الرطوبة و وبعد المسافة تخليني اتردد بزيارة دول شرق اسيا

لكن نزول عن رغبة الابناء راح يكون لنا زيارة لماليزيا وكوريا الجنوبية

انا من محبي اوروبا وسفراتي كلها لها

نصيحة

لا تقارن
استمتع بالموجود

واستشعر نعمة الله عليك انه رزقك بالسفر



زرت فقط ماليزيا من دول شرق آسيا

وزرت كذا دولة اوروبية


المقارنة ظالمة

لكل دولة مميزات وعيوب

لكن احياناً النفسية واصدقاء السفر تعطيك انطباع عن البلد

مثال زرت النمسا وماحبيتها ابداً ابداً لكن ارجع واقول يمكن لاني كنت تعبانة بهذيك الفترة ظلمت البلد




استمتع

مثل ما قالت اختنا طوق الياسمين لا تقارن
المقارنة تفقدك حس الاستمتاع وتدخلك في دوامة وصراع يحول بينك وبين الحكم الصحيح على البلد
إذا انت من محبي دول شرق آسيا استمتع بلحظات وجودك فيها
واذا حاب تجرب دول وقارات ثانيه خذها بكل اللي فيها
انا أشوف أوروبا فيها كل اللي ناقصني, غيري يشوف جنوب أفريقيا مثلا
أهم شي ما يكون رايك سببه رخص الأسعار مثلا, فتبدأ هنا تحد من خياراتك اللي ممكن تكون غير واقعيه