اليوم الثالث
الاحد 22 / 1 / 2023




قعدنا وتجهزنا لصلاة الفجر وطلعنا





من الساحة بين فندق الهيلتون وفندق التقوى اعتقد





نمشي ورا الحريم نبي ندخل الحرم نصلي












شايفين الشراحة ماشاءالله



طبعا مافي مجال من الزحمة ندخل داخل واقفين على البيبان يقولون لنا روحو يمين وما لنا الا نصلي بره











صلينا تحية المسجد والسنة وصلينا ورجعنا الفندق قلنا نتريق ونروح نريح

الريوق نزلنا والا بندخل قال لنا كم رقم الغرفه عطيناه الرقم قال تعالو الى الصاله الثانيه




الصاله العاديه اعتقد كانت اكل اسيوي لان وايد اسيوين يدخلونهم هناك






وهذا بوفيهنا




























































ورجعنا الغرف نريح شوي





غرف على اليمين





وغرفنا على اليسار فيها نفس الجلسات عند اصنصيرات الخدمة

غرفتنا قبل الاخيرة




والساعه 9 تجهزنا وطلعنا بنروح نشوف حجز الروضة الشريفه ونجرب ندخل



انا وغنومه نزلنا وننطر البنات
قمنا نصور هني عند اللوبي






مجسمات موجوده باللوبي
































المطل من الكافيه على ساحة المسجد النبوي
















ورحنا اقرب بوابه رقم 20 نسألهم





وكل بوابه يقولون روحو البوابه الثانيه








لحد مارحنا للباب رقم 37 وهناك ما دخلونا وقالو ان الحين للقروبات وما في للافراد وماشاءالله زحمة وتعب مشي وما اخذت كرسي هالمرة

ورجعنا انا ودانه بتكسي طبعا لف فينا
لفة عدله





والبنات قالو بنروح نشوف البوابات يمكن يعطونا حجز

رجعنا الفندق بعد ساعه تعب وكانت دانه مو متريقة واخذت من كافيه الفندق




انا طلبت شاي وكيكة



دانه طلبت فطيرة وقهوة















والبنات ماخذين من دانكن دونتس






هني كنت انطر عامل بالفندق طلبت منه كرسي وطلع لي كرسي جديد قال خليه معاج لحد ما تخلصون


وريحنا بالفندق وعقب نزلنا نصلي صلاة الظهر




وبعد ما قدرنا ندخل داخل المسجد
















والحمدلله صلينا ورجعنا والبنات ماقصرو كل شوي وحده تدز الكرسي

وما مدانا نروح الاسواق هني ماشاءالله زحمة وتعب المهم عقب ساعه تقريبا رحنا نتغدى قالو يمدحون مطعم زيتون




خلال هالقعده بالفندق البنات حصلو وحدة بغوغل تحجز تصاريخ للصلاة في الروضة الشريفه

وحصلت لنا





ورحنا المطعم كبير في مجمع عند الهيلتون
المطعم مزحوم بس فيه اماكن


البنات شافو الشكل الخارجي حاولو ينحاشون قالهم ابوهم تعالو في اماكن داخل ودخلنا







هني ننطر بوحسين يشوف لنا مكان







شوفو الزحمة





طلب لنا ابوحسين عيش ودياي




الصحون تقريبا ظلت مثل ما اهي اكلنا بس عيش والدياي حاط لنا صدور وكانت عردة وهذا انا خلصت جذيه ما عجبنا الاكل لو طالبين منهم فطاير وبيتزا اعتقد افضل




محلات عند المول الصغير















فيديو

https://youtube.com/shorts/NAFx_b8mZVo?feature=share



يتبع