الشتاء اللندني



هلا فيكم من جديد بتقرير لندني خفيف وان شاءالله بيكون خفيف عليكم

قبل لا نبدأ
متابعة الاجزاء بدون ردود

الجزء الاول
اليوم الاول

https://www.arabtrvl.com/vb/t40046.html



الجزء الثاني
بقية اليوم الاول

https://www.arabtrvl.com/vb/t40046-3.html



الجزء الثالث
اليوم الثاني



https://www.arabtrvl.com/vb/t40046-5.html



الجزء الرابع
اليوم الثالث



https://www.arabtrvl.com/vb/t40046-6.html


الجزء الخامس
اليوم الرابع



https://www.arabtrvl.com/vb/t40046-8.html



الجزء السادس
اليوم الخامس


https://www.arabtrvl.com/vb/t40046-10.html


الجزء السابع
اليوم السادس



https://www.arabtrvl.com/vb/t40046-12.html


الجزء الثامن
اليوم السابع


https://www.arabtrvl.com/vb/t40046-14.html



الجزء التاسع
اليوم الأخير


https://www.arabtrvl.com/vb/t40046-15.html



نتمنى لكم المتعه والاستفادة ولو بالشي القليل




بعد ما كنسلنا سفرة الصيف لجولة أوربية
صار الحنين يطق بابه للسفر وخاصة انه عطلة الربيع بتبدي

وقررنا قبل شهر تقريبا من السفرة ان نحجز فحجزنا انا وبناتي وننطر بعدها حجز المحرم
اللي قال ما اروح الا لندن ليش؟؟؟



كان حجزنا عن طريق الاون لاين
بسعر 205 دنانير وطبعا كانت ارخص قبلها باسبوعين كانت 150

بس شنسوي




وهذا قبل السفرة باسبوع حجز حسين محرمنا وحرمه وهو اختار لندن علشان المباريات ...وبجذيه قلنا يلا لندن ما تنعاف
وطلع السعر دبل
ب400 دينار
للشخص





حجزنا الفندق لنا من موقع المسافر غرفة سريرين أربع اشخاص ب 537 دينار بدون افطار وكان حجزنا قبل السفرة بمدة كان هيلتون ميتروبول الأجور رود




وهذا نوع غرفتنا




اما حجز حسين بالغصب لقينا له غرفة معانا بالهيلتون وكانت بسعر 480 دينار مع الافطار
وهذا نوع غرفتهم





وسوينا الفيزا الالكترونية ب15 باوند للشخص




وهذه الجوازات اليديدة واول سفرة عليه




وجهزنا الجناط ووزناهم كل شخص له جنطتين كل وحدة ب23 كيلو واكيد بعد جنطة الكبينه
هذا احسن ميزان بعد ما اوزن جناطنا اخذه معانا




مطارنا T 4

وصار موعد السفرة وتجهزنا على الساعة 1 ونص نزلنا وحملنا جناطنا وعلى المطار الجديد
اللي خاص بالخطوط الكويتية وهو تيرمنال 4
الصور من العيلة تصير موشوشة







وهذا مطارنا اليديد واول شي الصالة الخارجيه لتوديع المسافرين وفيها بنوك للصرافه وكافيهات بس للحين ماكانو شغالين




في مكاين للسحب الالي بس


مكتب استقبال ومعلومات





كافيه نقوه وأحلى رانغينه وغريبه كويتيه عندهم





وصلنا كاونتر التشيك ان ووزن الحقائب





وهذه جناطنا كلهم جنطه وحده وداخلها جنطة الكبينه حق الرجعه وما طلعت اوزانهم اكثر من 23 لان احنا وازنينهم عدل

الا انا جنطتين وحده 17 والثانيه 19 كيلو يلا علشان الرجعه ما اشتري من هناك




وجنطتي الثانيه




شوفو اماكن طابور الجوازات مافيه احد
اصلا المطار كله مافيه الا طيارتنا حق لندن وفاتحين بس كاونترين




على ما يخلصون اصور لكم

لوحة الممنوعات



شعار الطائر الأزرق





الجوازات مع اوراق التذاكر والفيزا جاهزين




الكاونترات فاضيه



لوحة جدول الرحلات المغادره

واول رحله لنا

أخذنا جوازاتنا وجناطنا راحوا قبلنا حق الطيارة






والحين ندخل صالة المغادرون ونشوف بعد صاله تطلعنا على بوابات صعود الطائرات

السوق الحرة كلها كاكاوات وسجاير وعطور














وبعد لفة صغيرونه بالسوق الحره
قلت بيأذن وانا بالطياره قلت خل اروح اتوضأ احسن علشان اصلي الفجر بالطيارة
ما احب ادخل حمام الطياره الا للضروره القصوى

الحمامات منتشره في المطار وكلها نظيفه بس اليده للصنبور يدويه مو توماتيك قديمه مو حديثه

مثل هذه




وايد نظيفه وريحتها حلوه








دانه جاعت لانها ماكانت متعشيه ودورنا مطاعم وكافيهات ولقينا كوستا وهذا الثاني
مادري ليش مسكرين
وقال لنا العامل بكوستا انه مسكر مع ان البضاعه موجوده وسهلة التناول وقاعد ينظف المكان
المحل صغير نفس هذا وكم طاوله




من الصاله



منطقة التدخين





بوابتنا D يعني موجوده فوق بالدور الأول





قلت حق دانه امشي نشوف اللاونج تصير بطاقتي والا بعد ماكملت نقاطها بطاقتي الواحه

وهذا اسمها




وهذا مكانها بالأسفل














اطلعت بطاقتي بعد مو مكفيه النقاط وقلت لها ندخل ندفع لج قالت لا مابي ورجعنا للكافيهات عندنا وقت وايد وانا قلت لها بصعد فوق تعبت من المشي وانتي روحي نطري اللي يفتح من الكافيهات ولقت كوستا فتح مره ثانيه
هذا تحت للحين







اتأكد من بوابتنا اذا في تغيير لا ولله الحمد




الاصنصير للاشخاص متواجد بالوسط والسلم الكهربائي كذلك



اللوحات موجوده واضحة بكل مكان



القعدات وايد والكراسي وايد وفاضيه يمكن بالصيف بتصير زحمة




وقعدنا عند البوابه لحد ما يفتحونها لنا



ولازم اصور الطياره وصورتي تنعكس بالچام بس الافكت يغطي هههههه



فتح كوستا مرة ثانية ويابت لي دانة كباتشينو




وهذا لها تقول زحمة صارت الناس كلها بتاكل





دخلونا البوابة واضفت التقاط على بطاقتي البنكية الواحة من عند البوابة








وصارت





قعدنا بكراسينا وكنا حاجزين 2 2 2 بالصفوف اللي فيها 3 كراسي علشان اذا صار فاضي يمنا نتمدد ههههه

وصار جذيه اقعدت يمي دانه وبنت بالكرسي الثالث
وجدامنا قعد حسين وزوجته وواخو البنت
البنت كانت تحاول فينا ان نبدل مع اخوها يبون يقعدون مع بعض
قلت لها واحنا بعد مانبي نفترق عن بعض
وسألت المضيف وبعد ما اكتمل ركوب المسافرين قال لها المضيف في أماكن بالخلف وراحوو وبجذيه صرنا احنا وحسين عندنا وسع وحتى غنومة وفرفر طلع مافي احد معاهم يعني خطتنا اضبطت







طبعا انا اصور على ما نطير













المجلات والأوراق لازم افتش فيها ولقيت نفس طيران الامارت هذا الظرف





ورقة الإسعافات لازم تشوفونها حتى لوكنتو حافظينها





















شايفين الشاشة كبيرة وفيها أفلام يديدة وقديمة متنوعة وترفيه وايد










وشوفو مساحة الوسع مريح مو مضغوطين





ودعاء السفر مع تحرك الطيارة










وتحركت الطيارة

وطرناااا بعد ما استودعت عيالي وابوهم وبيتنا ومن فيه والكويت عند الله سبحانه وتعالى

وصليت الفجر بمكاني








ومعلومات الرحلة من اميال وارتفاع





درجات الحرارة




والوقت





وموعد الوصول




واخذنا الكنبل تلحفنا




وحطيت لي فيلم عن ام تلعب البزل





ووصل الريوق






وشاي احمر




وصور للمنطقة تحتنا الليتات وبيوت متفرقة







وسفرت الدنيا وتحتنا الثلوووج وكل ما صار جذيه قالو لبسو الاحزمة مطبات هوائية الحمدلله كانت خفيفة ما نحس فيها





وزعوا عينا هالكروت وقالو اكتبوها قلت مابي اكتبها ما يبونها هناك
قالو البنات لا خل نكتبها يمكن بهيثرو يبونها مو نفس غلاسكو





ووجبة خفيفة

تسليتي بالطيارة لازم العب بزل او سودوكو طبعا تعرفوني




والحين وصلنا الاجواء البريطانيه

وأكيد لازم نصور






بانت القوارب تحتنا



والهدووء يسيطر سبحان الله















توه الفجر عندهم






















وطبت الطيارة








اخر شي بالشاشه




مثل مو شايفين بالشاشة وصلنا بدون تآخير الساعه 8,35 صباحا بتوقيت لندن















اجراءات الدخول سهله وكانت بس طيارتنا اللي واصله وفي طياره ثانيه اعتقد وكان طابور شوي زحمة
سألنا الموظف ليش يايين ورد علينا بنفسه مع ابتسامه انتو يايين للشوبينغ صح قلنا اي
وقام ينادي واحد واحد وحسين دوره بعد البنات قال له انت اللي بتصرف عليهم اكيد بيخسرونك عيل
والا دوري بالاخير قلت له انا امهم قال عيل المصرف عليج هههه الحين الواحد يروح ما يخاف منهم اغلبهم حبوبين ومبتسمين عكس قبل كانوا ما يبتسمون

والكروت الزرقاء حطهم على جنب وما شاف الا الفيزا والجواز وقال ولكم

وطلعنا اخذنا جناطنا وعلى التكاسي ....أكيد تعبتووو من الصور والجزء الأول
اشرايكم نبدي اول ايامنا بالجزء الياي
حياكم وتشجيع بارك الله فيكم




فيديوهات الطيران

فوق الثلوج شوفو اشلون تهتز الطياره بالمطبات الهوائية


https://youtu.be/LjEjU3evQK8


والوصول في مدرجات هيثرو


https://youtu.be/6voZo-wkaDo

ما شاء الله

تغطية مكثفة لاجراءات المغادره .. جميل جداً المطار وهو فاضي الواحد يقدر يشوف مرافق المطار
عيشتينا جو الرحله و السفر
كم تستغرق الرحله من الكويت لـ لندن ؟
احلى شيء ان دخولكم لندن بالنهار - يروح التعب بسرعه



كلمة شكر لك و لكل شخص يكتب تقرير مفصل يوضح فيه سلوكيات مهمة في السفر



متابعين معاك عزيزتي
و بشوق لصور الفندق و لندن الحب القديم







.

يا سلام على الشتاء اللندني
أخيرا بين التقرير
الخطوط الكويتيه صارت روعه وكراسي مراحي وفيه مسافه بينهم
المهم ان خطتكم نجحت
المطار فاضي وايد احسن عن الزحمة والتأخير
بانتظار باقي الاجزاء

لاحظت فرق كبير بالسعر بينكم وبين حسين حسافه