تنتهي اول يوم لنا في ميامي

في اليوم الثاني صحينا من وقت لان كان آخر يوم في ميامي قبل التوجهه للكروز و هذي صوره من امام غرفتنا

بعدها سرنا نفطر في مطعم خطييير للإسف نسيت اسمه و شو ما احاول اتذكر مب قادر

بعد احلى فطور قررنا نروح للباي فرونت

و الحمدالله حصلنا موقف لان دايم ما يكون صعب تحصل

و هذي الباي فرونت الي تعتبر امام داون تاون ميامي

و هني المدخل

و هذا المول الي موجود في الباي فرونت فيه محلات و مطاعم

و هذي الواجهة البحريه

و كما تشوفون فيه وايد يخوت و قوارب واقفه

و بعدها دخلنا المول نتسوق شويه

و هذا بعد ما طلعنا من المول

و هذي صوره لمباني الداون تاون

و هذي المواقف وين ركنه السياره

و هذي مواقف الدراجات و الدراجات الهوائيه

هني قررنا نتمشى في الداون تاون

بعدها خذنا السياره و رحنا للواين وود وول

و الواين ود وول مشهور برسمات الجرافيتي على الجدار و الرسمات تكون جميه

و هني يوم دخلنا الحديقه ا، المتحف ما اعرف شو اسميه

و هذي الرسمات الي موجوده داخل فعلاً فن

و هذا الطياره راسمين عليها بعد

و هذا ايسكريم موهيتو خطير صراحه

بعدها شفنا محل دونت و رحنا له

بعدها قررنا نروح ل ميامي بيتش

و كالعاده وقفنا في المواقف المعتاده الي هي ارخص مواقف حصلناها في ميامي بيتش

و هذي السكه فيها كله مطاعم

ميامي رهيبه صراحه

بعدها شفنا مطعم فايف غايز و قررنا نتغدى فيه

و بعد الاكل اللذيذ قلنا نسير نتمشى في على بحر ميامي

و الغروب مع الإضائات تعطي المدينه جماليه اكبر

بعدها قررنا نروح الفندق نريح و نسبح في المسبح مع ان الجو كان شوي بارد

و هنا تنتهي رحلتنا في ميامي الي كانت روعه بس للإسف الجو شوي كان بارد للإسف و ما ينفع تسبح في البحر و تستمتع في ميامي بيتش و اليوم الثاني كنه لازم نرجع السياره و نسير للكروز الي بتاخذنا لجزر البهاماز

q8ya metnaqla, آخـــرفـــرصـــة, أم ريمه و 10 آخرون معجبون بهذا.

ek201 · 02-03-2019, 12:54 AM

في اليوم الثاني صحينا على راحتنا لان وقت التشك ان في الكروز كان الساعه وحده و عقبها ادرنا و وقفنا في محطه بترول عشان نعبي بنزين قبل لا نرجع السياره

بعد ما رجعنا السياره كان في باص حق عملاء الامو يوصلك للميناء ببلاش

و هذا مدخل مكان التشيك ان

سلمنا شنطتنا الي وصلوها لين الغرف

و هذا المبنى الخاص بشركتنا رويال كاربيان

و هذا جزء من الكروز ذا مارينرز اوف ذا سي

و هذا النفق الي يشبه نفق الطيارات

بعد ما سوينا تشيك ان لازم تمشي لين الكروز و داخل الكروز يكون في موظفين جمارك خاصيين بالكروز يجيكون عليك

و هذا مدخل الكروز

و هذي منطقة المحلات و بعض المطاعم في الكروز

و هذا كان طابقنا

محل في الكروز يبيع لوحات و في محلات كثيره ديوتي فري

بعدها رحنا للبوفيه الي كبير و متنوع و لذيييييذ جداً مشاء كوالتي الاكل العالي في البوفيه و هو مجاني ايضاً

هذا الفيو من البوفيه و الكروز متوقف

و هذا لمحه من البوفيه

احلى شي في هالهوت دوج بقري في الكروز

و هذا غداي

و هذا ممر الغرف في طابقنا

و هذا المصعد لان الكروز يتكون من ظ،ظ¥ طابق

و هذي الفرقه الي موجوده في الكروز

و هذا المسبح

و هذا الايسكريم الي متوفر من الصبح لين الساعه ظ© الليل و ببلاش

و هذا الفيو من المسبح

و هذي منطقة الالعاب

و هذا تاخذه ب ظ،ظ¢ دولار حق اليوم و تشرب مشروبات غازيه كثر ما تباه و كل الانواع متوفره

و هني تقدر تحجز رحلتك التاليه بسعر مخفض

و هذي خريطة الكروز

و هذي منطقة المحلات و الي تكون بدون ضرايب

بعدها قلنا بناخذ نظره على المطعم الياباني الي يعتبر من احد المطاعم الي بفلوس

و هذا الكازينو الي موجود في الكروز

و هذي منطقه الاركيد الي في الطابق ال ظ،ظ£

بعدها قررنا نروح لغرفتنا نريح و غرفتنا من نوع البلكونه و كانت ل ظ£ اشخاص الغرفه فخمه بس ضيقه يالله يالله كنه نصلي فيها

و هني الكروز غادر المينا

و هذي احد القوارب الصغيره الي كانت تودعنا

و في هذي اللوحه تقدر تبحث عن غرفتك في الطابق اذا ضيعتها

و بعدها دخلنا على وحبة العشا و كنت شبعان ف خذت بس سويت

و هذا الجم

و المسبح في الليل و كل ليله يحطون افلام في الشاشه الكبيره

و هذي لوحة بإسم الكروز

بهنا انتهت اول ليله على متن الكروز

اليوم الثاني صحيت على هذا المنظر الجميل و كنا واصلين جزيره كوكو كاي التابعه للشركه نفسها

و هذا القارب ينقلنا من الكروز للجزيره

و هذا فطوري

و هذي النرويجين كروز الي كانت واقفه عندنا

و هذي غرفتنا قبل المغادره

و هنا توجهنا للجزيره

و هذا كروزنا

و اقتربنا من الجزيره

و هذي الجزيره

بعدها نزلنا على الجزيره صراحه خرافيه و حلو التمشي فيها لاكن الجو شوي كان بارد بالنسبه لنا ف ما قدرنا نتونس فالبحر وايد

هذي بعض المحلات في الجزيره

النخل في كل مكان

و البحر صافي و جميييل

بليارد تنلعب بالرجل

و هذا بار في نص البحر

و هذي كعكه بهاميه و كل الوجبات الخفيفه ببلاش

و هذا البوفيه الي ببلاش بعد

و هذا غداي الي كان لذيييذ

و هذي نفس الفرقه الي كانوا في الكروز

و هذا العصير الي طلبته لاكن بفلوس بس يسوى كان لذييذ

و قبل لا نرجع قلنا بنتمشى على الجزيره و الشمس كانت حاااااره حتى انها صلخت جلدي

و هذا الكروز و نحن راجعين

بعد ما رجعنا قلنا بنسير جوني روكتس ناكل شي خفيفي

منظر الغروب الرائع بعد ما حركنا للعاصمة ناساو

الآركيد

و هنا خلصنا اليوم الثاني فالكروز

في اليوم الثالث صحينا و كنه واصلين ناساو عاصمة جزر البهاماز و كان في كروز علي يمينا ناروجيان كروز و كارنفال و اكبر كروز في العالم الي تابع لشركة رويال كاربيان و اسمه سيمفوني اوف ذا سي

شوفو شو كبر سمفوني اوف ذا سي مشاء الله

و هذي فندق اتلانتس تبين من هني

و كروز نارويجيان على يمينا

هذا الفيو من البوفيه

و هذا افطاري

و بعد احلى إفطار قررنا ننزل المدينه و هذا كروزنا

و كما تشوفون الناس ماخذتنها عاده تعلق ستيكرات على هذه البوابه

نرويجيان كروز

و هذه مبنى و المحلات في الميناء

مرحباً في ناساو

و هذي المحلات خارج الميناء

و هني دخلنا في المدينه

بعدها خذينا باص صغير لفندق اتلانتس و كان ب اربع دولارات للشخص

و هني بعد ما وصلنا فندق اتلانتس

و هذي النافوره في الفندق الي كان كبير جداً حتى انك تضيع فيه

و هذا الشلال قرب المسبح

بعدها قررنا نروح البحر

و هني وصلنا البحر و تشوف السكان الاصلين يحاولون يغرونك بطاولات و الجيت سكي حتى اتذكر سألنا بكم الجيت سكي قالوا ظ،ظ¨ظ دولار نزلناه ل ظ،ظ ظ دولار و كل الي يدورونه الي هو بخشيش

شوفوا البحر كيف نقي

بعدها خذنا جيت سكي و كان خطير صراحه خاصاً و البحر نقي

و هذا فندق اتلانتس

و بعد ما خلصنا قلنا بنكتشف الفندق الي عند اتلانتس

و هذي الحديقه المائيه التابعه ل فندق اتلانتس

و هذي و نحن ماشي صوب فندق اتلانتس

الطبيعيه مع البحر ساااحر

و هذا فندق اتلانتس

و بعدها دخلنا الفندق و شفنا هذا المول

و هذا محل رولكس

و هذا محل غوتشي

و هذا مطعم نوبو احد لمطاعم الفخمه

و هذا قسم اليخوت في المنتجع

بعدها طلبنا بيتزا الي كان غالي صراحه كل هذا ب ظ£ظ¨ دولار

و هذي بعض المحلات قرب المنتجع

و بعدها قررنا نرجع للكروز مشي لان تقريباً ما بياخذ اكثر من نص ساعه

و شوفو شو حصلنا في المحل الكتابه بالعربي

ما اعرف اذا اصدقهم ولا لا

و هذي بعض المحلات و المكان كان هدوء

و بعدها كملنا مشي و شفنا ان الجو بدء يسوء

و هذي بعض السفن قرب الجسر

و هذا الجسر الثاني

و لاحظنا ان الهوا قام يشتد

و فجئة من غير سابق انذار صب مطر قوي و نحن بدينا نركض لين ما وصلنا

و الحمدالله حصلنا حد ياخذنا المينا

بعدها وصلنا و الامطار بعدها ما وقفت و اول شي سويناه سرنا البوفيه و تغدينا

و هذي المنطقه الخارجيه شوفوا كيف مبلل

و هذا الكروز الي عندنا

و بعدها حركنا و شوفو الماي كيف كان هايج

و بعدها سرنا نتعشى

بهذا تنتهي رحلتنا في الكروز الي كانت خرافيه و صراحه ماتوقعت انها تكون بهذي الروعه حتى حالياً افكر اكررها لاكن با اكبر كروز في العالم و هيا السمفوني اوف ذا سي و بحطلكم رابط الشركه تقدرون و تشوفون رحلاتهم و اسعارها الي يسوا تحط كل فلس فيها لان تقريباً كل شي بلاش

www.royalcaribbean.com

ابوسلمان, آخـــرفـــرصـــة, AL Tunaiji و 10 آخرون معجبون بهذا.

ek201 · 02-03-2019, 12:55 AM

في اليوم الثاني صحينا من وقت عشان ننزل من الكروز في اسرع وقت لان النزول الساعه ظ¦:ظ¤ظ¥ و الطياره الساعه ظ¨:ظ¤ظ في هذي الحاله لا تشحنون الشنط بل خذوها معاكم افضل عشان الوقت و هذا عند وصولنا لميناء ميامي

آخر نظره عالممشى الداخلي

و هذي القاعه الي كنت ننتظر فيها للخروج

بعدها خذنا تاكسي و وصلنا المطار في اقل عن ربع ساعه

عند وصولنا المطار

بعدها دخلنا الطياره و ننتظر الإقلاع الى لوس انجلوس و سبب ذهابنا الى لوس انجلوس لان للإسف ما حصلنا طياره تطير من وقت الى لاس فيغاس فققرنا نروح للوس انجلوس و نأجر سياره و نسير الى لاس فيغاس

خط السير

الإقلاع

فوق فلوريدا

الإقتراب من لوس انجلوس

و هذي لوس انلجوس بدت تبين

الهبوط في لوس انجلوس

و هذا مطار لوس انجلوس الداخلي

و بعدها اخذنا باص الى محل تأجير السيارات لانها شويه بعيده عن المطار

و هذا مطار لوس انجلوس LAX

بعدها قررنا نوقف في مطعم ان اند اوت برجر الي جنب المطار

و هذا داخل المطعم كما ترون زحمه غير طبيعيه عليه

و هذا البرجر الي كان لذيذ جداً صراحه

بعد احلى غدا قررنا التوجه الى فيغاس الي خذتلنا اكثر عن ظ¦ ساعات بسبب الزحمه

نحن في الطريق الي فيغاس

منظر الغروب الجميل و الزحمه

و حل الليل

و في هذي الليله القمر كان مكتمل

بعدها وقفنا في محطه البترول نريح و ناخذ اكل خفيف

و هني عرفنا انه اقتربنا من فيغاس بسبب وجود الكازينوات

و هني دخلنا فيغاس

و هذا فاليت فندقنا سيزرس بالاس

و هني جينا نسوي تشيك ان في منطقه التشيك ان

و هذي النافوره الشهيره في الفندق

و هذي غرفتنا

و هذا المنظر من الغرفه

بعدها قلنا بننزل و نكتشف الفندق

و هذي احد المطاعم الفخمه في الفندق

شكل و تصميم الفندق عجيب كأنه من العصر الإغريقي

و هذا الكوفي شوب موجود في الفندق

و هذا فندق نوبو

و هذا المطعم الصيني الي قررنا نتعشى فيه في الفندق

و عندهم الطابق السفلي يسمونه طابق الكازينو مب طابق اللوبي ولا الارضي

و هذا فندقنا من برع

و هذا الشارع مقابل فندقنا

و هذا فندق فلامينغو الي مقابل فندقنا

و بهذا ينتهي يومنا الاول في فيغاس و الي خذنا مشوار طويل لين نوصلها من طياره لمده ظ¦ ساعات ثم بالسياره ظ¦ ساعات

في اليوم الثاني صحينا الصبح و هذا كان المنظر من الغرفه

طلعنا نتمشى و ندور مكان نفطر فيه

و هذا على جانب فندق فلامينغو

اول ما وصلنا المطعم حصلنا هذي الصوره

و هذا فطورنا الي كان اشبه بغداء لاكن الاكل كان لذييييذ و دسم

درجة الحرارة في لاس فيغاس

احدى بوابات فندق فلامينغو

هذي خريطه شارع لاس فيغاس الشهير

و بعد الفطور قررنا نمشي في لاس فيغاس ستريب و نكتشفها

و هذا فندقنا

و دخلنا فندق بلاجيو

هذا محل رولكس في الفندق

و لاحظنا تقوس احتفالات رأس السنه الصينيه

و هذا امام فندق بلاجيو

مكان النافوره الراقصه

و هذا الفندق من برع

فندق باريس و قوس النصر مصغر

برج ايفيل في لاس فيغاس

و هذا فندق ذا كوسموبوليتان

و هذا الفاليت مال الفندق

و هذا القطار يربط بين فندق ذا كوسموبوليتان و آريا

و هذا فندق آريا

و هذا المحلات الراقيه في مول فندق آريا

و هذا داخل المول الي تصميمه خطيير

و بعدها طلعنا عشان نسير اللوبي

في ظ¢ظ ظ،ظ¢ اتذكر تصورت في هذا المكان مع ابناء خالتي

و هذا لوبي فندق آريا

مطاعم كاتش احد المطاعم الفخمه الي موجوده في الفندق

و هذا الكازينو

حتى المسلسلات ما سلمت منهم

و هذا مدخل الفندق

منطقة تنزيل الركاب في الفندق

لوحة ام جي ام

و هذا فندق والدورف استوريا

بعدها قلنا نريح في كوفي و ناكل كريب

و هذا الكريب اللذيذ

و هذا فندق نيويورك الي يشبه مدينه نيويورك

مطعمي المفضل شيك شاك

و هذا جسر بروكلين

و هذي كتابه موجوده امام فندق نيويورك لضحايه ظ،ظ،-ظ©

و هذا تمثال الحريه

و هذا فندق اكسيلبار

و هذا داخل الفندق

بعدها طلعنا و توجهنا الى فندق الاقصر الي اسمه مأخوذ من مدينه الاقصر في مصر حتى تصميم الفندق على شكل هرم و تحصل فرعون موجود بعد

و هذا داخل الفندق

و داخل الفندق في وايد اشيا مثل مطاعم قاعات و متاحف

و هذا فندق مانديلا بي

فندق نيويورك من الجهة المقابله

و هذي المحاطه الي على بدايه الشارع

فندق الاقصر

و هذا فندق تروبيكانا

بعدها قررنا نروح نكتشف ام جي ام الي يعتبر اكثر فندق في العالم فيه غرف

و هذا و نحن نعبر للفندق

و هذا داخل فندق الام جي ام صراحه داخل الفندق عالم و كبير كأنه مول

و هذي كانت دعايه لمباراة ملاكمة كانت منتهيه من ظ£ ايام

و هذي المحلات في الفندق

بعدها قررنا نروح نتغدى

و هذا محل جواتي حصلناه و نحن ماشين عندهم كل الانواع و بأسعار ارخص

و هذا محل الكولا مشروبي المفضل

فندق آريا من الجهة المقابله

و هذا مطعم

فندق باريس

و هذا قسم المطاعم امام فندق بالي

و هذا مدخل الفندق

و هذا كان عشانا و للإسف نسيت اصور البيتزا

و هذي احد الذ المطاعم في الولايات المتحده اسمه ديرت دوج

بعدها رجعنا صلينا و قلنا نتمشى شويه قبل الشو

و هذا مدخل المول الي موجود جدام فندقنا

و هذا داخل المول الي يعتبر بالنسبه لمول داخل الفندق كبير جداً

بعدها رحنا للعرض الي كان مضحك و مسلي بس مشكلته مشي عائلي ابداً

بعدها رجعنا للمول نتمشى

داونالد ترامب كان ينادينا

و هذا احد افضل حلاقين اللحيه في امريكا لاكن مشكلته وايد غالي يسوي لحيتك ب ظ©ظ دولار

بعدها قررنا نرجع للفندق و نريح

بهذا ينتهي يومنا الثاني في لاس فيغاس

و في اليوم الاخير لنا في لاس فيغاس قررنا نروح سد هووفر الي يبعد عن لاس فيغاس تقريباً ساعه و يقع بين ولاية نيفادا و ولاية اريزونا

عدها وقفنا في مطعم اسمه ذا كراكد ايقز صراحه كان لذيييييذ من افضل اماكن الافطار الي جربتها

بعد احلى فطور كملنا دربنا لسد هووفر و هذي المسافه بين فندقنا و السد

و هذا في الطريق

بداء السد يبين

و هذا يوم وصلنا

و هذا طرف ولاية اريزونا من السد

الحجر الابيض يبين وين كان مكان الماي قبل سنوات

لوحة تعريفية عن السد

و هذا طرف ولاية نيفادا

و هذا الجسر مقابل السد

بعدها توجهنا عائدين الى لاس فيغاس و وقفنا عشان نعبي بترول

و هذا السوبر ماركت في المحطه

و هذا الكازينو الي موجود في كل مكان

و هنا في طريق العوده

و وصلنا لاس فيغاس

بعد ما وصلنا وقفنا السياره في الفندق و سرنا تغدى و حصلنا هذي السياره الي شفناها

و هذا المطعم الي تغدينا فيه

و هذا فندق ميراج

و هذا مدخل فندق الفنيشيان

و هذا متحف الشمع في الفندق

و هذا فندق تريجير ايلاند

و هذا ممر الى فندق الفينيشيان

و هذا المول في الفندق

و هذي البحيره داخل المول

الإحتفالات بمناسبة رأس السنه الصينيه

و هذا التمثال عند المدخل

و هذي منطقه التشيك ان

و هذي منطقه الفاليت

و هذا اشهر جسر في البندقيه جسر الحب

و خذا فندق تريجير ايلاند

و هذا فندق بلاتزوا

و هذا فندق دونالد ترامب

و هذا فندق ويين اند انكور

و هذي النافوره امام الفندق

و هذا مدخل الفندق

و هذا الفاشون مول

و هذا الفندق الجديد الي يبنونه في لاس فيغاس

و هذا الشارع من الجسر

و هذا فندق تريجير ايلاند من مرينا من صوبه

فندق ذا فينيشيان على وقت المغرب

لاس فيغاس في الليل تكون غيييير

و بعدها قررنا نتعشى في هذا المطعم الفخم اسمه تاو

و هذا الاكل الي كان لذيييييذ

بعدها قررنا نمشي في المول الي موجود في الفندق

هني تنتهي رحلتنا في لاس فيغاس الي استنسنا فيها و تمنينا لو طولننا فيها و الاجواء كانت بارده عكس الصيف تماماً الي توصل الحراره فيها ظ¤ظ

q8ya metnaqla, ابوسلمان, آخـــرفـــرصـــة و 10 آخرون معجبون بهذا.

ek201 · 02-03-2019, 12:57 AM

في اليوم الثاني صحينا من وقت و حركنا الساعه ظ§ الصبح بعد ما سوينا تشيك اوت لان كان ورانا درب ظ¨ ساعات الى حديقة يوسميتي الجبليه و هذي الخريطه من فندقنا الى شقتنا في يوسميتي الي حجزنا عن طريق برنامج AirBnb

و نحن طالعين من لاس فيغاس

بعدها وقفنا في محطه عشان نعبي بترول و نفطر و المحطه مشاء الله كبيره جداً حتى السوبر ماركت كبييير جداً فيه كل شي تتخيله

و هذا السوبر ماركت

و بعدها كملنا دربنا الطويل الي مرينا بصحرائ ثم غابات ثم جبال شفنا كل انواع الطبيعيه

و هني توليت القياده

بعدها مرينا من ولايه سكرامنتوا و شفنا مطعم ان اند اوت و قررنا نتغدى هناك

و هني كملنا دربنا و وقفنا نعبي بنزين و هذي سيارتنا تويوتا فوررانر

و هني اقتربنا اكثر من يوسميتي

مع انخفاض درجة الحراره عرفنا انه اقتربنا

هذي آخر قريه قبل الصعود للجبل الي مافيه شي

و هذي آخر محطه وقفنا فيها عشان ناخذ اكل

الثلوج بدت تبين

و هني مكتوب سلاسل حديده للعجلات مطلوبه لاكن نحن غامرنا و سرنا بدون سلاسل

و آخيراً وصلنا و هذا الفيو من امام شقتنا

و هذي شقتنا الي كانت كبيره و فيها ظ£ غرف نوم و صاله و مطبخ و فيه جميع انواع الترفيه مثل بليارد و افلام و ايضاً العاب الي نفس مونوبولي

و قبل النوم قررنا نتابع فلم لان كنه منهكين من الدرب الي اخذ اكثر من عشر ساعات

في اليوم الثاني صحينا من وقت عشان نسير نستكشف المنطقه قبل الذهاب للوس انجلوس

و الثلوج مغطيه المكان

بعدها حركنا عشان نشوف بعض اشهر الأماكن في يوسميتي بس للإسف فيه اماكن مسكره بسبب الثلوج

و هذا الشلال الي تقدر تصعد للأعلى مسافه ساعتين مشي لاكن الجو كان بارد و كنه تعبانين فقررنا ناخذ لفه حوله على السريع بس

اشجار السوكويا

ركنا السياره و قررنا نشمي شويه

و هذا تمثال للمكان

و بعدها حركنا نكمل الاستكشاف

و بعدها قررنا نحرك الى لوس انجلوس الي كان يبالها ظ¥ ساعات

وقفنا في مطعم دينيز نفطر فيه

و بعد فطور دسم كملنا دربنا

و هذا رد بول يخليني مصحصح

و اقتربنا من لوس انجلوس

بعد الوصول الى فندقنا الي هو كراون بلازا المطار ريحنا و عقبها قررنا نطلع نتمشى

و رحنا للبروميناد الى قريب من شاطى سانتا مونكا

ممشى السانتا مونكا

بعدها قررنا نتعشى في هذا المطعم

بهذا انتهى اول يوم لنا في لوس انجلوس

q8ya metnaqla, آخـــرفـــرصـــة, AL Tunaiji و 7 آخرون معجبون بهذا.

ek201 · 02-03-2019, 12:58 AM

في اليوم الثاني صحينا من وقت و طلعنا

شوفو السيارة الي امامنا

و بعدها وقفنا في مطعم هوجو في البفرلي هيلز نفطر

هذا السن ست بولفارد

بعدها وقفنا السياره و مشينا في هوليود بولفارد

و هذي نجوم بعض المشاهير

نجمة جاكي شان

دونالد ترامب

ساندرا بولك

المخرج ستيفين سبيلبيرج

مايكل جاكسون

نجمة محمد علي الوحيده الي مب على الأرض

و هذا مسرح دولبي الي كنه بندخله لاك للإسف التذاكر كان مبيوعه بالكامل

الممثل و المغني جامي فوكس

و هذا المسرح الصيني

و هذا طبعات المشاهير على الاسمنت

ممثلي المفضل من سلسلة روكي سيلبيستر ستالون

متحف الشمع

و هذا المول الي عند المسرح الصيني

بعدها دخلنا في تور داخل المسرح الصيني الي للإسف كان مضيعت وقت بالنسبه لي

و هذي اول طبعه و الي كانت بالصدفه يوم داست احد الممثلات على الاسمنت و ما كان جاف

جوني دب

و ابطال فلم هاري بوتر

و هذا مطعم دونات رهييييب في الهوليود بولفارد

و نحن متجهين الي بفيرلي هيلز روديو درايف

و هذي المحلات الفخمه في تو روديو

و هذا فندق الفور سيزون

بعدها توجهنا الى الاوبسيرفتري الي تقدر تشوف منه لوس اجلوس من فوق

و هذا منظر الغروب الرائع

و بعدها رحنا لمول ذا جورف و هذا السوق الطعام

و هذا المول

بعدها تعشينا في مطعم اومامي برجر

و رجعنا للفود ماركت

و هذا الكريب

في اليوم الثاني صحينا من وقت و قبل الزحمه عشان نروح ل استديوهات وارنر بروز الي حجزنا التذاكر عن طريق الأون لاين

و هذا عند وصولنا

و نحن نتريا موعدنا

هذي نبذه عن التور

و بعدها ركبنا الباص الي بياخذنا في جوله

هذي مدينه نيويورك في لوس انجلوس

و هذا الوسط الغربي

و هذا البرج المشهور لشركه ورنر بروز

و هذا متحف هاري بوتر

نظاره و عصا هاري بوتر

هذا المواقف الخاصه لأبطال مسلسل ذا بيق بانق ثيري

و هذا ل فول هاوس

هذي الأفلام و المسلسلات الي تصورت في هذا الاستديو

و هذي الاستديوهات

و هني صوروا مسلسل فرندز

و هذي اسماء الجنود الي راحوا ضاحيه للحرب العالميه

و في هذا الاستديو يصورون برنامج الين ديجينريس

و هذا مكان البرنامج

و هني متحف لسيارات باتمان

بعد ما خلصنا من التور ودونا غرفه على شكل متحف يعرضون عن افضل الافلام و المسلسلات

و هذا من فلم آرجو

هذا من كرتون لوني تونز

و هذا المقهى الي دايم ما يلسون فيه ابطال مسلسل فرندز

باقز باني يودعنا

بعدها رجعنا لهوليود عشان نتغدى

هذا المطعم لمكسيكي الي تغدينه فيه صراحه اكلهم لذييييذ جداً من افضل المطاعم المكسيكيه الي كلته في حياتي

بعد احلى غدا سرنا لمباراة الليكزر مع السفينتي سكيسيرز و الي حجنا تذاكرها عن طريق الاون لاين

هذا ملعب الليكرز

الأسطوره ليبرون جيمز الي للإسف كان مصاب و ما لعب هالمباراه

عند دخولنا الملعب

و هذي الكبينه الي حجزنا فيها مجهزه بكل شي و الحلو انه برايفت

هذا الملعب قبل المباراه

و هذي الهديه عطونا يوم دخلنا الملعب

العرض قبل بدايه المباراه

الأسطوره ليبرون

و هذا احد الممثلين كان حاضر اللقاء

و انتهب المباراه بفوز الليكرز

و هنا انتهى يومنا الثالث في لوس انجلوس

في اليوم الرابع صحينا من وقت قبل الزحمه و انطلقنا الى مدينه سان دييغو

في الطريق الى سان ديغو

وصلنا لاهويا بيتش

و على البحر تقدرون تشمون ريحه الفقمه الي متكاثرين على البحر

بعدها توجهنا لمتحف حاملة الطائرات

وسط المدينه يبين من هني

هذي حاملة الطائرات ميد وي الي شاركت في حرب الخليج

داخل الناقله الي مشاء الله مدينه متكامله

هذا المطعم للجنود

هذي غرفه الضابط

غرفه مساعد القائد

و هذا مطعم الضباط

هذا الحلاق

الحمامات اعزكم الله

هذي الخريطه تبين وين كانوا يحملون مستلزماتهم

دبي الفجيره و البحرين كانوا من ضمنها

هذي الطائرات الي كانت على متن هذي الناقله

بعدها صعدنا للبرج و هذا المكان انوا يراقبون المدرج منه

و هني يخططون في اي اتجاه يحركون

و هذا الدومان الي يتحكمون بالحامله

غرفة القائد

بعدها اتجهنا للاولد تاون الي تحس عمرك في المكسيك

التشوروز

بعدها كملنا مشي في الاولد تاون

و هذي الخريطه

بعدها سرنا لمطعم باربكيو فيلز الي عندهم احلى اضلاع

و هذا الداون تاون

و بعدها رجعنا الى لوس انجلوس

و بعدها سرنا لمطعم الديوانيه لان صراحه اشتقنا حق الاكل العربي

في اليوم الرابع في لوس انجلوس صحينا من وقت و رجعنا سيارتنا و اخذ السياره الثانيه الي هي مارسيديس جي كلاس من برنامج Turo و بعدها توجهنا الى يونفيرسال ستديوس

و هذي السياره

و هذا ممشى اليونيفيرسال

و هذا مطعم دونت جربته اول مره في بورتلاند و وايد عجبني

و هذا مدخل الحديقه و الي انصح تاخذون الفاست ترك اذا كان شي زحمه

و هذي اول لعبه دخلناها لعبة ذا وكين ديد و الي كانت ممتعه و تخوف بعد

و هذي هوليود تبين من هني

و هذي مدينه هاري بوتر

بعدها ركبنا قطار الموت الي كان فاضي بس نحن الي كنه فيه

هذي قلعه هاري بوتر

و هذي بيير بدون كحول مع زبده

مدينه كارتون ذا سيمبسونز

و هذا الشرطي من الكارتون

و هذا البار من الكارتون بعد

دكان آبو

و بعدها دخلنا لعبه ذا سيمبسونز

و هذي افضل لعبه في يونيفرسال

و هذا كان غدانا هوت دوج بقري

بعدها ركبنا في الباص الي ياخذنا للتور الي تغير كثيراً عن آخره مره زرته في ظ¢ظ ظ،ظ¢

محطه الدفاع المدني

هذي بعض الافلام من انتاج استديوهات يونيفرسال

هذي استراحات المخرجين و الممثلين

و هذي المدينه الي يصورون فيها

و هذي اشهر السيارات الي استخدموها في افلامهم

و هذي المدن القديمه في امريكا

و هني راونا كيف يسون الكوارث في الافلام

و هذي مدينه من احد افلام الخيال

و هذي احد الفنادق الي يستعملونها في الافلام الكلاسيكيه

و هذا ست كامل استعملوه لفلم و حطو فيه حطام طائره السوبر جامبو

بعد التور قررنا نتشرى شوي قبل لا نطلع من الحديقه

هذي احد الذ المطاعم في الحديقه

و هني عند خروجنا من الحديقه

بعدها توجهنا للتسوق و هذا كان منظر الغروب في الدرب

هذا مول بفيرلي الي فيه ارقى الماركات العالميه

بعدها توجهنا الى ذا غروف

و هذا كان عشانا

و هني انتهى يومنا الخامس في لوس انجلوس

و في اليوم قبل الاخير لنا في الولايات المتحده صحينا و سرنا لشاطىء فينس

و هذا عند وصولنا

و هذا ممشى الفينس بيتش

و هذا كان فطورنا

و نحن فالدرب رايحين السوبر ماركت نتشرى قبل العوده

وقفنا في المحطه نعبي بنزين

بعدها رحنا لاوت ليت مول اسمه سيتادل

و هذا المطعم الي تغدينا فيه

المول يحتفلون برأس السنه الصينيه

بعدها يينا وال مارت نتسوق

و هذي السياره معبنيها

و هذا كان آخر عشاء في الولايات المتحده

في اليوم الثاني صحينا رتبنا اغراضنا و سوينا تشيك اوت و هذي غرفتنا بعد ما جهزنا الشنط

الأمطار الغزيره ودعتنا

و هني وصلنا مطار لوس انجلوس و كان ورانا رحلة طويله لوس انجلوس جدة ثم جدة دبي

و هني بعد ما ركبنا الطياره

اذا الله احيانا بإذن الله راجعين

و هنا ينتهي تقريري عن رحلتي الي استمرت ظ¢ظ، في الولايات المتحده
اتمنى انها عجبتكم

و كما وعدكم هذي تفاصيل الرحلة مع اسعار الفنادق و السيارات و الرحلات الداخليه و ايضاً الاماكن السياحيه

آخـــرفـــرصـــة, AL Tunaiji, فارس من خيال و 10 آخرون معجبون بهذا.

vip_temaa · 04-03-2019, 02:21 PM

تقرير جبار

تشكر عليه

تحياتي

آخـــرفـــرصـــة, فارس من خيال, فارس الجبيل و 1 آخرون معجبون بهذا.

آخـــرفـــرصـــة · 05-03-2019, 12:29 PM

ما شاء الله
تقرير من النوعية الفخمة

بدايةً من تخطيط الرحلة الى كل تفاصيلها الدقيقة
وختامها بخلاصة رائعة للرحلة

اختيار موفق للفنادق
والسيارة لابد منها في امريكا

اسميها رحلة الاحلام
اخذت مني يومين و انا اقرأ و اتمعن في التفاصيل

خلال الرحلة جربتوا كل احوال الطقس و درجات الحرارةكذلك جمعتوا بين الطيران والسيارة والكروز
حتى الاكل نوعتوا فيه عليكم بالعافية

اهنيك على اسلوب الطرح الجميل
والصور الجميلة خاصة لاس فيقاس ليلاً والغروب في لوس انجلوس

رغبتكم بالعودة دليل استمتاعكم بكل لحظة
وحنا بعد استمتعنا بالمتابعة

شكرا على هذا التقرير الفخم
يستاهل خمس نجوم

AL Tunaiji, فارس من خيال, أم ريمه و 3 آخرون معجبون بهذا.

فارس من خيال · 06-03-2019, 01:05 AM

تقرير خرافي من النوع الفاخر

ماشاء الله ابدعت في كل شي وبصراحة التقرير مرجع واتمنى يثبت ع البوابة

الصور حكاية وامتاع بصري لامحدود ماشاء الله

الف شكر ع الابداع حقيقة كل مافي التقرير جميل

يعطيك العافية

فارس الجبيل و توبليرون معجبون بهذا.

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
شهر عسل الى فيتنام في فبراير ٢٠١٩	لبانه	بوابة الدول الاخرى	5	13-07-2019 05:08 PM
موعدي وزوجي ٩-١٠ اوغست والسفر يوم٢٤	Om Saad	فيزا بريطانيا	8	12-08-2016 08:39 AM