بسم الله الرحمن الرحيم

السلام عليكم و رحمة الله و بركاته

موضوعي استخراج الفيزا الروسية من الكــــويت

المطلوب اول شي الدعوة السياحية من الدولة اللي اهي روسيــا

خذيت هالموقع للدعوه من تقرير اخوي علي المبارك و تقريره مفيد للي ناوي يزور روسيا

https://www.arabtrvl.com/vb/t30041.html

الموقع الالكتروني للدعوه

http://ivisaonline.com/

تدخلون و تختارون الكويت و بعدين نعبي البيانات غي الخانات

يحتاجون تاريخ دخول و خروكم من روسيا - نوع الفيزا دول مره واحده - مرتين - متعدد

انا اخترت مرتين خفت ما اروح بالوقت نفسه يعني ااخر جم يوم مو ااخر تاريخ غير الفتره المحددة

سعر الدعوه للشخص الواحد 50 دولار وتدفع فيزا او بي بال وتوصل على طول على الايميل و اسوي لها طباعه فقط تكفي ..

الرقم:
0074996536779

الإيميل:
support@ivisa.ru

عقب ما توصل الدعوه و تطبعونها تخلون على موقع الفيزا الروسية

وتختارون الكويت

الموقع الالكتروني

https://visa.kdmid.ru/PetitionChoice...ookieSupport=1

تحت في المربع تحطون صح و تسون تسجيل يديد

يطلب باسورد وتحفظونه عشان اتسجلون فيه

هذي الدعوه توصل بهالشكل على الايميل

فيها اسم العايله - اسمكم في الجواز - ميلادكم - فترة الاقامة في روسيا - المناطق اسماء الفنادق اللي تبونها



عقب التسجيل راح تدخلون على هالصفحه و تحفظون رقم الابليكيشن فوق وتضغطون على نكست و تكملون بياناتكم

وايد موقعهم سهل و سريع



اول شي الجنسية - سبب الزيارة سياحية - عدد مرات الدخول - تواريخ الفترة اللي بتكونون في روسيا



القسم اللي بعده البيانات الشخصية



القسم الثالث بيانات الجواز



القسم الرابع بيانات مرسل الدعوه
وتلقونهم في الدعوه اللي توصلكم اسم الشركة و الرفرنس لكل شخص والموافقة و المناطق اللي بتزورونها



القسم الخامس بياناتكم الشخصية
السكن و الشغل





القسم السادس و الاخير
موقع طلب الفيزا من الكويت



وبعدين تقديم وطباعه





وبس نطبعها و ناخذها معانا على السفاره

- طلب التقديم
- صورة شخصية مقاس عادي خلفية بيضا
- الجواز
- رسوم 25 دينار استلام عادي بعد اسبوع و 50 دينار استلام نفس اليوم تدفع بالكرت ما ياخذون كاش.

مواعيد شغلهم كل اثنين واربعا

من غير موعد تروحون توفقون بالدور و تقدمون اذا قدمتوا الاثنين تاخذون الجواز الاثنين اللي عقب ..

وبس تستلم الوصل وترجع للاستلام

والحين الى منطقة الدعية حي السفارات





السفاره



ننطر دور على ما يفتحون حضراتهم الساعه 10 ص الى 1 م



المكاتب اللي يطلعون الفيزا للي ما يبون يروحون للسفارة







المكان وايد صغير و مافي ارقام كل واحد يوقف في دوره





والحمدلله تم استلام الفيزا بعد اسبوع

مافي اي متطلبات غير اللي كتبتهم

واتمنى لكم سفرات ورحلات حلوه