نواصل معكم. بعد فترة من الزمن في حدود الثامنة والنصف (مرينا ستار بوكس بس لاتعلمون احد)

طلعنا الى موقف التكاسي ولقينا من حظنا تكسي وقلنا شاه علم. وانطلقنا التكسي طلب 35رينقت
واتفقنا ب30. المشاور اقل من نصف ساعة والاجواء ملبده بالغيوم.
طبعا شاه علم تعتبر قلب سلانقور النابض. منطقة فخمه مثل بتراجايا ومنافسه لها ففيها المسجد الازرق
وفيها حدائق وبحيرة ومتحف والمركز الوطني واحتفالات المسلمين ومهرجاناتهم تقام هناك.
وشي اللي ادخل شاه علم في عقلي صورة بالمنتدى القديم لاحد الاعضاء فيها المسجد الازرق الشهير
وسحرت عقلي وقلبي ولبي. وعزمت على زيارته خصوصا اني اميل لكل مايمثل الاسلام .

وصلنا هنا وكانت المفاجاه او شي المنطقة اكبر من ان الواحد يمشي فيها ومترامية الاطراف. وهالمقلب
اكلته كثير مثل بتراجايا وحديقة بودوريا الفراشات والطيور وماحولها. كلها لابد من بقاء التكسي اذا اردت الطواف بالمكان كامل.
والمفاجاه الثاني ان المسلمين الماليزين كانو مسوين احتفال والعاب وكرنفال امام المسجد .واليكم الصور


وعادي لو احد يترجم لنا الكلام اللي بالصور.












طبعا زي ماشفتم. حويس!! سوق على مطاعم على حفل على العاب على خيول على تبرعات على مكتب رحلات بلنكاوي (وش جابها هنا مدري) والشي المشترك بينهم انهم مبتسمين ومستغربين واحد غير ماليزي موجود. طبعا اخوي طاح بالاكل الماليزي اللي يبيعونه العجايز بالبسطات وشاركته وكان لذيذ الى درجة رجعنا اشترينا قبل مانغادر شاه علم. وكأننا ماافطرنا قبل ساعة. ونبي نخفف!! خخخخ

وانتقلنا للمسجد اللي سحرني وعذبني وزاد عشقي له.

هذي حديقة المسجد وبها المواقف











واهي روعه تصميماتهم




ودخلنا المسجد وكان التصوير يضايق المشايخ اللي هناك ولاحظت نظراتهم وكانهم يقولون احترم المكان فماكثرت تصوير.
طبعا المسجد له عدة مداخل. كل مدخل له اطلاله رهيبه.







وهذي قبة المسجد


وهذا مدخل من جهة الحديقة والمواقف


وهذا المدخل يطل على المتحف والمركز الوطني كما اخبروني.



داخل المسجد تشعر بروحانيه عجيبه وهدوء وسكينه . ماودك الا تستقبل القبلة وتصلي ركعتين.



اعجبني هذا المصلي وكم تمنيت ان اطبع قبلة على رأسه واطلب منه ان يدعو لي ولوالدتي ولكم.


وهذي هي الاجمل


وعندما هممنا بالمغادره قابلني احد المشائخ وسولف معي واحتفى بي واكرمني باهتمامه واحضر لي تاكسي
وطلب التاكسي 55رينقت للذهاب لبوتراجايا وكان الوقت قبيل الظهر.
فبينت لهم ان المبلغ دبل مااتيت من به الى هنا. ورفضت بود عرضهم وانسحبت وياليتني وافقت. فقد تاخرت
وانا اقف بالشارع لاجد تكسي وايضا استخدمت برنامج التكسي واخطات به ووضعت في خانة الاكرامية
40 رينقت والمشوار اصلا ب40. وكنت اظنها خانت قيمة المشوار وكلما جاء تكسي وطلب 80 قلت لا
ويستغرب تصرفي ويقول انت وضعت هذا السعر وانا اقول كثير. وبالاخير رضخت وركبت مع واحد راعاني
وقال بوديك ب70رينقت. ولم اكتشف بلاهتي ذي الا بعد يومين. عادي تحصل مع اكبر الشخصيات.

عموما اتذكر بالمنتدى القديم شرح لتطبيق ماي تكسي. وكتبت فيه ملاحظتي ذي. بس هناك سوال مهم
وين العدني ؟ عساه طيب؟ لايكون لالالا مااتوقع.. يارب ماننحرم طلته. دمتم بود
والقاكم في جولة بتراجايا والبراميد.