طلعت للشارع ادور تكسي اتفقت مع تكسي يوصلني لمنتجع كنت حاجزه عن طريق بوكنق منتجع إكليبس اسمه صوره في بوكنق خرافيه و تقيمه 8 اغراني فيه المسبح و الالعاب المائيه الي فيه ولاكن الان تقيمه 5 المهم اخذت التكسي و طلعنا من المطار طريق زراعي مدري وش المطار الي ماله خط سريع و سواق التكسي مو راضي يسكت يسولف مو مستوعب اني مافهمه طبعا يوم وصلنا قالي بالعربي(بخشيش) طبعا انا دافع بالمطار ولاكن يوم قالها بالعربي عطاني تصور مو زين للبلد قلت بدينا تعرف للعرب😂 نزلت الفندق رشبشن رث وريته الحجز و طلعني الغرفه طلعت غرفه عفنه اثاث متهالك(طبعا منتجع4 نجوم) الغرفه تحت بيت الدرج رفضت قبولها قالي اوريك غيرها وراني غيرها نفس العفانه بس الفرق انها مو تحت بيت الدرج برضو رفضت و طلبت منه انه يلغي حجزه من عندي لان الصور في بوكنق مختلفه عن الواقع100٪ (طبعا دافع مقدما) و قلت له انا جينيس في بوكنق و ابي اكتب لهم ان الواقع غير قالي في اخر غرفه تتنظف الان ممكن تشوها( لا بارك الله بالضعف خاف من الشكوي) وراني غرفه محترمه و فيها بلكونه نفس الي حجزتها بالموقع قلت هذا مؤشر ثاني بعد سواق التكسي شكل البلد فيها للغوصه كثير😡 جلست حدود الساعه على المسبح الي ان تجهز الغرفه فطورهم متواضع فيه ملحق صاله افراح و كل يوم عرس الصوت يوصل عندك قدامه حفريه التكسي يوصل له بصعوبه افضل شي فيه جلسه المسبح على الرغم اني ماسبحت برد و قريب من مول بوابه تبرانا كنت اروح للمول مشي اخذ تكسى اسرع للوصول