طال شوقي للقاء المغرب

الايمان · 12-06-2019, 01:30 PM

المسجد في غاية الجمال وفخامة معماريه حبينا ندخل داخل لكن للأسف مسكر مايفتح الا وقت الصلوات الخمس واحنا رايحين بعد صلاة العصر يعني لازم ننطر أذان المغرب للأسف ماقدرنا ورجعنا الفندق

اخترنا مطعم فرنسي بالفندق للغدا

طلبنا ستيك

طلب الوالده باستا

بعد الغدا كنا حاجزين سبا وحمام مغربي بالفندق لمدة ساعتين

بعد السبا طلعنا الغرفة وجهزنا اغرضنا واستعدينا للمطار

وصلنا المطار نزلنا الأغراض ورحنا نسلم السيارة تفاجأنا بطلبهم مبلغ إضافي للسيارة ولما اخوي سأل عن السبب قالوا له رسوم نظافة السيارة مع العلم بانه لم يتم تسليمنا السيارة نظيفة وكنا كل مانروح للمول نغسلها طبعا عطيناهم المقسوم ورحنا للمطار.

الحمدلله خلصنا وعند دخولنا للتفتيش سألونا معاكم فلوس قلنا لا
مامعانا الا الفيزا والماستر كارد
وتفاجأنا بالعائلة الكويتية اللي مروا قبلنا خذوا منهم فلوس .

(كتبت هذه الملاحظه للاستفاده في حاله أي احد يسألكم قولوا مامعانا فلوس)

رحنا لقاعه ركاب درجة رجال الاعمال وقالوا لنا البوفيه والطلبات سكروا

من ملاحظاتي على المطار المحلات التجارية تسكر الساعه (10 ليلا ) والمطاعم تسكر الساعه (12 )
والمحلات تتعامل باليورو يرفضون استخدام الدرهم المغربي

لقينا هذا المطعم

كنا نبي نشتري منهم لكن طلبوا يورو

حان موعد طيارتنا

درجة رجال الاعمال سيئة جدا

الحمدلله وصلنا الكويت

يازين الكويت وعلمها دايما مرفوع ان شاءالله

هذه كانت رحلتي للمغرب رحلتنا عائلية الحمدلله تحققت رحلتنا بعد ماتم الغائها العام

كان فيها بعض المشاكل والمنغصات لكن الحمدلله تغلبنا عليها واستمتعنا بالاشياء الحلوه والجميلة اللي شفناها

ملاحظتي كل دوله فيها الزين والشين وفيها السلبيات والايجابيات
واكيد السلبيات اللي واجهتنا ماتمثل الشعب المغربي بأكمله فهناك العديد من الناس الطيبة اللي صادفناها
الحمدلله استمتعنا بالمناظر الجميلة وبالعمارة الإسلامية والتاريخ العريق
كانت رحلة وذكريات جميلة مع الوالدة واختي واخوي أحمد
ذكريات لاتنسى كل مانذكرها نضحك ونستانس

أتمنى اني وفقت بنقل المعلومات القيمة والمفيدة للمناطق اللي زرناها

أشكر كل من شارك او تابع التقرير

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
تحذير من شركة فريد شوقي بماليزيا	ماليزيا	ماليزيا	18	30-06-2016 08:57 AM
خريطة المغرب الرقمية لمدن المغرب وطرقها morocco map	Haksa77	بوابة المغرب	17	10-05-2016 12:38 AM