X سُعداء بتواجدكم بيننا ونتمنى لكم قضاء وقت ممتع ، نأمل منكم زيارة صفحة شروط الإستخدام ، تفضلوا مشكورين بالتسجيل*** اضغط هنا *** لإثراء الجميع بخبراتكم السياحية
Loading...





عدد المعجبين1198الاعجاب
إضافة رد
 
LinkBack أدوات الموضوع انواع عرض الموضوع
قديم 15-04-2019, 09:45 AM   #141

مراقبة العرب المسافرون

الصورة الرمزية الايمان
 
تاريخ التسجيل :  Dec 2014
رقم العضوية : 331
الدولة : الكويت
الجنس : انثى
المشاركات : 12,548



أوسـمـة: الايمان

كل الاوسمة:1 (more»)
افتراضي


يازين الفلات وايت مع البرد
لكن الريوق شكله مايشوق
التسوق لابد منه لاخر لحظه خصوصا بريمارك مانخلص منه
اجواء المبارة حماسية وايد والاحلى ان فريقكم فاز
حسافه قرب يخلص التقرير

 

الايمان غير متواجد حالياً   رد مع اقتباس
قديم 15-04-2019, 04:32 PM   #142

مجلس الإدارة

الصورة الرمزية توبليرون
 
تاريخ التسجيل :  Dec 2014
رقم العضوية : 26
الدولة : حبي الكويت
الجنس : انثى
المشاركات : 25,609



أوسـمـة: توبليرون

كل الاوسمة:3 (more»)
افتراضي



تصدقي اتسوق من بريمارك وماخذا تاكس فري راح عن بالي يرجعونها نقدا او بالمطار

الجوو برد مرة ما احب البرد

اخر يومين من رحلتي في اكتوبر وصلت الحرارة 4 تجمدت


أجواء المباراة حماسية شكل حسين رياضي درجة اولى ماشاء الله يحضر كذا مباراة


عوافي عليكم





مشترواتنا وايد من بريماك ليش ما نطلع منهم 10 £ او اكثر تنفع دام احنا رايحين نسوي التاكس فري رايحين
انا كل الفواتير اخذهم واسوي لهم الا المحلات اللي مشترواتهم قليله ما اخذ

احلى شي البررد اموت في البرد البسي واطلعي اما الحر كافي اللي عندنا بالخليج حر ورطوبه ونبي الجو البارد علشان جذيه تشوفيني ما احب اروح الدول الاسيويه

حسين يحب الكره ومتابع ممتازلها وعضو ادارة في نادي بالكويت وكان مسوي عضوية لتشيلسي جم سنه
الله يعافيج يا عسل

 

توقيع : توبليرون


باريس
https://www.arabtrvl.com/vb/t49390.html

بريطانيا
https://www.arabtrvl.com/vb/t51445.html

تركيا
https://www.arabtrvl.com/vb/t52107.html

مشاركاتكم تسعدني
لا أكتب الا في العرب المسافرون
اختكم : أم حسين
نقره لعرض الصورة في صفحة مستقلةنقره لعرض الصورة في صفحة مستقلةنقره لعرض الصورة في صفحة مستقلة

توبليرون غير متواجد حالياً   رد مع اقتباس
قديم 15-04-2019, 04:41 PM   #143

مجلس الإدارة

الصورة الرمزية توبليرون
 
تاريخ التسجيل :  Dec 2014
رقم العضوية : 26
الدولة : حبي الكويت
الجنس : انثى
المشاركات : 25,609



أوسـمـة: توبليرون

كل الاوسمة:3 (more»)
افتراضي



انا زي عاشقة عمري ماسويت تاكس فري لبريمارك




ام حسين يومكم مليان ماشاءالله

ملكة سبأ هذا من مطاعمنا المفضلة اذا هو اللي في بادنغتون



ومكان الفطور حلو ورايق لكن بط لا انا زيك


عليكم بالعافية
لازم التاكس فري لكل المشتروات اللي وايد
نستفيد منهم مثل ما يستفيدون منا

لازم نحلل يومنا كلها اسبوع هههه ما نبي تضيع دقيقه

المطعم اي هو اللي عند الفندق في بادنغتون
اول مره اروح له
سامعه عنه من زمان بس ما رحت

اي والله البط مادري البنات جربوه يقولون حلو الطعم لذي بس مو للريوق ممكن يكون غدا او عشا
بس اكلو باجي الطبق عجبهم خاصه انهم يحبون العسل

الله يعافيج حبيبتي

 

توقيع : توبليرون


باريس
https://www.arabtrvl.com/vb/t49390.html

بريطانيا
https://www.arabtrvl.com/vb/t51445.html

تركيا
https://www.arabtrvl.com/vb/t52107.html

مشاركاتكم تسعدني
لا أكتب الا في العرب المسافرون
اختكم : أم حسين
نقره لعرض الصورة في صفحة مستقلةنقره لعرض الصورة في صفحة مستقلةنقره لعرض الصورة في صفحة مستقلة

توبليرون غير متواجد حالياً   رد مع اقتباس
قديم 15-04-2019, 04:49 PM   #144

مجلس الإدارة

الصورة الرمزية توبليرون
 
تاريخ التسجيل :  Dec 2014
رقم العضوية : 26
الدولة : حبي الكويت
الجنس : انثى
المشاركات : 25,609



أوسـمـة: توبليرون

كل الاوسمة:3 (more»)
افتراضي



يازين الفلات وايت مع البرد
لكن الريوق شكله مايشوق
التسوق لابد منه لاخر لحظه خصوصا بريمارك مانخلص منه
اجواء المبارة حماسية وايد والاحلى ان فريقكم فاز
حسافه قرب يخلص التقرير
اي والله البنات يحبونه نفسج
الريوق ههههه المهم تجربه
البنات يقولون حلو بس يبيله غدا او عشا مو ريوق
التسوق لاخر رمق هههه والله في اشياء محتاجتهم ما رحت صوبهم والسبه سرعه سرعه بنخلص
اهم شي شريت البيجامات
اي والله المباراة وناسه ولما تشوفين الجمهور جنهم ربع بس خلصت المباراة كل واحد راح بطريجه يحليلهم
يوم فازوا قامو يلمون حسين ههههه
الحمدلله انهم فازوا علشان نستانس معاهم

هذا الي بيصير بيخلص التقرير مثل ما تخلص السفرة ونتمنى نروح سفرة ثانيه نعيشها معاكم بتقرير جديد
تسلمين على المرور الحلوو

 

توقيع : توبليرون


باريس
https://www.arabtrvl.com/vb/t49390.html

بريطانيا
https://www.arabtrvl.com/vb/t51445.html

تركيا
https://www.arabtrvl.com/vb/t52107.html

مشاركاتكم تسعدني
لا أكتب الا في العرب المسافرون
اختكم : أم حسين
نقره لعرض الصورة في صفحة مستقلةنقره لعرض الصورة في صفحة مستقلةنقره لعرض الصورة في صفحة مستقلة

توبليرون غير متواجد حالياً   رد مع اقتباس
قديم 17-04-2019, 05:27 PM   #145

مسافر متألق

الصورة الرمزية الشعباوي
 
تاريخ التسجيل :  Jun 2016
رقم العضوية : 10502
الدولة : الإمارات الحبيبة - عجمان
الجنس : ذكر
المشاركات : 426



افتراضي





اخر مرة استخدمنا الباصات كانت اسهل من المترو








صحيح الى حد بعيد .. بس بعد المترو ايضآ له مذاقه الخاص

 

آخر مواضيع الشعباوي

- أبشر للخليجي

الشعباوي غير متواجد حالياً   رد مع اقتباس
قديم 17-04-2019, 05:46 PM   #146

مسافر متألق

الصورة الرمزية الشعباوي
 
تاريخ التسجيل :  Jun 2016
رقم العضوية : 10502
الدولة : الإمارات الحبيبة - عجمان
الجنس : ذكر
المشاركات : 426



افتراضي


معاج مستمرين ام حسين في التقرير الفخم اللندني ..


- ال شبربوش روعه و حلوة الاسواق الشعبية - ما زرته و ما اعتقد بزوره


- اما المسرح او الاوبرا جدآ جميل و جدآ رائع مع اني مب مال هالسوالف بس

روعة في السفر من باب ان الانسان يشوف ثقافات الشعوب الاخرى .. وانا دشيت اوبرا فيينا

شي لا يمكن انساه في حياتي ... صفقت يومها بأيدي لين قلت بس من كثر العروض و الوناسة


- والي محلي هالتقرير اكثر الجلو كباب يمي يمي .. خخخخ بالعافية عليكم


- ما شاء الله عليكم ام حسين مستغلين وقتكم في لندن عدل


و مستمر في التقرير الملكي اللندني

 

آخر مواضيع الشعباوي

- أبشر للخليجي

الشعباوي غير متواجد حالياً   رد مع اقتباس
قديم 17-04-2019, 06:53 PM   #147

مسافر متألق

الصورة الرمزية الشعباوي
 
تاريخ التسجيل :  Jun 2016
رقم العضوية : 10502
الدولة : الإمارات الحبيبة - عجمان
الجنس : ذكر
المشاركات : 426



افتراضي


حسيت بالبرد طالع من الصور من زود ما عيشتينا بالاحداث

جنه نحن وياكم فعليآ .. ما شاء الله على الاحترافية في التصوير والتقرير


- الريوق رهيب و المكان وايد غاوي فووق .. بالعافية عليكم .. المكان هو الي مسوي جو اكثر

و اجمل الاوقات هي الصباح الباكر في اوروبا مع البراد ..


- الباص ام حسين صدقتي - سهل و بسيط .. بس يباله شوية تركيز .. ومره عقب مرة

الواحد يتمرس عليه .. و الباصات فاضية ما شاء الله عكس الصيف تمامآ ..


- انا تفس الي سبقوني في التقرير - البريمارك كثر ما اشتريت منه ولا مره سويت تاكس فرري

اما الهارودز فهو الحب و اساسآ يعتبر فريجنا خخخخ لأن اسكن قريب منه ..


- و يا سلام و ما شاء الله على حسين كروي صميم .. و ستاد ستامفورد بيردج ملعب تشيلسي

دائمآ حماسي و الجماهير في حماسية .. وانا حافظ بعض اغاني و اهازيج تشيلسي .. الدوري

الانجليزي الاجمل و الاقوى في العالم

و مبروك الفوز ل حسين .. مع انه تشيلسي عقبها خسر النهائي جدام مانشستر سيتي ..




ما زلنا مستمرين في التقرير اللندني الفخم .. اشتقت للندن

 

آخر مواضيع الشعباوي

- أبشر للخليجي

الشعباوي غير متواجد حالياً   رد مع اقتباس
قديم 17-04-2019, 08:25 PM   #148

مجلس الإدارة

الصورة الرمزية توبليرون
 
تاريخ التسجيل :  Dec 2014
رقم العضوية : 26
الدولة : حبي الكويت
الجنس : انثى
المشاركات : 25,609



أوسـمـة: توبليرون

كل الاوسمة:3 (more»)
افتراضي



صحيح الى حد بعيد .. بس بعد المترو ايضآ له مذاقه الخاص
المترو للمكان البعيد ووقت الذروة ينفع بس الله يهداهم تمشي وايد تحت الارض علشان توصل الرصيف اللي تبيه



معاج مستمرين ام حسين في التقرير الفخم اللندني ..



- ال شبربوش روعه و حلوة الاسواق الشعبية - ما زرته و ما اعتقد بزوره


- اما المسرح او الاوبرا جدآ جميل و جدآ رائع مع اني مب مال هالسوالف بس

روعة في السفر من باب ان الانسان يشوف ثقافات الشعوب الاخرى .. وانا دشيت اوبرا فيينا

شي لا يمكن انساه في حياتي ... صفقت يومها بأيدي لين قلت بس من كثر العروض و الوناسة


- والي محلي هالتقرير اكثر الجلو كباب يمي يمي .. خخخخ بالعافية عليكم


- ما شاء الله عليكم ام حسين مستغلين وقتكم في لندن عدل


و مستمر في التقرير الملكي اللندني

اييي الشبربوش حلوو لازم تزوره اذا بتقعد وايد بس في اسواق شعبيه غيره مثل برتبولو وايد حلوو وفي السوق اللي حطيته بالتقرير السابق
الاوبرا وناسه الحين تعلمنا نروح لها لان تبهرني ديكوراتهم والعمل الابداعي من كل العارضين وانا مثلك صفقت وايد بعرض علاء الدين رووعه ماتنوصف

الجلو كباب لذيذ يومها كان

لازم نستغل كل دقيقه لانه اسبوع بس ما يمدي الواحد يضيع وقته بالنوم والا الكسل



حسيت بالبرد طالع من الصور من زود ما عيشتينا بالاحداث

جنه نحن وياكم فعليآ .. ما شاء الله على الاحترافية في التصوير والتقرير

جزاك الله خير هذا من ذوقك والبرد وناسه احب البرد

- الريوق رهيب و المكان وايد غاوي فووق .. بالعافية عليكم .. المكان هو الي مسوي جو اكثر

و اجمل الاوقات هي الصباح الباكر في اوروبا مع البراد ..


صحيح المكان حلوو وهو اللي عجبنا اكثر بس الريوق حليوو بس اكيد ما نكرره والبراد روعه ماشاءالله

- الباص ام حسين صدقتي - سهل و بسيط .. بس يباله شوية تركيز .. ومره عقب مرة

الواحد يتمرس عليه .. و الباصات فاضية ما شاء الله عكس الصيف تمامآ ..


اي خلاص الباص عرفنا له من اول سفرة وخلاص صار سهل جداا لنا والتطبيقات الحين تسهل الامر وبعد اللي يسأل ما يتوهش انصح اللي ما يعرف للباص يسأل الناس او السايق راح يساعدونك

- انا تفس الي سبقوني في التقرير - البريمارك كثر ما اشتريت منه ولا مره سويت تاكس فرري

اما الهارودز فهو الحب و اساسآ يعتبر فريجنا خخخخ لأن اسكن قريب منه ..


لا لازم التاكس فري يطلع لك مبلغ محترم ينفع على الاقل تشتري كاكاو فيه بالسوق الحره ههههه اما هارودز حلوو بس السكن هناك وايد غالي ما اقدر عليه فاوفر الفلوس للبنات علشان ياخذون راحتهم بالتسوق وخاصه ان السكن بس للنوم وتخزين اغراضنا والحمدلله كل الاماكن اللي نحجزها يكون حجز بسعر حلو بسبب الحجز المبكر

- و يا سلام و ما شاء الله على حسين كروي صميم .. و ستاد ستامفورد بيردج ملعب تشيلسي

دائمآ حماسي و الجماهير في حماسية .. وانا حافظ بعض اغاني و اهازيج تشيلسي .. الدوري

الانجليزي الاجمل و الاقوى في العالم

و مبروك الفوز ل حسين .. مع انه تشيلسي عقبها خسر النهائي جدام مانشستر سيتي ..

اي والله المباراة هذه اهلتهم يلعبون مع مانشستر سيتي وفاز سيتي وطبعا المباراة شفناها بالبيت وابوحسين مبسوط جدااا لانه يشجع سيتي هههه ...صحيح الدوري الانجليزي الاقوى لقوة جميع فرقه ماشاءالله


ما زلنا مستمرين في التقرير اللندني الفخم .. اشتقت للندن
حياك الله بالجزء الاخير والحمدلله ان التقرير عجبكم وان شاءالله تروح وتسوي لنا تقرير اجمل بما انك خبير لندني

 

توقيع : توبليرون


باريس
https://www.arabtrvl.com/vb/t49390.html

بريطانيا
https://www.arabtrvl.com/vb/t51445.html

تركيا
https://www.arabtrvl.com/vb/t52107.html

مشاركاتكم تسعدني
لا أكتب الا في العرب المسافرون
اختكم : أم حسين
نقره لعرض الصورة في صفحة مستقلةنقره لعرض الصورة في صفحة مستقلةنقره لعرض الصورة في صفحة مستقلة


التعديل الأخير تم بواسطة توبليرون ; 18-04-2019 الساعة 01:34 AM
توبليرون غير متواجد حالياً   رد مع اقتباس
قديم 17-04-2019, 08:27 PM   #149

مجلس الإدارة

الصورة الرمزية توبليرون
 
تاريخ التسجيل :  Dec 2014
رقم العضوية : 26
الدولة : حبي الكويت
الجنس : انثى
المشاركات : 25,609



أوسـمـة: توبليرون

كل الاوسمة:3 (more»)
افتراضي


الجمعة 25 يناير 2019
اليوم الثامن والعودة

منتدى العرب المسافرون لندن




اليوم يوم العودة للوطن الغالي
الحمدلله قضينا وقت ممتع بلندن

المهم صحيت مبجر دقيت على حسين ها حسين وينكم قال بالريسبشن نساوي تشيك اوت


والا بنفس الوقت بنتي شافت الايميل والا دازين لها ان الطيارة مالت حسين عليها تاخير من الساعه 10 الى الساعه 1 بسبب الاجواء في الكويت

سيدا قلت له قال شسوي الحين خلصت التشيك اوت
قلت له ارجع نام
سال الريسبشن قالو له اي عادي مافي مشكلة
وصعدوا اشوة انه ما راحوا وسبحان الله صدفة بنتي يوم افتحت عيونها سيدا على البريد

الحمدلله ارجعوا نامو ساعتين

وانا تجهزت والبنات وراي وحدة ورا الثانية
ونزلنا نتريق ببريت

بدا الجو يدفى








واليوم في مؤتمر جديد بالفندق وتجهيزاتهم








وريوقنا اللي بنفتقده




وبعدين على ما ينزلون الجناط قعدت اكمل فواتيري للتاكس فري

البيانات لازم تكتبونها انتو

حتى لو مبلغ صغير شي على شي ينفع




حسين راحوو قبلنا لان طيارتنا احنا الساعه 4 وهو 1

احنا قلنا بنروح مبجر علشان التاكس فري
ويمدينا نتسوق بالمطار

طلبت من الكونسيرج يطلب لنا تاكسي معانا 8 جناط كبار و4 صغار
قال اوكي ولا يهمج رجل عربي محترم قال لي ب75 باوند قلت له اوكي فان كبير قال اي ولا يهمج
وقلت له نزل الجناط قال اوكي
ناداني بعد ما نزلوهم وقال لي هذيل اهم كاملين قلت له اي
وقال كاهي السيارة بركب الجناط واناديكم
ناديت البنات ورصعدنا السيارة ورحنا بعد ما عطيته الهدية يستاهل لذوقه





والصغار صاروا تحتنا





وصور الطريج



















صج اللون الازرق يدل على البرودة

















وصلنا المطار صح



































بينت الطيارات بس البوابة بعد




















صور للطريج من سناب حسين والبنات










فيديو الطريج





يتبع....

 

توقيع : توبليرون


باريس
https://www.arabtrvl.com/vb/t49390.html

بريطانيا
https://www.arabtrvl.com/vb/t51445.html

تركيا
https://www.arabtrvl.com/vb/t52107.html

مشاركاتكم تسعدني
لا أكتب الا في العرب المسافرون
اختكم : أم حسين
نقره لعرض الصورة في صفحة مستقلةنقره لعرض الصورة في صفحة مستقلةنقره لعرض الصورة في صفحة مستقلة

توبليرون غير متواجد حالياً   رد مع اقتباس
قديم 17-04-2019, 08:31 PM   #150

مجلس الإدارة

الصورة الرمزية توبليرون
 
تاريخ التسجيل :  Dec 2014
رقم العضوية : 26
الدولة : حبي الكويت
الجنس : انثى
المشاركات : 25,609



أوسـمـة: توبليرون

كل الاوسمة:3 (more»)
افتراضي


نكمل معاكم ,,,

وصلنا المطار ...ولوحة المعلومات



نزلنا الجناط وعطيت السايق 80 باوند لحسن تعامله معانا
ورحنا بالجناط اللي فيهم بضايع ثقيله بس والباجي خليناهم عند دانة وخليناها توديهم مع العامل للبوابة مالتنا تنطرنا هناك
واحنا رحنا التاكس فري



لقينا الموظفة تقول تبون بالباوند الباوند لازم تروحون مكان ثاني والا الدينار قلنا دينار

ولما صار دورنا قالت لكم هالمبلغ ... بس لازم اكمل لكم بالباوند ميخالف قلنا عادي ميخالف

وكملت لنا
تبون الصراحة اخذوه كله بالباوند لان اعتقد فيه شي غش او التحويل ياخذون نسبة لهم

او يمكن احنا ما انتبهنا على اللي بيرد لنا جم
بس بنتي فرفر منتبهة وقالت انهم ما عطوها المبلغ اللي حاسبته يعني منقصين شوي

المهم خلصنا ورحنا سوينا الاجرائات والحمدلله الميزان اللي معانا مقايسين جناطنا وما طلع لنا أي وزن زايد ولا بعد اقل من المقرر
كل جنطة لازم 23 كجم ولكل مسافر جنطتين
الحمدلله حلوو

في ناس يشيلون ويحطون بالجناط الثانية رجعوهم يعادلون الوزن


الحمدلله دخلنا والتفتيش دخلونا انا وبنتي بالجهاز اللي ترفعون ايدكم يادي الفضايح

المهم عدت على خير وبعدين قعدت شوية والبنات راحو يتمشون بالسوق الحرة

حسيت هالتيرمنال وايد حلوو ومرتب




والا اشوف زوجة حسين هاااا ما رحتوا تقول لا بعد اجلوها للساعة 2

قلت تمام اشوة مسكينة شرت لها الجنطة اللي تبيها والنظارة من المطار

وعطوهم فاوتشر لكل شخص 15 باوند للمطاعم لانه تأخير

حسين داز لي يقول شريت هذا




اكثر واحد يحب الافندي

وهذا زوجته












المهم قعدت شوي ريحت من المشي وبعدين قالت دانة انا بقعد هني قلت لها انا بروح اتمشى













وحبيبتي هالسوبر ماركت دخلتها





اخذت كاكاوات طبعا عليهم عروض تشتري علبتين عليهم ثالثة مجانا والحلو انك تسالهم اي سؤال يردون عليك بكل صراحة
سالتهم عن اذا كان فيه كحول او شي غير حلال قالو لا مافيه

وشريت جنطة ما احب احطهم بكياس وتتحذف الاغراض منه





وشفت هذه الشجرة شجرة الامنيات




وشفت هالامنية كويتية اكيد




اللهم آمين




قعدت مكاني انطر بنياتي نتيمع

طبعا بس جوازي معاي علشان كل وحدة تستخدمه للمشترى بالسوق الحرة







وبعدين رحنا بريت وهو قريب من بوابتنا وتغدينا فيه
الساعه الحين 2.30

الحمدلله حسين طاروا اخيراا يقول في ناس ياين من الصبح ماعندهم خبر بالتاخير

وهني عند بريت تغدينا وتشرينا للديرة

شايفين الشاشة هني الكاشيرات
والقعدة واسعه وكبيرة






اكبر بريت يدرون نحبه

خليت البنات يشترون وبعدين انا واغراضنا





والغدا معكرونيا بالسبانخ



ونحلي ليش لا



وصعدنا الطيارة






والحمدلله مختارين مكانا جدام حلوو نصور سناب قبل لا تطير الطيارة شايفين النت للحين شغال




شوفو اشلون ارتفعت درجة الحرارة



















تحركت الطيارة










ياحلو الاجواء
























ساعات الوداع

الساعة 5 تقريبا طارت الطيارة










وبعد ساعة وزعوا لنا الوجبات اخترنا برياني دياي







والاكل لذيذ وكافي



ولحظات الهدوء .... مع بجي اليهال ...اشوة شوي ونامت البنت اللي قريبة علينا





وبعد 3 ساعات يابو الوجبة الخفيفة




وتقريبا باجي ساعة على الوصول













ووصلنا بعد طيران مدته 6 ساعات تقريبا














اختيار ممتاز






مطار الكويت تيرمنال 4 الجديد










والمطار من الطيارة






الممر طوييل ممر السعادة على قولتهم والله تعبت بس طلعت والا كرسي عجلات مع عامل
قالو البنات يمه قعدي قلت خاف مال ناس طالبينه قال لي العامل لا تعالي
واخذنا للجوازات خاص للكراسي وبسرعه سوينا التشيك ان وبعدين على الجناط اللي شوي تاخرت وطلعناهم تعرفون اللي يروح اول شي يلاقي جناطه تتاخر لانه صارت اول شي تطلع اخر شي بس الحمدلله خلصنا
وطلعنا وابوحسين ينطرنا بره
أقول للعامل والبنات نزلوني عن الكرسي بعيد علشان لا يشوفوني بوحسين ويقول بعدين ماكو سفرة ما تقدرين على السفر ههههههه

قلت له بالبيت الممر طويل تعبت وقعدت على كرسي يقول أي شفتج هههههه





والحمدلله على السلامة والبنات ها يبا شصار فينا ردينا بروحنا ما معانا محرم
قال بس السفرة لازم معاكم والحمدلله حسين كان واصل قبلنا بساعتين وراجع البيت ونايم

يتبع بنفتح الجنطة ....


 

توقيع : توبليرون


باريس
https://www.arabtrvl.com/vb/t49390.html

بريطانيا
https://www.arabtrvl.com/vb/t51445.html

تركيا
https://www.arabtrvl.com/vb/t52107.html

مشاركاتكم تسعدني
لا أكتب الا في العرب المسافرون
اختكم : أم حسين
نقره لعرض الصورة في صفحة مستقلةنقره لعرض الصورة في صفحة مستقلةنقره لعرض الصورة في صفحة مستقلة

توبليرون غير متواجد حالياً   رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
باقي على رحلتي اسبوعين .. ابي رايكم ف المخطط الموجود Abo_saad بوابة ماليزيا 3 07-07-2018 06:17 AM
تركيا في الشتاء منار الحربي تركيا 9 06-07-2018 08:05 PM
السفر قبل موعد الزيارة الموجود في الابليكشين ؟ MohseN فيزا بريطانيا 2 18-08-2016 11:30 AM
سياحة في الشتاء salah_aldin بوابة المانيا 5 27-10-2015 03:21 AM

الساعة الآن 05:05 PM
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO