يا هلا بك بو فيصل ...

سمعت نيويورك فيها عروض جميلة الواحد يدخلها لكن شنو طبيعة هالعروض ؟؟ وهل تستاهل التجربة

من وجهة نظري افضل العروض هي Moulin rouge + Chicago + Wicked بعدها ممكن تحط Lion King خصوصا انك رايح اولاندو مو محتاج زياده عروض عن دزني لازم تغير عن المئلوف

في وارلاندو راح تكون معي سيارة هل يفضل السكن في منطقة معينة ؟؟

افضل مكان للسكن في منطقتين الاولى قريب من شارع الانترناشينول درايف - الثانيه وهي الافضل اي مكان قريب من بحيرة Beuna Vista بوينا فيستا .. اتمنى ماتطلع بعيد عنهم لان ممكن Kissemme كبيره فتكون في مكان بعيد خصوصا عن يونيفرسال والمناطق الحيويه

بقعد فيها 9 ليالي بيكون يوم بارك ويوم راحة ( الراحة ممكن تكون تسوق خفيف)

لا يوجد راحه في اولاندو للامانه كل الايام مشي وحركه 9 ليالي حلوه

هل أقدر ازور يونيفيرسال ستوديوز للباركين ثنتينهم في يوم واحد ولا لازم كل وحدة في يوم خصوصا إني بفرغ كامل اليوم لها
انصحك وبقوه في يوم واحد فقط .... انا مع الاهل اخذ كل حديقه لفتين وباقي وقت ماندري شنو نسوي !!! فياريت انك توفر المصاريف وتاخذ لك تذكره وحده للحديقتين بشرط تروح من الصباح لي الظهر حديقة وبعدها تغير الحديقة ... يفضل تدخل اول شي حديقة يونيفرسال وبعدها ادفنجر ايلاند "المغامرات"

وبالنسبة للباركز هل الوضع مزدحم ومسكرين بعض العربات عشان كورونا ولا الوضع طبيعي
الوضع طبيعي جدا ... يجب لجميع الحدائق تحميل التطبيق الخاص بهم حتى يكون عندك خريطه للحديقة + تشوف اوقات اللعبه + بعض الالعاب تحجز لها لدخول من تطبيق