اشكر الغالي ابو يزن على اعادة طرح كرسي الاعتراف
عشان نستفيد من خبرات بعضنا البعض
ونتمنى طرح المزيد من هذه المواضيع التفاعلية
لتنشيط البوابة العامة باستمرار


و نقول للغالي ابو معتز
انت جيت ولا الله جابك





حسب معلوماتي انك تفضل اللون الازرق
سيارتك لونها ازرق والجوال ازرق حتى الهاردسك يقولون لونه ازرق هههههه




طيب وش رايك بحركة العويشير ؟
الدوري للهلال ولا النصر ؟ وضعكم ما يسر بالديربي الجمعة وضح ؟
هل من الممكن ان تسافر فقط لحضور حدث رياضي ؟
من تشجع عالمياً ؟

اصبحت الكورة حديث المجالس ، رأيك ؟





وش تنصح اللي عنده فوبيا الطيران ؟
وهل تضايقك المطبات الهوائية ؟

عطنا قصة عنها من 173 حرف ... ولا اقولك هات القصة و خلاص ؟



النادي داق علي يقول ابلشتهم هههههه
كم ساعة تقضي بالنادي ؟
وايش تسوي بالضبط غير رياضة التسدح ؟





لمن تقرأ ؟
وهل القراءة لها دور في تشكيل هوية السائح ؟




السفر ثقافة
فأي الشعوب اعجبتك ثقافته خلال اسفارك ؟
بماذا تهتم خلال سفرك بالمعالم ام بالفعاليات ام بغير ذلك ؟
هل تفضل الصرف كاش ام بالبطاقات البلاستيكية ؟
الشئ الاهم (واحد فقط) برأيك عند حجز فندق ؟
خويك طلع غثيث بالسفر كيف تتصرف ؟





انت تجلس تخطط ويجي غيرك يشخمط كل هذي المخططات

وش رايك بالالتزامات الاجتماعية اللي تلخبط مخططات السفر ؟
وهل تؤيد فكرة الحجز المبكر للطيران والفنادق كامل الرحلة ؟






اي الشياب يمثلك
شايب الديمن ، شايب الهاص ، شايب السبيت ولا شايب الشرية ؟
وهذا مدخل لسؤال اي الالعاب الورقية تستهويك ؟
بالوت كونكان تريكس ولا تفضل الكيرم و الضومنة والفرفيرة ؟





نترك المجال لابو مشاري لان نواياه طيبة
ولي نية للعودة لطرح مزيد من الاسئلة
لاثراء المحتوى السياحي






الله يسعدك ابو معتز
ونشكرك على ذوقك