07-08-2019, 11:38 AM
|
#2 |
مسافر فعّال
تاريخ التسجيل : Aug 2015 رقم العضوية : 5799 الجنس : ذكر المشاركات : 945
| 
 |
تغطيات جميلة ابو صلوح
بالنسبة لي البازارات سبحان الله ما أجد أي ميول لها رغم إني متأكد إن فيها أشياء تستحق الزيارة ولكن مجرد اختلاف ميول وإهتمامات
تعجبني كثير المطاعم اللي وسط حدائق لأنها تعطي السائح فرصة يبقى وقت طويل بالمكان بحيث يستمتع كل أفراد العائلة وبالمرة فرصة يتناولوا وجبة غداء أو عشاء
متحمسين فعلاً نشوف المزيد من أماكن بورصة بعدستك المميزة | |
حياك الله ياخوي نواف
تصدق حتى انا والله ما استمتع فيها
احس اني متوتر طول الوقت من كثر الزحمة
وهذا يصرخ ان عنده تنزيلات وهذا يمر عليك شايل اكواب الشاي لازم تفتح له طريق
وانت تكون خايف على عيالك وعلى اغراضك اصلا
لأن مثل هالاماكن يجيها كل من هب ودب ويكثرون فيها الي يدهم خفيفه والسكيرتي فيها ضعيف
لازم تكون مبالغ في الحرص على كل شي
يوم رحنا بازار فلوريا جاملت الاهل 5 دقايق ثم ماقدرت اتحمل
قلت لهم انتبهوا على نفسكم واغراضكم وخذت العيال ورحنا ساحل فلوريا
وجلسنا في الحديقة لين يخلصون من التسوق
لكن تصدق نفتقد مثل هالأسواق البسيطة في بلادنا
كل يوم يفتح مول جديد واسواق اكبر من الي قبلها
وماركات عالمية واسعار نار والناس تشتري ولا تقول شي
والحريم الكبار خاصة مايحبون التسوق في المولات يحبون مثل هذي الاسواق اكثر
ان شاء الله بتشوف كل خير
حياك الله ياخوي نواف
|
اماكن حلوه وفي انتظار المزيد
ما شاء الله عليك
بالنسبة الى رفع الصور لو كنت تشتغل في كمبيوتر مكتب تنزل كل الصور الي عندك على ملف في سطح المكتب وترفعهم من موقع التحميل بسهوله وهذا الشي ميزته انك تحط صورة وتعلق بسهوله عكس tapatalk
للهواتف
تم الإرسال من SM-N950F باستخدام Tapatalk | |
حياك الله ياخالي
بخصوص رفع الصور انا جربت من برنامج الجوال
في واحد من تقاريري كتبته كله بالجوال لكن مادري شلون
ما أحس بمتعة الكتابة مثل لين اكتبها بالكمبيوتر
وضاع وقتي وانا اعدل اماكن الصور لين زهقت
|
ماشاءالله
حلو المبيت بالاكواخ وحمام السباحه اكيد العيال بيطبون فيه
بورصه وايد كويتين شارين شقق فيها وتلاحظ عمارة كامله كلها كويتين هههه يعني بورصه مالتنا ههه
حلو انك غيرت عن الاماكن المعروفه وبتراوينا اماكن ثانيه واولها الحديقه والبازار والمنطقه الجديده اللي عند الاكوابارك وايد باين حلوه القعده فيها وممتعه
حسافه مو حاط صور للشقه
بالنسبه لبرنامج التابلتك انا كانت عندي نفس المشكله للصور ان يختار الصوره العاشره وانا ابي الاولى
بس بعد ما حدثت البرنامج صار تمام وحاطه عن هالموضوع في البوابه العامه موضوع مثبت | | حياج الله يا ام حسين
هههه صدقتي العيال منقعين في البرجه طول الوقت
ومثل ماقلتي بورصة وايد كويتيين وفي منطقة اسمها شيكرجه تمركزهم اكثر فيها
وترى القطريين صاروا يزاحمونهم فيها ، والله يرزقنا ونروح نسوي زحمة معاهم بعد هههه
اي والله بورصة فيها وايد اماكن حلوة لكن العيب الي يسونه الناس
انهم ياخذون سواق من اسطنبول يوديهم التلفريك والقرية العثمانية ويرجعهم بس
فالناس خذت فكرة عن بورصة انها صغيرة ومافيها الا هالمكانين
اي والله حسافة مادري شلون ماصورتها
انا الريّال الوحيد فربكة وايد اتصالات وشيل الشنط وحالة مافي وقت للتصوير غالبا
ان شاء الله باطلع على موضوعج واذا عرفت احل المشكلة بانزل باقي الصور من الجوال دايركت
مشكورة ويعطيج العافية | توقيع : بوصلووح | | سبحان الله و بحمده سبحان الله العظيم | |
|  |
124الاعجاب
العرض المتطور
المواضيع المتشابهه 
