الله الله ياخوي نواف
بداية جميلة ومشوقة فعلا
انا زرت هذي المناطق الصيف الماضي
نزلنا في انقرة ثم الى صفران بولو
بعدها رحنا الى كستمونو سكنا في منطقة ريفية جميلة اسمها دادي
ثم الى سينوب ثم سامسون واوردو واماسيا ورجعنا انقرة


انت رحت الى اماسرا ومناطق جميلة حافظها عندي و متحمس جداً لرؤيتها
انا الصراحة تكيسلت اكتب تقرير عن رحلتي او بالاحرى كتبت نصفه ولا كملته
لكن انت ماشاءالله عليك ماتبخل علينا بالمعلومة

انا نزلت في انقرة اكثر من مرة , القطرية كانت تنزل في وقت مبكر
فكنت اطلع منها في نفس اليوم
لكن من سنتين غيروا توقيتهم صارت تنزل المساء فصرنا نبات ليلة في انقرة
وفي تجولي فيها حسيت ان فيها الكثييير مما يدهش وشوقتني لاسكشافها اكثر

رحت فيها الى مكان يشبه القرية العثمانية في بورصة نوعا ما وكان الفطور فيه مميز جدا
اسم المكان آلتن كوي وهذي موقعه https://goo.gl/maps/Ybf2wnCA84DvGAKeA يفتح 10ص

بالاضافة فيها اكبر مدينة العاب في اوروبا افتتحت حديثاً
غير المتاحف والآثار ومنهم فرع لمتحف رحمي كوج الي في اسطنبول
وغير مولاتها الكبيرة و الاكواريم والحدايق الضخمة غير اريافها والمدن القريبة منها .
ان شاء الله في المستقبل باخصص لها 3 ايام على الأقل

فعلا الصورة النمطية او من الي نسمعه ان مافيها شي يستاهل زيارته
وانها مدينة سياسية كلها احزاب ومظاهرات
انا متخيلها ناس وايد لابسين بدل رسمية ونظارة سودة هههه
وترى جوها جميل حتى في الصيف ابرد من اسطنبول

بخصوص منطقة كيزليكهمام
والله اني اتعجب من تخطيطك
كأنك تقرى أفكاري , نفس الاماكن الي حافظها عندي وافكر ازورها


نترقب تغطية الفندق وبقية المدن
الله يعطيك العافية ومتابعين معاك

اشوف العنوان وأنا مشغوله بامور الحياة
وأغمض عيوني ادري أني بس بفتح التقرير ماراح اخلص أموري وقعد اندمج بالتقرير

مع أني تابعت بالسناب
بس أكيد بالمنتدى التقرير والتغطية تكون اشمل وأكثر تفصيلا
حلو مطار انقره احب المطارات اللي ما تتعب وخاصة بوقت الوصول أما إذا ترانزيت أو وقت السفر لا يبيله مطار كامل وكبير
التخطيط ممتاز ومانعرف عن هالمناطق بس بنتابعها معاك
بانتظار المنتجع وتفاصيله الجميلة
متابعين

جميل جداً المنتجع نفس فكرت منتجع سكنته
اسمه فيمرلايف بالقرب من اماسيا يبعد عنها نصف ساعة
هذا الموقع https://goo.gl/maps/8NEEX8wQdWvdyLYh8

عبارة عن العاب مائية مثل الي صورتها لكن غير مختلط
والنساء لهم مسابح منفصله
وفيه نظام غرف وفلل وحديقة كبيرة وجلسات
وغرف العاب وعروض وبوفية مفتوح فطور وعشاء
نفس فكرة المنتجع الي سكنته انت ..
ممكن الواحد يخليه نقطة استراحة للي رايح من اسطنبول الى الشمال التركي بالسيارة

تخيل انك تحصل على كل هذا ب150 ريال , شي عجيب والله
لو عندنا مايقل عن ألفين ريال بكل تأكيد

توفقت في اختيار السكن .. نترقب دخولك لارض الزعفران

المنتجع رائع جدا

متابعين