الانتقال من روما الي اسطنبول عن طريق الطيران التركي ولاكن لن اتكلم عن تركيا نهائيا لانها مستهلكه و معروف كل شي فيها ولن اضيف جديد لها.
الانتقال من اسطنبول الي صوفيا بالبر عن طريق شركتين باصات (فلكس باص)و (مترو) اخترت مترو لان هي الي لقيتها قدامي حجزت فيها و كان تحرك الباص في وقت متاخر من الليل في الليل يوم جيت للمحطه لاحظت كثره الباصات الي رايحه على كل مكان داخل تركيا و برلغاريا و اليونان و صوفيا كل ساعه يطلع لها باص من شركه مترو ولاكن اول باص يطلع 10 بالليل و اخر باص 4 الفجر ممكن سبب تحرك الباصات في وقت متاخر هو زحمه اسطنبول و الاختناق المروري الي فيها فاتتحرك الباصات بالليل.
قبل تركب الباص يتاكدون من الفيزا و اول ماركبنا الباص اعطونا ضيافه و سحبو جوازاتنا داخل الباص و تحرك الباص الساعه11 بالليل في موعده المحددله بعد طلوعنا من اسطنبول بنص ساعه وقف الباص في مكان غريب متجر غريب لحاله في الخط و كان واقف قدامه مجموعه من الدوريات الامنيه لاحظت ان المضيفه بالباص نزلت تتكلم مع واحد منهم و معها جوازات المجموعه قالت لنا بريك10 دقائق يوم رجعنا للباص رجعت و رجعت لكل واحد جوازه يبدو لي انه مسح امني قبل الحدود و كملنا طريقنا للحدود الين وصلنا الحدود التركيه كان زحمه باصات كل باص يدخل مسار لحاله و ينزل ركابه للجوازات طبعا عدد الركاب الي بالباص14 راكب نزلنا خرجنا بسرعه و دخلنا الحدود البلغاريه دخل علينا العسكري البلغاري للباص يتاكد من الجوازات كلهم اوروبين الي انا يوم مديت جوازي اخذه في جيبه ماشيك عليه و نزل بعد دقايق جاني و رجع لي الجواز و دخلنا منطقه الحدود البلغاريه طلبو من الجميع النزول من الباص و دخلو فتشو الباص تفتيش دقيق جدا ماخلو درج بالباص مافتحوه بعدين حطو الباص على حفره نفس حفره الزيت و نزلو تحت الباص يفتشون يبدو لي انهم يدورون اوادم يدورون مهاجرين غير شرعين داخلين اوروبا امل باقي الاشياء امورها طيبه دخلنا المكتب نفس نظام تركيا ختمنا و طلعنا و حركنا مره ثانيه طبعا المنفذ مافيه مكتب صرف عمله ولا فيه جهازatm .

و كملنا طريقنا الي العاصمه صوفيا

وصلنا المحطه على شقه النور و كان فيها جهازatm و مكاتب صرف عمله اخذت تكسي و على الفندق قالي مافي غرفه لازم تصبر الي9😡 طلعت افطر و لقيت المسجد المشهور حق السلطان العثماني بناي باشا دخلت اصلي الفجر فيه

في المسجد لقيت طفله سوريه عمرها مايتجلوز12 سنه تنظف المسجد و تلبس الاوروبين حجاب على شان يدخلون تكلمت معها عرفت ان امها تشعل في تنظيف المسجد و هي جالسه محل امها جلست اكلم و اضحك معها و التفت للجهه الثانيه لقيت شاب عربي جالس يصورني ناديته قلت له تعال مايحتاج تصور من بعيد صور من قريب هرب و قطع السكه يركض مادري وش التصرف الغريب هذا؟
هذي القسيسه صوفيا الي تسمت المدينه عليها

صوفيا فيها شارع اسمه شارع السورين شدني اسمه قلت اروح له عباره عن محل معسل جنبه حلاق جنبه محل معسل ثاني جنبه حلاق ثاني و تعاد الكره الي اخر الشارع(بئس التجاره) طبعا اصحاب المحلات كلهم مطلعين كراسي على الرصيف و جالسين الي يتقهوا و الي يشيش كانك في شارع في دوله عربيه اتصور انه اوسخ شارع في اوروبا😡
هذي المدينه القديمه كانو يسون اعمال البنيه التحتيه و اكتشفو مدينه تحت الارض من ملاين السنين

ماقدرت ادخل لها لان هي عليها صيانه
البرلمان البلغاري

القبب الزجاجيه الي قبل البرلمان تشوف فيها المدينه القديمه الي تحت الارض ولاكن كانت مغلقه ذيك الايام
صور من صوفيا




كنت ماشي بالليل لقيت محطه باصات دخلت سالت قالو لي في باص يتحرك بعد3 ساعات الي بوخارست رومانيا حجزت بدون تردد و رحت للفندق الغي باقي الايام عسا يرجع لي فلوس رفضو يرجعون لي شي حق باقي الايام المدفوعه تركته لهم و مشيت.
بلغاريا.
تفوز بلقب اكئب بلد رحت له بحياتي بلد كئيب جدا جدا ممل ويز اير يسير رحلات اقتصاديه له الي يلقي تذكره بريال واحد لا يروح لان قيمه البانزين للمطار حرام فيه😂
البلد غير امن الهوشات بكل مكان اشكالهم تشبه المكسيكان قصار و سمر غريبين اشكالهم واحد منهم تهاوش مع سواق المترو وقف قدام المترو و طلع سكين مدري وش يقول بس حسيته يطلب من السواق ينزل له😂
لا تستحق الزياره