تجربتي في الحصول على فيزا شنغن من السفاره الالمانيه2021 - الصفحة 3

IbrahimKSA · 25-08-2021, 07:34 PM

السلام عليكم ..

الموضوع بإختصار شديد فيه موضوع مثبت بأسم المشرف المميز آخـــرفـــرصـــة

فيزا شنغن المانيا خطوة بخطوة 2019

أدخل على الموضوع واتبع الشرح بالضبط لكن فيه تغيير بسيط بالنسبه للسفاره الالمانيه عملت تحديث للتشيك ليست واضافوا عليها حاجتين ..

الأولى: ترجمه الهوية الوطنية
الثانيه: تأمين كورونا

البدايه حجز الموعد كان بتاريخ 9/8/2021 وأقرب موعد كان بعد اسبوع بتاريخ 15/8/2021
وكانت المواعيد كثيرة

قيمة حجز الموعد بـ 162 ريال.

رحت على الموعد كان الساعه 9:30 مافي زحمة على طول رحت للموظف

لمن سلمت للموظف الأوراق قالي التشيك ليست اللي معك قديمة طلعنا وحده جديدة اعطاني نسخه وقالي روح أمن على كورونا بـ تكافل الراجحي (نصحني فيه) ، وروح ترجم الهوية وأرجع لي وفعلاً أمنت أونلاين بـ 70 ريال تكافل الراجحي لازم تحدد المده لان القيمة تحسب على حسب مده السفر ونزلت لاحد المكاتب وسويت ترجمه للهوية بـ 50 ريال.
كان فيه تدقيق على كل الاوراق .. الحجوزات وغيرها , بعد ماخلص ودفعت قالي انتظر عشان تبصم قلت له انا مبصم آخر مرة .. شيك على الجواز وشاف الفيزا القديمة قالي خلاص مايحتاج تقدر تروح
للأمانه الموظف كان جداًُ متعاون ..

المبلغ اللي دفعته في السفاره كان 518.13 ريال
من ضمنها رسوم التوصيل لان على حسب كلام الموظف ماعاد فيه إستلام جواز من المكتب عشان كورونا ف يرسلونه لك مع ارامكس ... اليوم وصل الجواز الحمدلله والفيزا عليه.

أعطووووني ثلاث سنووات ..

ماتوقعت انها تجي من السفاره الالمانيه
حبيت اشارككم التجربه لان الكثير يمكن مايعرف انه لازم يترجم الهوية ويسوي تأمين كورونا للسفاره الالمانيه.

موفقين جميعا ً

Salemd11, أبولجيـن فهد, ala3laba و 2 آخرون معجبون بهذا.

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
تجربتي في الحصول على فيزا شنغن - إيطاليا	هشام عبدالعزيز	فيزا شنغن	23	24-10-2019 04:29 AM
تجربتي في الحصول على فيزا شنغن اسبانيا من BLS	ADEL55	فيزا شنغن	5	18-10-2019 10:03 PM
تجربتي كمقيم في الحصول على فيزا شنغن - فرنسا	عيسى ابوبدر	فيزا شنغن	12	27-03-2019 05:59 AM
تجربتي في الحصول على فيزا شنغن من دولة فرنسا	Abu Abdulrahman	فيزا	4	03-05-2018 02:45 PM
تجربتي في الحصول على شنغن فرنسية من جدة(مقيم)	septa	فيزا	12	15-06-2016 08:11 PM