يوم السفر .. ومقابلتي مع موظف الهجرة الامريكية ..



بعد ما جهزت الشنطة شديت الرحال الى مطار الدمام , من الحماس وصلت قبل الرحلة ب 3 ساعات تقريبا وكان كاونتر الاتحاد توه فاتح .. اتوقع من سوء الحظ كنت من الناس الي انختم على البوردنج باحرف SSSS



لما شفتها جاني شك اني شايفها من قبل وقرات عنها بس كنت ناسي كليا اش معناها . وطنشت ,, ورح اقولكم سالفتها بالرد الجاي

--------

تم الاقلاع بحمدلله من مطار الدمام باتجاه مطار ابوظبي الدولي

وهنا صورة توضح مدينة الخبر وجسر البحرين وبداية دولة البحرين الحبيبة



تم الوصول الى مطار ابوظبي وكانت مدة الترانزيت 9 ساعات .. كان في مدة اقل وهي 4 ساعات بس بما اني ما اعرف اجراءات الصالة الامريكية وتوقعت اني ممكن ادخل اي وقت قلت خليها الترانزيت مدة اطول عشان يكون عندي وقت ادخل واخلص براحتي .. وللاسف قالولي ان ما تدخلها الا قبل الاقلاع بساعتين

والي زاد الطين بله ان رحلة شيكاغو تاخرت ساعتين فبالتالي كان مجموع ساعات الانتظار 11 ساعة .. ( هذه عقوبة الي ما يقرا التقارير بالمنتدى )

وبما ان فكرة النوم كانت مستحيلة بالمطار بسبب الزحمة والازعاج سواء بصالات اللونج او خارجها فكان الحل اقتل الوقت بالقراءة .. وهي الرواية كانت حل ممتاز .. مشوقة جدا !



-------

الحمدلله عدى الوقت بسرعة وقبل الاقلاع ب ساعتين ونص توكلت على الله ونوجهت لصالة التخليص الجمركي الامريكية ..
وكان التوتر عندي واصل مراحل قياسية ,,




بداية كان في كاونتر لموظفين المطار للتاكد من الفيزا والبوردنج .. وكان في عدد بسيط من المسافرين .. صفيت بالدور معهم ,, سبحان الله كلهم عدوا وكملوا الى التفتيش انا قالي روح يمين

بعدها في موظفة اخدت الجواز وشافت البوردنج وراحت عند جهاز تشيك الجواز .. اتوقع للتاكد انه مو مزور ..

بعدها قالتلي اروح عند مسار معين للتفتيش .. وكان الي يفتش موظفين المطار الاماراتيين..

انا معي شنطة ظهر بس .. حطها بالجهاز وفتشني تفتيش شخصي واخذ مسحة حطها بجهاز بعدين قال المويه الي بالعلبة عندك لازم ترميها ...

طيب يا اخي المؤمن حرام نهدر النعمة .. يقول اشربها ولا ارميها وبامكانك تشتري مي من الداخل .. قلت الشكوى لله وكملت ..

وصلت بعدها لصالة كبيرة فيها الاعلام الامريكية وضباط امريكان وصف كامل من المسافرين من الجالية الهندية وبعض الامريكان .. ما انتظرت اكثر من ربع ساعة .. واللي لاحظته انهم بس يسويون سكان للجواز ويقولهم مع السلامة .. الى ان جاء دوري

شاف الجواز ولاحظت عليه علامات الاستغراب .. قلي شعندك رايح ؟

قلت : سياحة
قال : وين ؟
قلت شيكاغو ونيويورك ..

بعدها طلب مني اوقف جنب الكاميرا للتصوير وبعدين اخذ الجواز وقال امشي معي ..