142الاعجاب
| |
16-04-2020, 09:00 AM
| #1 |
| مسافر مبدع  تاريخ التسجيل : May 2018 رقم العضوية : 19129 الدولة : السعودية الجنس : ذكر المشاركات : 1,296 |  موقف انساني في اسفارك / سولف علينا
الاخوات الماجدات الاخوان الكرام .. ايها الشعب الكريم  بما انكم محجورين ولاهنا روحات وجيات وبوكنج اللي تحوسون به دايم ماعاد يغري .. وتويتر اصبح ممل وكله ( كورونا بيولوجي ) .. بعضنا يتثقف ويعوج لسانه حتى ينطق كلمه ( بيولوجي ) يقاله فاهم .. بس يتحمس ويعبر ( فايروووس انطلق من المعمل مادروا عنه ) يامسلم تراه فايروس ماهو  خروف لااااحول  نعود فنقول حدثونا عن مواقف انسانيه لن تنسوها في اسفاركم .. غريب قابلته .. طفلة صغيرة .. عجوز ساعدتها .. منظر لفقر .. لغنى .. مسكوك الشرطه نصب عليك احد بيبني مسجد ( عادي علمونا ) حسيت انك في خطر .. انسرقت اموالك الخ المهم الموضوع لكم ومنكم هاتوا سوالفكم وتراي ابزعجكم بسوالفي
|
|  |
|
16-04-2020, 09:12 AM
| #2 |
| مسافر مبدع تاريخ التسجيل : May 2018 رقم العضوية : 19129 الدولة : السعودية الجنس : ذكر المشاركات : 1,296 |
طبعا انا اعشق ( البنات الصغار ) لاشفتهن دخت يمكن لاني ابو لجين  مع ان عندي ولد حفظه الله بس لانه اتى بعد لجين فابولجين ( أحب اسمائي الي ) << قلب فصحى بدري يابولجين الرشيد  المهم مره كنت ساكن بفندق ( سالب نجمتين ) مافيه الا انا واثنين اوربيين ( داخل حاره ) بتبليسي بجورجيا ومع عادتي مااطلع كثير بالليل .. تعرفت على صاحبة الفندق لها مكتب تحت ولها بنت عمرها 10 سنوات .. لطيفه جدا تدرس بالانجليزي .. وتوريني دروسها على ان لغتنا اكثرها اشاره .. المهم صارت صحبه وكلما جيت جبت للبنت حلاو ومن بكره نزلت للسوق واخذت لبناتي مواد مدرسيه ( اقلام وغيرها) ابيهن يتميزن بهن ( كاشكال غير الموجود بالمكتبات لدينا) واخذت لصديقتي هذي معهن ( امها .. تعبر بكلمات انجليزيه مكسره عن امتنانها ) يوم بغيت امشي كان وداعا حزينا ( كالمعتاد حفظني الله ) الاطفال هم ثلاث ارباع الانسانيه كل ماقالوا جورجيا تذكرت صديقتي الصغيره ودروسها 
|
|
| |
|
16-04-2020, 09:26 AM
| #3 |
| مسافر مبدع تاريخ التسجيل : May 2018 رقم العضوية : 19129 الدولة : السعودية الجنس : ذكر المشاركات : 1,296 |
وبنفس الرحله جورجيا يوم اصبحت طلعت سيارتي من موقف المدير تحت العماره  صرت صديقهم بسبب الطفله وصداقتي معها .. ودعتهم وانطلقت للجبل وحيدا شريدا معي سيارة .. ومريت احد القرى وشريت ( مشغل ام بي 3) كان معي فلاش محمل فيه شي اسمعه .. شريت من متجر مااحد يعرف انجليزي ( دخلت جوجل ) ووريت البائعه الصورة فركضت وجابته لي .. وانطلقت المهم مالكم بالطويله .. ( التجول لوحدك ) جميل شوي ولا امرأة خمسينيه تأشر على الخط .. وقفت واشارت قدام قلت ( كازباجي ) اسم الجبل فهمت اني رايح يمه .. وركبت .. وتليتها ( مسوي معروف يقالي) المهم طلعت طلسم لا انجليزي ولايحزنون .. (اللي يأشرون بدول شرق اوربا .. كثير وامر معتاد وخصوصا ان الطرق صغيره وماهي هاي وي وكلها قرى ) شوي .. ولاحظت عجوزي ماهي مضبوطه .. ابولجيين صدق ههههههههه .. دققت .. ولا رفيقتي ريحتها تعاطي ( سكرانه الملعونه ..مع انها متماسكه عادي )  اوااا الله الحسنة .. عجوز كافره وسكرانه  المهم اشرت لها كم باقي قلت شوي ياوجه الخير ( ياوجه الخير ذي من عندي) شوي وحنا نمر ( انا وعجوزي على سيارة بقس زرقاء ) ههههههههههه ومشغل لها ( أسمر عبر) ياااا والله الجو مرينا بصليب بمدخل احد القرى يجي ارتفاعه يمكن 10 متر وعجوزي تقوم تصلب على صدرها ( تصلي ) بعد لاااابو ذا العين ياااااه واشوا ماطولنا يوم وصلنا اخر القريه قالت يمين وانا اسفط وتنزل عجوزي السكيرانه .. وانا اواصل رحلتي ولاعلمت احد .. ههههههههههههههه هههههههه هذا من ذكريات جورجيا .. وياما حتشوفون من السوالف
|
|
| |
|
16-04-2020, 01:15 PM
| #4 |
| مراقب العرب المسافرون تاريخ التسجيل : Dec 2014 رقم العضوية : 445 المشاركات : 6,031 |
ابو لجين عجوز سكرانه  والله فلم وانت متحمس مشغل لها أسمر عبر طلع طلع باقي العلوم يابو لجين يبدو انه عندك قصص كثيرة انا في السفر اقشر ما اكلم احد ولا اسلم على احد ولا اساعد احد
|
|
| |
|
18-04-2020, 01:04 AM
| #5 |
| مسافر مبدع تاريخ التسجيل : May 2018 رقم العضوية : 19129 الدولة : السعودية الجنس : ذكر المشاركات : 1,296 |
اهلا اهلا ياصاحبنا .. ومساك الله بالخير والله هذا اللي حصل يارجل .. ولي عدة مواقف مع اللي يشرون ( انا دايم مسافر لحالي وقلت هذا مرارا رحت ربع العالم لوحدي) لذلك احيانا تقول لامانع اني اخذ معي احد لنفس الطريق .. تواصل انساني يمكن يعرف انجليزي .. يمكن اكسب صديق واتفق معك ( ليس الامر مفتوح ) ولكن فيه حالات تشوف ان الوجه ماهو وجه شر لازم تنفتح على العالم يالبناخي
|
|
| |
|
16-04-2020, 02:17 PM
| #6 |
| مراقب العرب المسافرون  تاريخ التسجيل : May 2016 رقم العضوية : 9529 الدولة : المملكة العربية السعودية الجنس : ذكر المشاركات : 15,722 |
|
|
| |
|
18-04-2020, 01:06 AM
| #7 |
| مسافر مبدع تاريخ التسجيل : May 2018 رقم العضوية : 19129 الدولة : السعودية الجنس : ذكر المشاركات : 1,296 |
اهلا ابو معتز .. والله ياصديقي انا في طرحي هنا مباشر وواقعي وقد تعلم او لاتعلم انني لله الحمد مسافر معتدل يعني كل مغامراتي بسيطة وتلقائيه وانت ان شاء الله عندك علوم خير
|
|
| |
|
18-04-2020, 01:07 AM
| #9 |
| مسافر مبدع تاريخ التسجيل : May 2018 رقم العضوية : 19129 الدولة : السعودية الجنس : ذكر المشاركات : 1,296 |
حظها اني مااعرف الشيلات .. وتوي شاري مشغل الـ ام بي 3 اخاف تستنزل
|
|
| |
 |
العرض المتطور
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| أصعب .. أطرف ... موقف لك في مطار !! | أم ريمه | البوابة العامة | 115 | 12-08-2018 04:41 AM |
| موقف طريف فى السفر .. كلما طريته ضحكت !!! | أبوعبدالله (الاسفار ) | البوابة العامة | 150 | 31-07-2018 04:16 PM |
| موقف ( انتبهو من الدبابات ) | ابو ساره | أخبار واعلانات الأعضاء | 15 | 12-07-2018 11:10 AM |
| يا جماعه انحطيت في موقف ومتحيير ابي مساعدتكم | حسين شبيب | بوابة النمسا | 6 | 21-05-2015 11:32 PM |
| مسافر من أبو ظبي, أين أحصل على موقف للسيارة؟ | أبو حسين | بوابة الامارات | 6 | 08-05-2015 09:11 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Friendly URLs by vBSEO
Search Engine Friendly URLs by vBSEO
