جنيف
اليوم السابع
الأثنين 21 / 8 / 2023





اليوم السابع
نسيت اقول لكم عن غرفة الكوي بالفندق
طلبت من الريسبشن من اول يوم قالو مافي خدمة غرف وفي غرفه بالدور السادس
راح بوحسين كم مره يكوي تي شيرته وبعض المرات نعطي البنات يكوون لنا بالبخار عندهم

بس رحت انا يوم وهذا تصوير البنات للغرفه اول يومين فيديو



https://youtube.com/shorts/nyhh2O3YQX0?feature=shared

غرفه عند الاصنصير والكهرباء تشتغل بالكرت مال الغرفه


المهم بعد الصباح ورحت اضرب ملابسنا اوتي اليوم

نزلت والا ابوحسين يروح يتريق بالكافيهات اللي يمنا




يصور لي





وانا رحت بالترام حق بريت اليوم بروحي رحت


ابي الكرواسونه اللي احبها قال بعد نص ساعه
قلت حق اللي يشتغل انا بقعد داخل اذا وصلت كرواسونتي تعال قول لي

قعدت اشرب قهوتي واكلت هالحلو




بعد ما شربت قهوتي واكلت الحلو خلاص ما اقدر اكل الحين
لازم نص ساعه على الاقل
وقال لي وصلت الكرواسونه واخذت اثنين وطلعت اتمشى بجمعية المحطة


بطل الماي في بريت ب 5 فرنك وبالجمعيه نص فرنك فرق بالسعر


المهم تمشيت بجمعيتهم الصغيره تهبل كل شي فيها واللي ياخذ شقه ويحب يطبخ كل شي موجود












غرامي المعجنات والكرواسونات الفريش
















الربيان بصوصات مختلفه









وفي وجبات جاهزه






اخذت ماي وعصير برتقال فريش انا اعصره وككاو وطلعت اركب الترام ويرجعني جبال الفندق





















الحين اتريق عدل








شايفين الكريم الازرق هذا اخر حبه عندي ودورته في محلهم بجنيف كله مخلص

المهم تريقت وريحت وضبطت جناطنا انا وابوحسين
وانطر دانه اللي راحت موعد الصالون بالمول البعيد قالت تعالي معاي قلت لا روحي بروحج





وعقب البنات راحو يتغدون


هذا مطعمهم اللي متغدين فيه









ورايحين ستاربكس طبعا قبل لا نقاطعه الحين مقاطعه اهو وماك بس شسوي مصورتهم ولازم احطهم بالتقرير فاعذرونا









يت دانه ورحنا معاها انا وابوها ماك نتغدى
كان في

Paquis-Temple

وهذه طلباتنا




عندهم اشياء مو عندنا




وعقب الغدا تمشينا بمحل الالعاب وايد غاليه

وشفنا هالبطات صورت بس البطه هذه اسال البنات ان كانو شارينها حق حمد قالو اي





احنا خذينا لنا اشكال ثانيه وطلعنا

وقلت لهم ابي اروح مكان بخاطري اشوفه

ورحنا جهة التكاسي بالمحطة

يتبع

نشوف طلعتنا



راويت راعي التكسي اسم المكان وهو لمطل على البحيرة
قال اي اعرفه بس الحين مسكر ومافيه شي بس اوديكم مطل قريب


قلنا يلا وهذا طريجنا















مرسى القوارب













وهني مكان السباحة












وصعدنا بين البيوت خوش مكان








وصلنا مكان قريب وقال اذا تبون بعد نصعد فوق نروح
لوحة بالمطل واسماء الأماكن

المكان
Cologny






هذه شجرة تفاح








والبحيرة جدامنا

























النافورة من بعيد



مسكر مادري كافيه او مطعم



المكان ما فيه الا احنا وواحد يه بسيكل صور وراح











الورد للورد















وهذا الورد خاص حق ابرار
تستاهل لمتابعتها المستمرة




اكتفينا بهالمكان ورجعنا قلنا له يقطنا على البحيره جهة الفنادق


























والمبنى التاريخي








نصب برونزويك Brunswick Monument هو ضريح ونصب تذكاري تاريخي لتشارلز الثاني دوق برونزويك، وهو دوق ألماني ولد في عام 1804 وتوفي في جنيف عام 1873، ووصي بترك ثروته إلي مدينة جنيف مقابل جنازة جميلة ونصب تذكاري باسمه، تم بناء النصب في عام 1879 وهو نسخة طبق الأصل من مقبرة ديلا سكالا في فيرونا.

يتبع

ونكمل يومنا




نزلنا هني

Mont-Blanc
















وقعدنا بهالكافيه



وقلنا حق البنات ايونا هني




















نشوف قوس المطر















ووصل بريدي ابي اكبر شي













وهذا دانه شرته












وهاللطيف ياي يتبرد بالظل






















المنطاد





موجودة خيمة يمكن في حفلة بس مو مكتوب شي


































صورنا بالبرواز







وبس رجعنا مشي مرورا بالفنادق لحد محطة باص قريبه من محطة باصات الرحلات الخارجيه





سيارة فيراري ذهبية كويتيه



كله سيارات كشخه












وبالليل راحو البنات يتعشون ودانه راحت مطعم هولي كاو تعشت ويمه كنتاكي قلت لها اتييب لي عشا واهم شي الذرة





والحمدلله خلصنا يومنا باستمتاع
والى يوم جديد

فيديوات اليوم

https://youtu.be/lQqsqXgZWFY?feature=shared



https://youtu.be/lQqsqXgZWFY?feature=shared



https://youtu.be/7-1YHP8m4YU?feature=shared




https://youtu.be/7-1YHP8m4YU?feature=shared


https://youtu.be/JL6vfmvBX64?feature=shared

فطيرة بريت تستاهل الانتظار
المطل جميل بس ما فيه أحد
والمشي على البحيرة متعة
أشوفه من أجمل الأماكن في جنيف

يوم ممتع

جنيف
اليوم الثامن
الثلاثاء 22 / 8 / 2023






اليوم الأخير لنا في جنيف

هاليوم ريحنا للساعه 10
تريقت بكرواسونة بريت وشاي من الغرفة
ونزلنا سوينا التشيك اوت على الغرف

وبعدها خلينا الجناط بالمخزن

انا قلت لهم بقعد اريح باللوبي وعلى الساعه 12 طلبت

شاي ودانه اخذت كباتشينو























اللوبي كبير وريحنا عدل فيه





البنات يطلعون ويردون علي ويابو لنا فواكه





وبعد ما صلينا الظهر والعصر توضينا تكرمون بحمامات اللوبي النظيفه اول مره ادخلهم


معتنين بالنظافه وحتى حق البيبيات حاطين لهم فرش وفوط











طلعنا نتغدى طبعا اختيارنا للشبعه المطعم التركي انا ودانه

































ورجعنا تجمعنا كلنا باللوبي بالركن البعيد الهادي




وبعدها على الساعه 3ونص العصر رحنا المطار

يتبع

ووصلنا المطار




البنات اسبقونا مع نص الجناط واحنا وراهم قالو تعالو فوق لان بوابتنا بعد ما افتحت

وهذا اول ما دخلنا مطار جنيف

Geneva Airport-Terminal 1




وصعدنا فوق جهة المطاعم



هذا كان مدخلنا




لقينا طاوله وقعدنا







مكان للكافيهات ومحلات الهدايا










الطقس كان





جناطنا سادين الطريج
مع انهم خمسة كبار وخمسة كابين




حجزنا للطيران




التذكرة من جنيف الى نيس 20 دينار كويتي للشخص
وبعدين رحنا مكانا وهو چنه مطار بروحه
ودخلنا جناطنا وقال لنا تبون ادخل الصغار بعد في مجال قلنا يلا احسن بعد
بس خلو البنات اللي فيها اغراض التاكس فري

عقب راحو البنات يسوون التاكس فري واحنا دخلنا عند البوابه









وفي محل واحد للهدايا



















شريت حق اخوي موصيني على ككاكو بالبندق







تذكرتي
من جنيف الى نيس




قالت دانه خل نروح اللاونج ورحنا على بطاقتها الماسترد كارد واحنا ما صار بس دخلنا عليها انا وابوها






















الحمدلله على النعمة الأكل مو حلو خاصه السويت مو شي اهم شي الكباتشينو قعدنا الراس


وبعدين نزلنا ورحنا تحت

وصعدنا من سلم ثاني للبوابات وننطر طيارتنا










ووصلت طيارتنا السويسريه
الساعه 7 تقريبا





يتبع

ماشاء الله .. تقرير جميل

من خلال زيارة واحدة لجنيف وزيورخ .. أظن أن زيورخ أكثر جمال ورواق من جنيف ..

دام مريتوا آنسي وشامونية كان مريتوا مونترو بعد .. مدينة جملية ورائعة