الى الشمال التركي بحول الله وحفظه

ابو عبدالله7 · 11-06-2023, 02:10 PM

اقتباس : المشاركة الأصلية كتبت بواسطة نـــواف

حياك الله ابو عبدالله

كل اللي سبقوني ما قصروا
عطوك مشاركات مميزة

وأنا بحاول أكتب اللي أقدر عليه

مبدئياً طالما حركتكم بباص كبير
فحاول تنسى فكرة التعديل على الجدول
الجدول محسوم ويصعب التعديل
وهذا سبب سؤالي بالمشاركة السابقة
وشخصياً أراه مناسب وخصوصاً إضافة اوردو

المودم والشريحة والبوربنك مدمج
يعني قطعة واحدة تشمل الكل
يضعونه لك في استقبال أول فندق

مؤخراً صار فيه تسليم بالرياض وجدة
ياليت تتأكد إذا الدمام مضافة معاهم
تواصل مع حسابهم بتويتر بالعربي

ماعندهم موقع غير التويتر ؟

لان ماعندي !

يجب أن نشيد باختيارات الفنادق
راديسون بلو في اوردو يعتبر الأفخم
وكذلك في طرابزون شفت الإطلالة مميزة

الرحلات مع قروب جميلة جداً
ويمكن تمتد العلاقة لما بعد الرحلة
ولكن الحذر من عدم الانضباطية بالوقت
لو واحد من القروب غير منضبط يخرب البرنامج
لذلك ياليت تنبهوا بعض لضرورة الالتزام بالوقت

كلامك صحيح وهذا اللي انا اخاف منه
يمكن يطلع انا او فرد من عائلتي الغير
منضبطين قول ان شاء الله يكونون اصحاب
الرحلات مرنين ومتعاونين معنا !

اليوم الحُرْ لا تستأجر سيارة ما تسوى
اتفق مع سواق يوم كامل وانطلق معاه

ارشح لك في اليوم الحُرْ أحد خيارين
هامسكوي مع واحد أو اثنين من أماكن هذا الرابط

https://www.arabtrvl.com/vb/t52904.html

أو مغارة شال وواحد أو اثنين من اماكن الرابط السابق

إذا قررت على أي بديل
ممكن نفيدك وش الاماكن المتقاربة

طالما فيه رحلة من اوردو للدمام جيد
لان العودة لطرابزون يوم إضافي

مهم جداً يكون معكم جاكيت للمرتفعات

ما ذكره اخونا بن قوت مهم
صعب تغطي كل مكان برحلة أولى
هذه المرة استمتع مع القروب
ولو قررت ترجع فلكل حدث حديث

على حظكم زيارة اوزنجول وايدر خارج الويكند
ما اقول بتكون فاضية ولكن أقل زحمة قليلاً

نقطة مهمة جداً جداً في التنقلات
كل ايامكم فيها رحلات طويلة

طرابزون - اوزنجول
طرابزون - ايدر
طرابزون - اوردو
اوردو - بارشمبا

لذلك استمتعوا بالطريق وباليوم
واعتبروا يومكم السياحي بدأ من ركوب الباص
بمعنى آخر لا تشغلوا انفسكم بمتى نوصل
ولكن اتفقوا مع السواق على وقفات بسيطة
مثلاً وقفة واحدة بالمشوار لمدة 5 أو 10 دقائق

نصائح جميل من خبير أجمل

إذا فيه مجال جهز عدة القهوة معكم
كل يوم قبل تطلعوا جهزوا قهوتكم وفرشة جلوس
لأن معظم التمشيات فيها جلسة لعدة ساعات
وبالنسبة للحلى والسناكات وموجودة بكل بقالة

فكره حلوه لكن الفرشة من وين اشتريها
وصعبه نشحنها معنا

الحقيقة ودي أفيدك أكثر بتفاصيل حلوة
لكن الأفضل نخليها بوقتها مع كل يوم سياحي
بس ياليت تستمر معنا في هذه الصفحة لا تتركها

عندي تقارير لبعض الأماكن اللي بتروح لها
بس ما ودي نحرق عليك التفاصيل من الآن
ودي تروح وتستمتع بمشاهدتها بدون صور مسبقة

متابعين معك أي تحديثات

ابيض وجه يا اخينا " نواف "

عبدالرحمن الصلالمعجبون بهذا.

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
سفر بمشيئة الله في إلى الشمال التركي	المكسب	بوابة تركيا	1	03-07-2022 05:56 PM
تم و بحمد الله الحجز إلى الشمال التركي	ABUGHZL	بوابة تركيا	29	11-09-2018 08:58 PM
الشمال التركي أرجو التكرم بتوجيهي جزاك الله خير	ghani	تركيا	22	23-04-2018 11:57 PM
اول مره اسافر ل تركيا (الشمال التركي) ، ومحتاج مساعدتكم بعد الله سبحانه ..	ALMSAFER	تركيا	12	20-03-2017 04:02 PM
شوركم وهداية الله !!! الشمال التركي .. !! انا وزوجتي ورضيعة	Abdullah	تركيا	9	17-04-2016 08:18 AM