رِحلَة عُيون الجوَاء - يُوليُو 2023

Boarding Pass · 11-08-2023, 03:09 AM

أهلاً و سهلاً

بما إنه هالإجازة ماكو سفرة للخارج ، عشان تسجيل أختي للجامعة ، قررنا نروح كم يوم نسترخي و نتبرد في عيون الجواء بالقصيم ؛ منها تكون قريبة للرياض في حال حددوا الجامعة لأختي وقت المقابلة و الاختبار للقسم اللي تبيه ، و منها نخطط للسفرة الجاية إن شاء الله على روقان .

على طاري السفرة ، وين متوقعين الوجهات بتكون !؟
اللي يجيبها صح ، له ترقية بالمنتدى

و يالله بسم الله نبدأ على السريع درس جغرافي ، تاريخي بسيط عن العيون

عُيـــون الجِـوَاء
محافظة تقع في الشمال الغربي من منطقة القصيم في المملكة العربية السعودية ، وعلى بعد ما يقارب ثلاثين كيلو متراً عن مدينة بريدة .. وتعتبر المحافظة قديمة الاستيطان ، فقد استوطنتها قبيلة عبس والذي منهم الفارس والشاعر عنترة بن شداد ، ودارت فيها معركة داحس والغبراء بين قبيلتي ذبيان وعبس ، وبها عدة نقوش ثمودية .
تمتاز المحافظة بموقعها الاستراتيجي بين حائل والقصيم ولهجة أهلها مميزة عن غيرهم من سكان محافظات القصيم ، والذين يعرفون بأنهم كانوا من العقيلات المشهورين بالتجارة ، وقد ضرب فيهم الأمثال لأمانتهم .
عرفت عيون الجواء قديما باسم “عيون ابن عامر” نسبة إلى ابن عامر الذي عمرها وسكنها ، وتسمية عيون جاءت من عيون الماء وينابيعها المتفجرة منذ العصر الجاهلي وبعد مجيء الإسلام .

حصلت محافظة عيون الجواء على جوائز عدّة منها :
• جائزة القيمة الثقافية للشاعر عنترة بن شداد .
• جائزة التميز البلدي لعام 2020 .
• جائزة أفضل مشروع تطويري في المملكة لعام 2021 .

و نبدأ رحلتنا السريعة

الوجهة :
عيون الجواء ( القصيم ) .

متطلبات الدخول :
كان لها فيزا خاصة ، بس خلاص نزل قرار الإعفاء من فترة . " نمزح "

المسافرين :
4 قوارير فقط .

السكن :
خاص .. الفنادق و الشقق في العيون محدودة و قد تكون غير متاحة ! أغلب اللي يزورون العيون يسكنون في بريدة بما إن بينهم نصف ساعة فقط ! أو يسكنون عند أهلهم .

بالإضافة العيون ما تبي منك غير يوم لزيارتها و تتفرج عليها كلّها ! بس ودّي أحط الأماكن اللي فيها أحسها انتريستنق يعني !

21 يوليو ( سبحان الله يالفرق بين تقرير يوليو العام و تقرير يوليو هالسنة ) :
مسكت بنا أمي الخط للقصيم الصباح ، كان الاتفاق قبل المغرب بس مدري وش صار ! المهم مرينا قبلها ستاربكس نآخذ شيء يبرد علينا شوي .

في المجمعة قرروا خواتي يآخذون من كنتاكي .

وصلنا بريدة و كنا جوعانيـــن !
و وقع الإختيار على مطعم فيه خيارات مناسبة للجميع ، اسمه LOFT ، جزء منه مطعم ، و الجزء الثاني قهوة مختصة. و الله العالم إنه مطعم يَاينا من الكويت أو صاحبة كويتي

و حركنا بعدها للعيون .

حي هالشّوف

قبل نوصل للبيت قلت لأمي نمر على الجامع عشان أصور لكم سوق الجمعة ، وحاولت أصور سوق الجمعة ، بس اللي طلع معي كأنه مكان تهريب عمالة ! كنسلت ، هالفقرة تحتاج رجّال يطب بينهم

وصلنا للبيت ، و قررنا ما نطلع مكان ، نتقهوى في البيت و نتفرج على العيون من السطح ، و اليوم الثاني نطلع و نصوّر لكم المزارات السياحية في العيون .

22 يوليو :
صخرة عنتر بن شداد
المرقب

هذا اليوم كان توتر ، كان يوم إعلان المرشحات للكليات التي تتطلب مقابلات شخصية واختبار، و طلعت النتيجة بعد انتظار طويل ، الحمدلله أختي انقبلت بالقسم اللي تبيه و حددوا لها وقت المقابلة و الاختبار ، بعد ما ارتحنا من التوتر اللي صار قررنا نحرك رجولنا شوي و نمشي رجليّة لمقهى قريب من البيت و مفتوح جديد اسمه bour bon ، و بعدها نروح لمشاورينا .

المقهى مررررررررة شرح ، و حلو ، و قهوتهم لذيذة ، لدرجة إني قيمتهم على طول في قوقل ماب ، و الأسعار نفس الرياض تقريباً ، بس الفيـو شيء مو طبيعي أبداً ، يطل على جامع الملك فهد رحمه الله .

بعد ما خلصنا ، كلمنا أمي عشان تجي و نروح لصخرة عنتر الموجودة في غاف الجواء ( 5 دقائق بالسيارة ).

الله يرزقني عدد ما رحت لهالصخرة ، رحلت لها كثيييير ، أكثر من عنتر و عبلة نفسهم ! كل ما جاء أحد من الأهل أو الأصدقاء ، نوديهم لها ، بس عاد هالمرة رحت عشانكم !

صخرة عنترة بن شداد وَ مربط الفرس

يَا دَارَ عَبْلةَ بِالجَواءِ تَكَلَّمِي
وَعِمِّي صَبَاحاً دَارَ عبْلةَ واسلَمِي
فَوَقَّفْتُ فيها نَاقَتي وكَأنَّهَا
فَدَنٌ لأَقْضي حَاجَةَ المُتَلَوِّمِ
وتَحُلُّ عَبلَةُ بِالجَوَاءِ وأَهْلُنَا
بالحَزنِ فَالصَّمَانِ فَالمُتَثَلَّمِ

حصاة النصلة أو حصاة عنترة هي صخرة حمراء اللون تقع في منطقة القصيم وسط المملكة العربية السعودية. تُعد حصاة النصلة إحدى الشواهد التي تُشير إلى تاريخ عنترة بن شداد وابنة عمه عبلة، والتي دارت فصولها بين صخرتين ، عرفا بعد ذلك بصخرة عنتر. و هي كتلة صخرية كبيرة ذات شكل مخروطي، تشكلت به بسبب العوامل الجوية والرياح. وتحتوي واجهتها على مجموعة من النقوش الثمودية والرسوم الصخرية لأشكال حيوانية متنوعة .

نبدأ بصخرة عنتر

طبعاً سيّجوها عشان المُخربّين ما يبربسون فيها

و هذا لا قالولك مربط الفرس

خايفين عليها لا تهج

و طبعاً الدخول مجاناً

بعد ما خلصنا ، رحنا توجهنا للمرقب الموجود في العيون ، و الطريق كان لطيف ، ما بين مزارع و حدائق ، و وقفت أصور هنا ، أمانة مو كأنها سويسرا بس يابسة و باهتة شوي

خفت أدخل زيادة و تطلع لي حشرات

و وصلنا المرقب

المَـرقَب

هو بناء أثري يعود للقرن الثالث عشر الهجري، ويعتبر من أهم المعالم التاريخية في المحافظة. كان المرقب يستخدم للدفاع والإنذار في حالة وقوع هجمات أو غارات على البلدة ، يتميز المرقب بتصميمه المعماري الفريد وارتفاعه البالغ 15 متراً .

و الجو كان تُحفَة

كثير فيه عائلات يجلسون فوق ، يعاملونه معاملة حديقة .
و طبعاً الدخول مجاناً

بعد ما خلصنا توجهنا لمقهى جديد ، اسمه Oia ، أبد تقل بسانتوريني !

هبّة العصافير بمقاهي السعودية ما حبيتها

أخذنا منهم قهوة و حلى ، حلوة قهوتهم و حلاهم بعد !

عندهم ألعاب للي وده يلعب ، حتى الكيرم فيه !

و بعد ما خلصنا رحنا نجيب لنا عشاء و نكمل جلستنا في البيت ، مرينا محل اسمه مناقيش جيان ، نعمة الحمدلله .

نريّح و نكمّل بكرة إن شاء الله

q8ya metnaqla, توبليرون, travellercom و 5 آخرون معجبون بهذا.

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
رِحلَة كُوريَا الجَنوبيَّة - ( سِيئُول + جيجُو ) - يُوليُو 2022	Boarding Pass	بوابة كوريا الجنوبية	71	20-05-2025 06:26 AM
كتكاته في دبي 2023	كتكاته	بوابة الامارات	20	17-04-2025 03:10 PM
رِحلَة لَندَن - مَارِس 2023	Boarding Pass	بوابة بريطانيا	68	27-07-2023 03:47 PM
جولاي 2023	Reham2013	بوابة سويسرا	7	18-05-2023 06:02 PM
اوربا في صيف 2023	Rema	بوابة سويسرا	3	23-01-2023 01:41 PM