13-05-2023, 10:19 AM
|
#7 |
مشرف العرب المسافرون
تاريخ التسجيل : Feb 2015 رقم العضوية : 2145 الدولة : الكويت الجنس : ذكر المشاركات : 1,642
| أوسـمـة: Prince Kytu |
كل الاوسمة:1 (more»)
| | 
9- جبل فوجي خطوه بخطوه الوصول اليه والعودة منه بسلام وامان بناء على مخطط الرحله المقترح من قبلكم؟
هذا الموضوع حاط بالتفصيل عن طريق الوصول إلى فوجي والاختيارات المقترحة (هنا)
10- خدمة نقل الشنط من فندق الى فندق ...كيف الطريقة؟
سهلة جداً .. تروح حق موظفي الفندق ومعاك الشنط تقولهم أبي ارسل الشنطة إلى المنطقة كذا بتاريخ كذا
راح يعطيك ورقة تعبي فيها بياناتك واسم الفندق ورقمه وعنوانه (طبعا هذي المعلومات إما من قوقل ماب أو عن طريق حجزك)
بس للعلم الشنط توصل ثاني يوم مو بنفس اليوم
وتقدر مثلا انت بوسط السفرة وفي شنطه ما تبيها إلا بآخر فندق تقدر ترسلها لهم وتستلمها لما تروح الفندق
(مثلا خط الرحلة: طوكيو - ناغويا - كيوتو - أوساكا - طوكيو)
تقدر ترسل الشنط من ناغويا إلى طوكيو
تقريباً على كل شنطة ياخذون 2000 ين
11- الانترنت هناك من يقول الطلب عن طريق النت والتوصيل في الفندق
وهناك من يقول اخذ الانترنت من المطار بشكل مباشر...
ما هو الأفضل وماهي الشركة الأفضل التي تخدمني طول فتره المكوث في اليابان؟
أنا دايما آخذ واي فاي غير محدود وأريح نفسي واحط عنوان الفندق
جربت شركتين
الأولى: globaladvancedcomm (هنا)
الثانية: pocket-wifi-japan (هنا)
وتقدر تاخذ شريحة من المطار
طريقة تسليم الواي فاي سهلة
تحط كل الأغراض بالظرف إلي ارسلوه لك مع الواي فاي وتصكره وتحطه بأي صندوق بريد بالشارع أو المطار
12- هل يوجد منتجع استرخاء مثل منتجعات (لينكاوي / المالديف)؟
13- هل توجد (ينابيع حاره) ممكن استخدامها بشكل خاص ...؟
أكيد في ويسمونها ريوكان وهي فنادق على الطراز الياباني وفيها مستويات مختلفة بعضها يكون فيها ينابيع حارة خاصة وبعضها فقط عامة
لازم تتأكد من الفندق لما بتحجز وتسألهم إذا عندهم Private Onsen
14- المطاعم...؟
المطاعم عندك ثلاث طرق
الأولى عن طريق تطبيق Halal Gourmet Japan
الثانية عن طريق قوقل ماب حسب المنطقة إلي تكون فيها مثلا تكتب Halal Osaka راح يطلع لك نتيجة 90% صحيحة لقائمة مطاعم مع أوقاتهم ومن أسمائهم راح تعرف الحلال منهم لأن مرات قوقل ماب يبوش
المطاعم الحلال الهندية والتركية موجودة بكثرة خصوصاً في طوكيو وأوساكا
الثالثة انك تبحث بالمطاعم اليابانية في الشارع عن المأكولات الخالية من المحرمات أهم شي وخر عن المطاعم الصينية لأنها تعتمد بشكل أساسي على الكحول وابتعد عن الرامن لأن يعتمد على الخنزير (إلا إذا كان فرع حلال أو للنباتيين)
غالباً السوشي والأودون يكونون خاليين من المأكولات المحرمة
15- التسوق يكون اخر 6 أيام في الرحلة
أحيانا تضطر تشتري في نص الرحلة لأماكن ما راح تمر عليها مرة ثانية
ولكن قدر الإمكان تخلي مشترياتك بنهاية الرحلة خصوصا في طوكيو
وإذا اشتريت بوسط الرحلة تقدر تشحن أغراضك لديرتك عن طريق البريد
|
|  |
33الاعجاب
تقريري 
العرض الشجري
المواضيع المتشابهه 
