السلام عليكم ورحمة الله وبركاته
متعود كل سفراتي لدبي تكون بالطياره بس الطنزه في شليل راعيها يقولون كنت اقول الله يعين اللي يروح بالسيارة وش زين الطياره ساعه وانت واصل
هالمرة على منكس قروني بنروح بالسيارة
طيب ياحبيايبنا اللي راحوا بالسيارة وش احسن طريق
وفيه ساهر او لا

السلام عليكم
حصلت لك هذه المعلومات من ارشيف المنتدى ان شاءالله تنفعك من العضو ابراهيم

افتراضي
الخروج من الرياض باتجاه الدمام .. بعد 333 كم تقريباً يجيك مفرق الهفوف ( الاحساء ) وتجد لوحات مكتوب فيها " قطر - الامارات -عمان " خذ يمين وبعد ما تمشي مسافة يجيك طريق يمين بحيث ما تدخل الاحساء تمسكه وتروح يجيك المطار يمينك ويجيك دوار ولوحة تدلك الطريق اتجه الى قبل سلوى تجيك لوحة مكتوب يمين البطحاء " منفذ الامارات" خذ يمين وكمل طريقك الى الامارات ..

الله يعطيكم العافيه شباب
بعد البحث والتمحيص لقيت الوصف هذا في احد المواقع
ابيكم تقولون لي هل هو صحيح واذا عندكم اضافه عليه اتمنى انكم تضيفونها

من الرياض الى مفرق سعد "على طريق الدمام" تقريبا 90 كم، طريق سريع "متعدد المسارات"، وبه محطات وقود.

من مفرق سعد الى الهفوف/الأحساء تقريبا 200 كم ، طريق سريع "مسارين في كل اتجاه"، لا يوجد محطات وقود، وتمر بخريص وهي هجره قديمه ليس فيها من مظاهر الحياه المدنية شيء.

من الأحساء/الهفوف "مدينتان متلاصقتان" الى سلوى 130 كم تقريبا ، طريق سريع "مسارين في كل اتجاه"،وليس كما ذكر بالأعلى سيد واحد، يوجد محطات في داخل المدينتين وعند خروجك من الأحساء، ومحطة ساسكو بالقرب من سلوى، أما في الطريق لا يوجد محطات وقود أخرى.

من سلوى "منفذ قطر" الى البطحاء "منفذ الامارات" تقريبا 160 كم ، ربما أكثر أو أقل قليلا " لست اذكر الان" ، وهو طريق سريع "مسارين في كل اتجاه"، وليس كما ذكر بالأعلى سيد واحد ، ولا يوجد محطات وقود ،يوجد محطة ساسكو عند منفذ البطحاء " يجب أن تفلل التانكي هناك، لأنك ستودع البنزين الأرخص".

من منفذ البطحاء الى أبو ظبي تقريبا 380 كم، طريق سريع "مسارين في كل اتجاه"، ويوجد به محطات.

من أبو ظبي الى دبي تقريبا 100 كم ، طريق سريع "متعدد المسارات"، ويوجد به محطات.

عليكم السلام
مشالله ماقصرت توبليرون

لكن نصيحة اذا كان مشوارك في الليل لا تروح من الخرج
الخط رايح جاي وكله شاحنات + لا توجد خدمات

روح من طريق الدمام واتبع اللوحات وترا الفرق اقل من ساعة
سلامتك أولى من الوقت
ومليان محطات


(:

افضل طريق الهفوف الحسا

وفيه مثل يقول (عليك بالطريق لو طال )

safety is first
تحياتي

ما قصرت ام حسين

من الرياض الي الاحساء طبعا قبل تدخل الاحساء تطلع الي الدائري

ساهر بالامارات عد واغلط لكن ما وصلني ولله الحمد اي مخالفه وحتي لما طلعنا منها ما قالو شيء الجماركبما أنهم يشيكون علي السياره

طريق الرياض الشرقيه طبعا فيه ساهر

فادوك الاخوان ..انا اقولك تروحون وتردون بالسلامة ودعائكم الله يجزاك خير

هولمز

الإخوة ما قصروا
بعطيك ملخص
تطلع من الرياض بانجاه الدمام
بيجيك خريص يمين تعداها لا تلف معها
ثم بيجيك نقطة التفتيش وانت خارج من الرياض وبعد نقطة التفتيش حوالي 60 كم بيجيك كبري خريص وسعد اصعد الكبري وخذ لفة خريص ثم بعدها بحوالي 50 كم بتجيك خريص وبعدها بـ 160 كم تجيك الهفوف اتبع اللوحات ( سلوى - البطحاء ) وبعد الهفوف بحوالي 140 كم تجيك سلوى اتبع لوحات البطحاء ثم بعد ما تعدي البطحاء إلى دبي
ملاحظة /
1- هناك طريقين لخريص الأول قبل نقطة التفتيش وانت خارج الرياض وما أنصح بالذهاب هناك لأن الطريق مسار واحد وكله شاحنات انت اسلك الطريق الثاني اللي يجيك بعد نقطة التفتيش ب 60 كم تقريبًا
2- هناك طريقين للأحساء الهفوف الأول مع طريق خريص ، والطريق الثاني تعدي كبري خريص الثاني باتجاه الدمام ثم تكسر مع عريعرة وجودة وهذا ما انصح فيه لأن راح يزيد معك 70 كم والطريق ما فيه محطات كثيرة
3- طريق خريص احذر من الجمال السائبة مش دائمًا تكون متواجدًا لكن الحذر مطلوب
إن شاء الله أكون أفدتك

السلام عليكم ورحمة الله وبركاته
اي استفسارات عن دبي انا حاضر