جنيف
اليوم الخامس
السبت 19 / 8 / 2023




اليوم صحينا على الراحة تجهزنا وطلعنا انا وابوحسين
اول شي الريوق ببريت المحطة




كرواسونة الموزاريلا والطماط اللي احبها ما يسوونها الا الساعه 10




بعدين رجعنا الفندق







قعدنا باللوبي ننطر البنات








مثل ما قلت لكم اللوبي كبير وكله قعدات حلوه






















وهذا مطعم الفندق وله باب خارجي بعد





انزلو البنات وصعدنا الترام وبعده الباص ورايحين لمعلم سياحي

بالطريج شفت هالمبنى الخشبي









بحثت عنه طلع
ملجأ جماعي لطالبي اللجوء


وصلنا لمعلمنا الكرسي المكسور






بكل لغات العالم ولكن *لا حياة لمن تنادي *
وينهم عن المدنيين الفلسطينين وللعلم علمهم موجود حسبي الله ونعم الوكيل فيهم









هني مقر الامم المتحدة



يوو مجموعة هنود وحطوا اغراضهم تحت الكرسي

قلت لهم لو سمحتو بصور يعني اشلون

اشوه شالو اغراضهم والا كاميرات واستاندات كبيره






شوفو اغراضهم






كله متاحف المعالم الموجوده





نرجع نصور الكرسي
بعد ما شالو اغراضهم



















فنادق ومباني حديثة




















علم الكويت الحبيبه صدناه وبعده بعلم علم مسحناه لان ما يستاهل يكون مع الامم المتحده وحقوق الانسان








مبنى الامم المتحده عبارة عن قصر




ومتنا من الشمس حارة رجعنا موقف الباص





والجاليه الايرانيه مادري شعندهم بعد




وهذا باصنا يردنا محطة القطار ومنها بالترام للفندق سهاله وكله بالكود اللي عطونا اياه الفندق وطبعا محد سأل عنه





يتبع

نتابع معاكم




بعد ما رجعنا للفندق ريحنا عن الشمس والحر وعقبها طلعت انا ودانه بنروح مول فيه محل C&A



على الساعه 1.30 الظهر احنا عند محطة الباص رقم 10 تصير ورا محطة القطار

ومكانها تحت جسر الحمدلله

اسم المكان او الشارع

Les Grottes







وصلنا المول بعد نص ساعه تقريبا
في منطقة

Balexert




دشينا المول وشافت دانه صالون ودشت البنت وانا انطرها بره




















خلصت دانه سوالفها وحجزت لبعد يومين
ورحنا نتمشى بالمول والأهم C&A كبير وكل شي فيه واخذنا شغلات وايد حلوه وانا طولت ودانه راحت تتمشى بالمحلات الثانيه
شريت بس من C&A بسعر 135 دينار كويتي


خلصت من المحل وطلعت اتمشى واصور
لقيت معرض كتب









وهذا معرض قرطاسية







المول متوسط الحجم بس ماشاءالله محلات وايد وماركات عالميه معروفه وفيه زارا كبير
وتصميمه جميل








الكويتين متواجدين هني



عروض تسويقية تحت





يت دانه وقررنا نتغدى في ساحة المطاعم واخترنا نوردسي
تذكرت بميونخ ماكله منه







مطاعم وايد فيه

















طلبنا غدانا وهذا اهو





فيش اند شيبس



سعر وجباتنا طلع 38 فرنك يعني 14 دينار تقريبا




وهذا مطعم كشخة







وطلعنا بعد الغدا وهذا المول من بره واسمه والمحلات اللي فيه





















وركبنا باصنا وعندي مروحة حطيتها علينا





صور البنات كانو رايحين هالكافيه












ورايحين محل ككاو ما صورو الا هذا




وحتى تكرمون الجواتي صارت باللعبه





يتبع

واخر يومنا





رجعنا الفندق وريحت والبنات راحو يتعشون في انتركوت









يقولون وايد لذيذ اقوى من مال الكويت









وعلى الساعه 8 طلعنا نتعشى انا ودانه بمطعم تركي بوحسين متغدي فيه





وقعدنا بره الجو حلو ونشوف السيارات اللي تمر كل وحده احلى من الثانيه
وكانو يروحون ويردون چنه يستعرضون









وهذا اسم مطعمنا









ووصلت طلباتنا انا طلبت لحم بعجين




ورق العنب لذيذ





طلب دانه اسكندر كباب




















وشربنا شاي وبقلاوة
















طولنا بالقعده على الراحة وخلصنا الحمدلله

سعر العشا كان 60 فرنك سويسري تقريبا 22 دينار كويتي


واخر صورة لليوم من تصوير البنات نافورة جنيف مغاربيه







فيديوات هاليوم

https://youtube.com/shorts/bejY59rE4wg?feature=shared


https://youtube.com/shorts/pKlPohFpgPw?feature=shared




ونشوفكم باليوم التالي ووين رحنا

توني اعرف عن هالكرسي
هههههه زين سويتي فيهم يعني تشوفون الناس تصور ليش تخربون
المدنيين لا حياة لمن تنادي .. الله يكون في العون
شعاراتهم خرابيط بس من غير افعال
الله c&a عجيب عليكم بالعافيه
يوم حلو وحافل 👌🏽👌🏽
عوافي كل ما كليتوا وصرفتوا

أم حسين ماشاء الله عليك أماكن جديده أول مرة أشوفها


فكره الذهاب إلى شاموني يوم حلوه



كيف تم حجز الباص وهل الباص من شركة فلكس باص


والله يعطيك العافية