ياحلو مانشستر والارنديل وساحة التروماي ومحل بريماك الكبير الحلوو
والمطاعم بالساحة والنافوره والمستعرضين هناك

ذكرتنا وشوقتنا عليكم بالعافيه بس يلا زيد الصور والكتابه

الأخوة والاخوات الكرام راح اكمل تقريري المتواضع هنا لعدم وجود صور لكل المواقع اللي زرتها للأسف ،
واعتذر منكم والعذر عند كرام الناس مقبول ولا أخالكم إلا فالطليعة..
والعوض في المرات القادمة بمشيئة الله تعالى..
وبكتب عن الاماكن اللي رحناها وبنزل الصور بعدها اتمنى تقبلونه كمعلومات وليس كتقرير

رحلتنا كانت الى لندن لمدة خمسة ايام وبعدها طلعنا الى مانشستر بالقطار لأن رحلة العودة من مطار مانشستر الكئيب ولا انصح بالسفر منه اجراءات بطييييئة ومعقدين مررررة يفتشون الشنط اليدوية اكثر من مرة ، وتفتيش شخصي لكل المسافرين واخرونا بتفتيشهم حتى قلت لهم الرحلة باقي عليها 45 دقيقة، ومطار صغير.

من وجهة نظري مانشستر احلى من لندن واهدأ واهلها ودودين وتعاملهم زين ، سكنت في شقق لاريزيرف حسب تجربة احد الاعضاء هنا وفعلا شقق راااائعة وممتازة جدا للعوايل ، وقريبة من بقالة وشارع التسوق مثل ما ذكرت سابقاً ولا تحتاج تكاسي.. لقيت هناك صاحب تكسي شايب باكستاني اجودي اسمه نديم تعاملت معه للمشاوير البعيدة اتصل عليه ويجي على طول وهذا رقمه للي يبيه 07599692524 ،
رحنا زيارة لنادي مانشستر علشان الشباب اللي معي الله يحفظهم ويحفظ ما عطاكم (صور) ،
وكذلك رحنا مكان تسلية اسمه escape hunt وهو عبارة عن غرفة تدخل فيها مع عيالك وتحاول تحل اللغز حتى يفتح الباب لكم وفيه متعة للعيال صراحة (صور)..
وهناك حديقة هيتون بارك فيها اكثر من ممشى والجو يساعد وفيها حظيرة لبعض الحيوانات اكرمكم الله وبعض الطيور (صورتين)..
وفيه مطعم باكستاني اسمه اكبر افضل من المطاعم العربية واكلهم ممتاز جداً (صورة)..

واخيراً اشكر لكم سعة صدوركم وشكرا على ما تقدمونه من معلومات مهمة للمسافر.

تحياتي

الصور المرفقة

	manch1.jpg‏ (17.5 كيلوبايت, المشاهدات 7)
	manch2.jpg‏ (16.5 كيلوبايت, المشاهدات 6)
	manch3.jpg‏ (14.7 كيلوبايت, المشاهدات 7)
	manch4.jpg‏ (47.1 كيلوبايت, المشاهدات 10)
	manch5.jpg‏ (48.2 كيلوبايت, المشاهدات 12)
	manch6.jpg‏ (46.9 كيلوبايت, المشاهدات 11)
	manch7.jpg‏ (17.3 كيلوبايت, المشاهدات 9)
	manch8.jpg‏ (13.6 كيلوبايت, المشاهدات 9)
	manch9.jpg‏ (16.1 كيلوبايت, المشاهدات 9)
	manch10.jpg‏ (46.6 كيلوبايت, المشاهدات 10)
	manch11.jpg‏ (16.3 كيلوبايت, المشاهدات 9)
	manch12.jpg‏ (15.3 كيلوبايت, المشاهدات 9)
	manch13.jpg‏ (42.9 كيلوبايت, المشاهدات 9)
	esc4.jpg‏ (17.9 كيلوبايت, المشاهدات 8)
	esc3.jpg‏ (13.3 كيلوبايت, المشاهدات 7)
	esc2.jpg‏ (14.8 كيلوبايت, المشاهدات 8)
	esc1.jpg‏ (46.5 كيلوبايت, المشاهدات 11)
	park1.jpg‏ (20.6 كيلوبايت, المشاهدات 9)
	park2.jpg‏ (20.3 كيلوبايت, المشاهدات 8)
	بريمارك.jpg‏ (263.5 كيلوبايت, المشاهدات 10)
	Akbar-Restaurant.jpg‏ (81.8 كيلوبايت, المشاهدات 11)