فيزا النمسا (الأكثر تشدد) طلبات جديدة

unlimited · 04-06-2024, 09:39 AM

اقتباس : المشاركة الأصلية كتبت بواسطة Falcon9

اجراءاتهم معقده ويدققون بكل شي.. تخيلو يدخلون على حجزك في Booking ويتاكدون انك ما الغيته 😂 وكشف الحساب لازم عليه الختم.. مع ان البنوك صارت تحط باركود ويعتبر اضمن واكثر مصداقيه من الختم لكن مصرين على هذي الخطوة!!

نصيحة للي يبي يطلع من عندهم فيزا .. هذي الاشياء ضرورية
- كشف الحساب اصل صادر من البنك وعليه ختم ومبلغ كافي للسفرة (مايقبلون كشف الحساب الي من مواقع البنوك).
- حجوزات لفنادق الرحلة .. ولاتلغي حجوزاتك لين تصدر الفيزا لانهم بيدخلون ويتاكدون انها غير ملغية من رمز التسجيل الموجود في تاكيد الحجز
- تعريف حديث من جهة عملك.. (عطيتهم تعريف تاريخه قبل شهر ونص ورفضوه)
- حجوزات مؤكدة للطيران .
اذا كانت رحلة العودة من دولة اخرى او الفنادق في دولة اخرى لازم تثبت لهم وسيلة التنقل مثلا تحجز سيارة من اي موقع تاجير سيارات وترفقه لهم.
- التامين الطبي، ارفقت لهم شهادة تأمين الطبي صادرة من شركة التامين الي متعاقدين معها عملي حاليا ومكتوب في الشهادة انه يشمل التغطيه خارج المملكة .. ورفضوه ليه ما ادري!! واضطريت اطلع تامين سفر خاص بالرحلة..

انا طلعت الشنغن سابقا من سويسرا .. كانت اسهل بكثير وخلال 4 ايام طلعت..لكن النمسا ماقد مر علي مثل هذا التعقيد وتاخير في الاجراءات..

عندي ملاحظة على موضوع كشف الحساب , اعتقد كلهم يطلبون كشف حساب مختوم وليس من موقع البنك
وكذلك وسيلة النقل سبق للسفارة الاسبانية رفضو يستلمون اوراقي لاني ماجبت حجز السيارة من مدريد لماربيا

سؤال اخير اخوي

وش نوع التامين اللي سويتة وهل سويتة بنفس المركز

لاني افكر اقدم تأمين فيزا المجاني بس ابي اتاكد ان فيه بلان بي لو رفضوة اسوي تأمين بالمركز وهل اسعار الشركات بالمركز نفس اسعارها برا

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
جورجيا تشدد الإجراءات الاحترازية ابتداء من 1 ديسمبر	alradadi	بوابة جورجيا و اذربيجان	1	01-12-2021 01:53 AM
عندي فيزا سابقة لكندا واحتاج فيزا سياحية جديدة	almusket	فيزا دول اخرى	2	18-04-2018 12:36 PM
إصدار فيزا شنغن من بلد الوصول او الأكثر إقامة ؟ تضارب جهتين حكومية	aBoMtRk	فيزا	9	24-07-2016 03:52 AM
طلبات فيزا امريكا اللاتينية 2015	آخـــرفـــرصـــة	فيزا دول اخرى	3	15-02-2016 02:23 AM
طريق جبال الألب في فيلاخ الطريق الأكثر بانورامية في النمسا بقلم طائر الغربة	فريق التطوير	بوابة النمسا	4	05-08-2015 07:47 AM