اليوم الثالث
الاحد 26 / 2 / 2023




اليوم ذكرى يوم التحرير ال 32




ربي يحفظ ديرتي من كل شر

تجهزت وسكرت جناطنا انا وبوحسين

ونزلت الريوق
صورت لكم تكملة البوفيه






































احب الفاصوليا الحمراء

الكباتشينو اليوم ما ضبطه الجرسون











في قسم للأطفال في البوفيه




بعد الريوق البنات حاجزين سبا في الفندق خليناهم
ورحنا انا وابوحسين المحرق علشان نشتري
الحلوى والبهارات وماي اللقاح وغيرها صوايغ للاخوان والخوات







الجو حلوو









































هذا الجسر يدخلنا سيدا لسوق الحلوى



























ولازم ندور موقف بس الحمدلله لقينا عند المحل اللي نبيه
اغلب الزباين كويتين طبعا







واعلام الكويت منوره المكان
وتلوموني بحب البحرين واهلها الطيبين








بس نزلت وتشريت وحملو لي الكراتين الدفع بالابل باي ريحنا وايد
ماصورت بالمحلات لان العوايل متواجدين بكثره
وهني طلعنا
ونرجع الفندق




















ترسنا بنزين وعجبتني الحركة




واعلام الفورميلا















































حلوو شعار البحرين





والفندق قعدنا باللوبي ننطر البنات اللي نزلو ويابو جناطنا معاهم وخلاص نسوي تشيك اوت
صور من البنات




















ونودع فندقنا الجميل المريح









يتبع

ونتابع معاكم..



والى مودا مول على طلب البنات















حلوو وهادي





































دخلت الحواج شريت بخور معمول وعطور رجاليه حق العيال

وخلتني وراحت تجيب العطر من محل ثاني وانا انطرها بروحي بالمحل






وطلعت ادور بناتي صوب الماركات اعرفهم وبوحسين بعدين شفته عقب ما دور موقف للسيارة







































شفت البنات ورحت معاهم ويشوفون هالكافيه

اهداء حق امون
















تمشينا شوي انا وابو حسين





محلات العطور اغلبهم مسوين خصم 50٪ حق الكويتين












وعلى وقت الاذان
رحنا المصلى























وطلعنا عقب الجوله الهاديه بمودا مول


يتبع ..

والى مشوار الغدا ...



كنا حاجزين مطعم فيلا ماماز من قبل السفرة

والطريج
















المطعم في منطقة سار







المنطقة هاديه بعد





وصلنا مجمع المطاعم











وهذه فيلا ماماز






حديقتهم حلوه
بنفس الوقت وصلو ربعنا وحجزهم كان الساعه 1 الظهر واحنا الساعه 1،30 بلغناهم ان احنا مع بعض دخلونا مع بعض































الترتيب والاجواء عائليه



















عندها منتجات للبيع مثل المعبوج الاحمر والاخضر وآجار المنجا لذييذ

























































الزين تسلم عليكم



وصل طبقي اللذيذ طبعا طبقين انا وبناتي نفس الطلب







طلبنا عصير باشن فروت لي ولام احمد












وطلب ام الزين منسف



وحماده والزين طلبهم عيش مشخول وشيكن نجتس





بوحسين طلب مطبق سمج ماصورته


وطلعنا من نفس طريجنا







وطلعنا احنا سيدا لجسر الملك فهد
وربعنا رجعوا بيروحون المحرق ودعناهم الله وطلعنا


























































سكرت التلفون باوامر عليا من البابا

بس كنت دايخه ابي شاي

وصلنا استراحة اخذنا شاي









ووصلنا ديرتنا بالسلامة وشفنا دانه مو مقصره مستقبلتنا










الطريج كان مطر ساعات قوي وساعات خفيف بس وصارت ظلمه نص الطريج






وحمادة بالهنغري بني الخفجي يتعشون ووصلو ورانا بساعتين



وسلامتكم انتهت سفرتنا الجميله السريعه الممتعه
والى تقرير جديد باذن الله بس يبيله سفرة قولو ان شاءالله

قواج الله ام حسين تقرير حلو ومميز عن البحرين الحبيبه
فيلا ماماز وايد غيرت من مطعمها
عليكم بالعافيه

شكرا على الاهداء
وعلى صورة الفلات وايت وانا صايمة
ان شاءالله اليوم عقب الصلاة اروح اشرب فلات وايت