| | |||||||
مـواضـيـع مـمـيــزة
345الاعجاب |
| | LinkBack  | أدوات الموضوع | انواع عرض الموضوع |
| |
19-05-2021, 01:26 PM
| #1 |
| مراقب العرب المسافرون   تاريخ التسجيل : May 2016 رقم العضوية : 9529 الدولة : المملكة العربية السعودية الجنس : ذكر المشاركات : 15,722 | 
ما شاء الله أخوي العنان ... جزء الترفية دائماً ممتع في جميع الرحلات ... و يونفيرسال بحد ذاتها متعة بالنسبة لخدمة الـــ VIP أذكر في عام 2014 أول زيارة لأمريكا زرت يونفيرسال في أورلاندو و عرضت علينا الخدمة أذا سددنا كامل القيمة لأن ببطاقة أمريكان أكسبريس لأنها البطاقة المعتمدة عندهم و تعطي خصومات و أولوية و تدخل لاونج خاص و من هالسوالف ... بس ما أخذتها بصراحة لأننا كنا شباب و لا حبينا التقيد ببرنامج محدد ... واصل متابعين ... "إلا أمريكا  و طواريها نبطل عيونا قبل أذونا" 
|
|  |
|
21-05-2021, 04:03 PM
| #2 |
| مسافر متميز  تاريخ التسجيل : Sep 2015 رقم العضوية : 6071 الدولة : قطر العز الجنس : ذكر المشاركات : 103 |
دايما منور الموضوع الغالي بومعتز تصدق مع ان عندي بطاقة امريكان اكسبريس الا اني ما استغلها افضل استغلال نفس ماتفضلت كثير من الاماكن في امريكا سواء ترفيه مطاعم فنادق وحتى مطارات تقدم مميزات اضافية لحامل البطاقة وحتى وكيل البطاقة يرسل كل فترة عروض عن ميزاتها صحيح الشباب يبون انطلاق بدون تقيد، لكن مع عائلتي حبيت اعيش نوع من الرفاهيه بالاضافه لاختصار الوقت وإنتقاء الاماكن اللي تشد اهتمامنا .. مازال في الجعبة كثير ترقب يالغالي
|
|
| |
|
19-05-2021, 04:20 PM
| #3 |
| مميزه أمريكا تاريخ التسجيل : Dec 2014 رقم العضوية : 427 المشاركات : 581 |
الللله ياذكريات يونسفيرسال ستوديو ..وجمال ألعابها وروعة ديكوراتها وبراعة عروضها.. VIP OR EXPREE PASS غالي جدا على كل تذكرة حوالي 280 دولار للتذكرة ويشمل دخول الألعاب لمرة واحدة دون انتظار وأماكن مضمونة لحضور العروض أما خدمة VIP فهي أغلى طبعا وتدفع مبلغ وقدره عشان تحصل على الخدمات اللي ذكرها أخوي العنان وكانت موجودة يا أبرار من الزمانات بس يمكن ماكنت تنتبهين لها .. رأيي الإكتفاء بالأكسبرس لأنها تغني عن سناكهم البارد ومرشدهم اللي يقرقر على راسنا لأن في كل مكان تلاقي مرشدين وناس تقدم المساعدة قمة في الذوق والأخلاق.. متابعي ن أخوي العنان لا تتأخر علينا بالأجزاء الجميلة 
|
|
| |
|
21-05-2021, 04:49 PM
| #4 |
| مسافر متميز تاريخ التسجيل : Sep 2015 رقم العضوية : 6071 الدولة : قطر العز الجنس : ذكر المشاركات : 103 |
مرحبا اختي قطرية انا معاج المبلغ كبير بس عن نفسي جدا استفدت من هالتجربه معاهم .. الجاي اجمل ان شاءالله خلج متابعه
|
|
| |
|
07-06-2021, 11:56 AM
| #7 |
| مسافر متميز تاريخ التسجيل : Sep 2015 رقم العضوية : 6071 الدولة : قطر العز الجنس : ذكر المشاركات : 103 |
|
|
| |
، طبعا وانا اكتب في هالتقرير الفترة اللي طافت هاضت مشاعري وحنيت للاجواء الامريكية وبصراحة فكرت اني اسافر هالصيف بعد اخر انقطاع عن السفر والسفرة الاخيره اللي كانت لامريكا، ومن الصدف ان كانت تأشيراتنا الامريكية تنتهي شهر 6 /2021 فقمت انا والعايله صورنا واخذنا موعد في السفارة الامريكية والحمدلله جددوا لنا التأشيرة 10 سنوات، ويقوم اخوكم يجهز للسفرة تذاكر وسكن وسيارة وفعاليات ويسحب على الموضوع 
|
07-06-2021, 12:42 PM
| #9 |
| مسافر متميز تاريخ التسجيل : Sep 2015 رقم العضوية : 6071 الدولة : قطر العز الجنس : ذكر المشاركات : 103 |
Los Angeles To Las Vegas صباح يوم 16 ديسمبر كان موعد انطلاقنا من لوس انجلوس الى لاس فيغاس، من اول ماقعدنا الصبح كان الحماس عندنا ماله حدود الجو كان حلو و البنات متحمسين للسفر وبالاخص لحضور استعراض ديفيد كوبرفيلد ، بعد ماخلصنا فطور نزلت الشنط للسياره ورجعت فوق للشقه حتى ابدل وبعدها نمسك الخط وهنا كانت بداية النكبه !! جيت ادخل للشقه فتحت الباب ولما بغيت اسكره واقفله بالمفتاح الا القفل اخترب .. كان هذا الشي الوحيد اللي ناقصنا  ، كانت الساعه 8 الصبح تقريبا حاولت في القفل مارضى يعتدل حتى اني بدلت ورحت لقيت محل مقابل بنايتنا متخصص بالمعدات وادوات المنزل اخذت لي عدة سكاريب وقمت احاول محاولات يائسه ولا ضبط معاي طبعا كان معاي رقم صاحبة الشقه واتصلت عليها كذا مره وارسلت لها رسايل لكن عمك اصمخ الوقت كان وهل وصادف يوم الاثنين اول يوم دوام بعد ويك اند يعني هالكفار كل واحد راسه منتفخ من السهره  .. في الاخير قررنا نغامر طبعا احنا دافعين سكن في فيغاس وغير تذاكر العروض يعني لازم نسافر ، المغامره كانت ان نقفل باب البيت بالترباس من الداخل واخوكم في الله يطلع من الدريشه مثل سبايدر مان.. الحمدلله ان واجهة الشقه كان فيها دريشه كبيره جنب باب المدخل قفلت الباب بالترباس ونطيت من الدريشه ، وخليت الدريشه وهي سحب مردوده مب مسكره من باب الاحتياط لان ارسلت رساله لصاحبة الشقه وقلت لها اللي صار وطلبت منها ترسل احد يصلح الباب واني ماراح اكون بالشقه لمدة 3 ليالي ، طبعا اخذنا معانا كل شي غالي بالشقه وتركنا بس الملابس وركبنا السياره واستودعنا الله ماتركنا ورانا.. بصراحه كان مزاجي جدا متعكر لكن قلت سبحان الله علها خيره ان الله رايد نتأخر ثلاث ساعات ممكن تكون خيره عن شي ، حطينا عنوان الفندق في القارمن وكانت المسافه تقريبا 5 ساعات وشوي وفي الطريق مرينا قهوة بلو باتل وتقهوينا وبعدها قبضنا الخط   .. الجو كان حلو والحمدلله الاجواء في السياره بدت ترجع حماسيه بعد كوب القهوة. قبل وصولنا فيغاس تقريبا بساعه ونص مرينا على منطقة الاستراحات اللي فيها محطات البترول والمطاعم شيكت بترول ومرينا اخذنا لنا وجبات سريعه اكلناها بالسياره وكملنا طريقنا ، طبعا كل ماقلت المسافة زادت اللافتات الاعلانية عن فيغاس من فنادق او عروض استعراضية  ، شوي شوي بدت معالم فيغاس تبين لحد ماوصلنا شارع السترب وهو شريان حياة فيغاس فنادق ولافتات ومحلات تجاريه على يمين ويسار الشارع متعه في النهار ومتعة بالليل اكبر.   المهم وصلنا فندقنا ووقفنا السياره ونزلنا الشناط ورحنا نسوي التشيك ان. حجزنا كان عباره عنه سويت غرفتين نوم وصاله مع غرفه ثالثه كونكتد والمساحة كانت جدا كبيره، رتبنا شنطنا وكل واحد دخل خذ شاور وبدل وصلى وبعدها انطلقنا في ربوع فيغاس، تغدينا في احد المطاعم بالمول بعدها قعدنا نتمشى لين المغرب.   طبعا كان عندنا عرض بالليل لديفد كوبرفيلد فقلنا نرجع الفندق نصلي ونريح ونطلع قبل العرض بنص ساعه، وحياتكم دخلنا نريح قعدنا من النوم ثاني يوم  ولاحسينا باعمارنا تعب الطريق اثر علينا والوقت كان متأخر والمشكله ضاعت من ثلاث ساعات في لوس انجلوس بسبب باب الشقة، طبعا التذاكر كل عام وانتوا بخير راحت علينا واضطرينا نشتري تذاكر جديدة بسعر مضاعف لانه في نفس اليوم وغير ان المقاعد المتوفره هي اللي قريبه من المسرح وكانت غاليه، لكن الحمدلله حصلنا التذاكر.
|
|
| |
|
08-06-2021, 09:27 PM
| #10 | ||
| مراقبة العرب المسافرون  تاريخ التسجيل : Dec 2014 رقم العضوية : 73 الدولة : وطن النهار الجنس : انثى المشاركات : 17,503
|
| ||
|
| |
|
« سؤال للخبراء ( فضول فقط وعصف ذهني لا اكثر )
|
استفسار عن امريكا شهر سبتمبر 2021 وعن ايجار السيارات »
العرض المتطور
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| رحلتي الي سيرلانكا 2019 ديسمبر | artist dreamsss | بوابة الهند وسيرلانكا | 16 | 14-02-2022 10:06 AM |
| مشورتكم في رحلتي الي الفلبين مع العائله ديسمبر 2019 | Dawas | بوابة الفلبين | 2 | 10-11-2019 08:46 AM |
| شهر العسل تايلند ديسمبر 2019 | alshaia | بوابة تايلند | 7 | 23-09-2019 09:42 PM |
| شهر العسل تايلند ديسمبر 2019 | alshaia | بوابة تايلند | 0 | 06-09-2019 09:25 AM |
| سفره شتويه نهاية ديسمبر | موجة بحر | بوابة البوسنة | 12 | 16-10-2018 05:41 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Friendly URLs by vBSEO
Search Engine Friendly URLs by vBSEO
