السلام عليكم

اخواني وخواتي واهلنا وعزوتنا اهل الكويت

خبروني وين نروح في الكويت في ديسمبر ,, من زماااااااااااااااان عن الكويت صار لنا سنين ما سافرنا الكويت
ومع التغييرات والتطورات , مب عارفين وين نروح وكيف نقضي ايامنا فيها
وافضل واقوى المطاعم اليديده في الكويت

وهل في بداية ديسمبر مسرحيات او مهرجانات او عروض غنائية؟

ياليت تفيدونا عشان اعرف احدد الجدول , او نغير لوجهه ثانيه

مع الشكر

يا هلا فيكم وحياكم الله
ان شاء الله في وقتكم يكون في فعليات بس مسرحيات لا غالبا تكون في عطلة الربيع
عندكم المزارع العبدلي حلوه ووناسه
الاوبرا وايد حلو وفيه انشطه
مركز عبدالله السالم الثقافي وايد حلو يبيله يوم كامل عباره عن 6 متاحف
حديقة الشهيد فيها متاحف وكافيهات ومطاعم ومعارض
المباركيه
المجمعات (360-الافنيوز-الكوت فيه كارت سيارات مغطى ممتاز- العاصمه - سوق شرق - بوليفارد السالمية - مارينا مول السالمية - سوق السالمية - الصالحيه ماركات وفي مطاعم وكافيهات خارجية)
مروج في منطقة صبحان ( قعدات خارجية مطاعم كافيها العاب ) قريب منهم ميدان الرماية حلوه التجربة فيه ..
حلبة الكويت (كارت ) وايد حلوه وفيه تجربة الكارت و السباقات.

المطاعم عدي وخربطي
مثلا " ميدار كويتي بالافنيوز - سان ريستورانتي اكل ايطالي من شيف كويتي في منطقة الشعب وفي الافنيوز الايطالي - هبره شيف كويتي في بالافنيوز والمباركية و 360 - كوكو روم في الاوبرا ريوق ممتاز وشيف كويتي - دار حمد كويتي في 360 او السالميه على البحر - c15 في منطقة الشويخ وكل المكان في محلات ومطاعم وكافيهات - بك يو صحي براند كويتي لذيذ - منطقة الشويخ في التلال وميار حلو المكان محلات وكافيهات ومطاعم

جم يوم يايين الكويت ؟؟ ومعاكم يهال؟؟