السلام عليكم ورحمة الله وبركاته

أهوجس لي فتره في صناعة محتوى خاص بالسياحه والسفر, لأن صراحه هالمجال بداء ياخذ وقتي, ما فيه صفحه وتطبيق ألا قاعد أضيع فيه وأستمتع بالمشاهد والتقارير والصور.

ف لو تكرمتوا أقترحوا علي فقرات ومحتوى خاص بالسياحه والسفر وخلوني أغوص في هذا العالم, وما أخفيكم صرت متحمس لهفكره بعد ما شغلت مخي شوي وقلت (ليش ما أصنع محتوى في هالمجال وأبيع خدمات للسياح والجهات اللي مهتمه بالسفر)

عطوني رايكم لأني ودي أصنع محتوى وأسافر بلاش

وعليكم السلام

جميل اهتمامك بالموضوع وحماسك للفكرة

صناعة المحتوى تحتاج (خبرة) وهذي تكتسبها مع الوقت
تحتاج (أسلوب) في عرض المحتوى عشان تقنع المتلقي
وتحتاج (مادة) لابتكار محتوى غير مكرر

شكراً للرد الجميل

طيب في وضعي الان وش تقترح لي من خطوات اركز عليها ؟

الآن تكتسب خبرة بسفرات متعددة
تبدأ بقراءة الكتب والمقالات السياحية
تبدأ بقراءة التقارير السياحية هنا وتركز على الأسلوب
فيه هنا كتاب تقارير محترفين تقدر تستفيد منهم