ونكمل اخر مشوار لنا بهاليوم
طلعنا انا وحسين وزوجته صعدنا باص 414

مافيه احد الا احنا













موقفه قريب من مطعم فريج صويلح




بقايا زينة الكريسماس




وليتات هارودز







على ما وصلنا مكانا الا الباص انترس من اللي بيروحون معانا مشوارنا
وحسين كل شوي يسأل ويحن ترى مضيعنا
قلت له حسين ترى صح طريجه وسمعونا الأجانب وقالو صح الطريق
وقلت له شوف ملابسهم تعرف انهم معاك

الكل لابس جاكيتات تشيلسي
واحنا رايحين مبارة توتنهام وتشيلسي مباراة مهمة اعتقد مباراة إياب

واللي يفوز راح يباري مانشستر سيتي



التذاكر اشتريناها اون لاين من الكويت وصلوها لنا للفندق قبل يوم للمباراة ومعاها ورقة تنبيهات لان تعرفون اللي يبيع التذاكر هم المشتركين وعلشان لا توهقونهم يعطونكم هالورقة عن الشبهات هههه

وهذا البريد اللي وصلنا على الفندق








التعليمات




احنا سالنا حتى الشرطة دلونا على البوابة وبعد سالنا المشجعين عادي وحتى وحدة من المنظمين تستقبلنا بحماس تقول لنا اليوم تشيلسي يفوز قلنا يييييييس




المهم نزلنا راعي الباص بعيد ونزلوا كل الناس وقال لنا السايق يلا روحو معاهم ورحنا وراهم
لانه الشوارع مسكرينها علشان المباراة وعن الزحمة مفضين الشوارع

وصلنا نادي تشيلسي




والأجواء ماشاءالله اللي يبيع واللي يشجع وشرطة وتكرمون كلاب حراسة










قالو لنا احنا البوابة الثانية










يبيع اكل ومشروبات



اشترى لنا حسين بطاط

حسين وزوجته تصور سيلفي هههه وانا اصورهم






صعدنا فوق وبعد مطاعم ثانيه وماشاءالله زحمة بس أجواء حلووة




مكانا حلوو قعدوني وراح حسين يصور اللاعبين تحت وزوجته تشتري لنا قهوة بنتدفى بررد







وهذه الشاشة فوق راسنا تعرض كل شي وهني نتيجة المباراة الاولي توتنهام 1 / 0




هذه المباراة كانت اول مباراة للاعب هاكوين ورقمه 9 وانضمامه لفريق تشيلسي وحتى بره اللي يبيعون كانو يبيعون تي شيرتات واشياء عليها رقم 9




واذا يتشوفون الهجمة بعيد عنكم الغول تشوفونها بالشاشة أوضح وبعد اذا صارت هجمة الكل يوقف بيشوفون ويييه واحنا معاهم بنشوف نوقف



والكراسي ضيجة بعد شوفو هالمشجع اشلون قريب جداا






هازارد حط غول







انتهت المباراة بالتعادل بعد الوقت الإضافي وحسين خايف يقول خلاص مافي بلنتيات وهم راح يفوزون
والا يقولون له الجمهور لا اصبر اصبر في بلنتيات
يحليهم كلهم على قلب واحد واللي يشجع الكل يرد يغني معاه ويسولفون مع حسين
نتيجة البنتليات تخوف والكل متخوفين




ونتيجة المباراة النهائية والفرحة للتشيلساويين




نزلنا اخر ناس تقريبا



ورحنا المحل نشتري للذكرى طبعا حسين ما وده يطلع واكثر الناس يشترون للاعب الجديد هاكوين لانه توهم منزلينهم

على ما يطلع حسين نصور وافكت السناب













والعروس شفناها حتى بالملعب كانو يكتبون عروس لندن





بعد المباراة وقفنا مع الجمهور بره يقولون بيمر اللاعبين هني يوقعون للجمهور ويسلمون عليهم
تأخروا اللاعبين ومشينا

رجعنا الفندق بتاكسي طلبناه من اوبر
لان الباصات مكانهم بعيد وحتى التكسي بعيد وقف لنا وبس صعدنا السيارة الا يفتحون الشوارع

فيديوات المباراة مشاهدة ممتعة













وصلت الفندق قال حسين بنروح نتعشى بالمطعم التركي قلت له الله وياكم انا بصعد
صعدت وطلبت من الفندق سندويشة حلوم وهذه الوجبة















وانتهى اخر يوم لنا وقت الساعه على الساعة 7 علشان بقعد حسين وراهم سفرة مبجر

والبنات يسكرون جناطهم والى اليوم الأخير باذن الله