بعد قضاء ايام جميله في بلغراد الساحرة للامانه بلغراد تنحب في مدن تنحب في مدن حلوه بس ماتنحب هذي تنحب المهم بعد كم يوم جميل مع الصرب المحترمين( حسبي الله على من شوهه سمعتهم) قرر صاحبي يرجع من مطار بلغراد وصلته للمطار و قررت انا اروح موستار اريح فيها كم يوم و ارجع للجبل الاسود اسلم السياره و اكمل طريقي.
مطارهم على الطريق نزلت صاحبي و مشيت المسافه الي موستار420 تقريبا و طلعت الصباح بدري لاني خايف من منفذ البوسنه انه يكون نفس منفذ البوسنه من جهه الجبل الاسود زحمه و عطله و خايف من الخطوط البوسنه اذا تاخرت بالمنفذ يجي على لليل
توكلت على الله و نفس الفلم سبعطعش الف قريه صربيه


الين وصلت حدود البوسنه

ماجلست في الحدود ولا عشر دقايق😍 طلعوني من صربيا بدقيقتين دخلت الكشك البوسني ( عقد قرنبعانو منتهي) سالني ليش العقد منتهي سالني البوسني ليش العقد منتهي قالت استاجرت من الجبل الاسود مده و حبيت امدد و تواصلت مع المكتب و قالي عادي بدون مايرسل لي اي عقد جديد سالني وين رايح في البوسنه قلت موستار قال ليش مسافر بالسياره لحالك كنت بقوله مو شغلك 😂 بس قلت خلك دبلوماسي صحكت و قلت ماعندي اصحاب ضحك و قالي انت امير سعودي😂 كنت بقوله ( انت حمار) بس رجعت تحليت بالدبلماسيه قلت انت شايف قرنبعانو انت شايف جوازي عادي كيف امير راكب قرنبعانو و جوازه عادي ( اول و اخر بوسني اشوفه بشوش و يضحك) دخلت البوسنه بسرعه ماكنت متصورها طبعا في البلقان الاعتماد على الكاش الكاش المنفذ البوسني مافيه مكتب صرف عمله😡 مامعي مارك بوسني لاكن كنت متوقع الشي هذا اني ماراح اصرف الي في موستار على شان كذا في صربيا قبل الحدود عبيت بنزين يوصلني موستار و اخذت ماء و مشروبات و سناكات توصلني موستار
و نفس الشي سبعطعش الف قريه بوسنيه



الي ان لقيت مسجد بالطريق قلت خلني اصلي و اتنشط فيه مسجد راقي و له حديقه خاصه حتا فيه واي فاي هذا اسم القريه مبني على حساب حكومه الكويت الله يجزاهم خير

كملت طرقي مباشره وسط الطبيعه البوسنيه الساحره منظر طبيعي مايشوهه الي الخط و صعوبته



جاني 30 كيلو هاي ويه اول ماشفته فرحت كاني مبشر بولد ماداني امسكه الي خلص😭

كل ماقربت لموستار تحلا الطبيعه




الحمد لله وصلت فندق ستي في موستار فندق 4 نجوم رائع في اخر النهار و الحمد لله ماجاني لليل