تحديث للفيزا النمسا 😁😁

تم اصدار الفيزا للجميع اللي جوازاتهم 10 سنوات اخذو الخمسة كاملة
اما الباقي تنوعت مابين 3سنوات و 4 سنوات بسبب مدة الجواز فعليا الى قبل نهاية الجواز ب 3 اشهر
استغرقت الفيزا 8 ايام عمل الى ان استلمناها بتاريخ 30/5

…………
السلام عليكم ورحمة الله وبركاته
تجربتي مع سفارة النمسا يوم الثلاثاء 21/5/2024 تحديد ( الدمام ) باللولو مول
عندنا 5 مواعيد اول موعد يبتدي من 9:20 ..
وصلنا الساعة 9:05 دخلنا ونادونا على طول نخلص الاجراءات ،، كانت النمسا فاضية الزحمة على الفرنسية ..
الاشياء اللي اخذوها منا ..
1- ورقة حجز الموعد
2- الجوازات وتكون موقعه من قبل الشخص ماعدا ( القاصر يوقع ولي الامر عنه )
2 - الابلكيشن لكل شخص مع التوقيع وصورة وحدة ( القاصر يوقع ولي الامر عنه )
3 - كشف حساب من البنك مختوم ( الالكتروني مرفوض ) انا كنت مجهزة الاثنين
4- صورة من الجواز
5 - صورة من الاحوال
6- تأمين من شركة ملاذ
7- خطاب التكفل بالسفر
8- حجز طيران مؤكد
10- حجز الفنادق
11- خطاب عدم ممانعة بالسفر للقاصرين
12- حجز السيارة للتنقل
13- كرت العائلة مترجم
14- ورقة من التأمينات باللغة الانجليزية للمتقاعدين
وبحكم ان سفري مع اهلي ومعاي ابني طلبوا صورة من جوازي وجواز وابوه وصورة من فيزا الشنقن وتذكرتي ( هذا كله انا مجهزته احتياطاً وطلبوه )
ورقة خطة الرحلة قالت مو مطلوبة و ورقة التعهد حق التأمين ايضا قالت لي مو مطلوبة ..
ولما خلصنا بس اخذوا البصمة فقط ولما سألت عن التصوير .. قالت نكتفي بالصورة اللي جبتوها ..
المدة كاملة اللي اخذنا تقريبا 50 دقيقة .. بحكم ان جميع الاوراق كاملة وماكان فيه اي نقص ..
وفيه ايضا نقطة سلبية ازعاج وبكاء الاطفال ماتسمع منه صوت الموظفات كويس 🙃🙃 كثير كانوا اقل من 12
عندي استفسار انا باقي شخص بيجي بعدنا ومالقيت له بالايطالية حجز للشنقن وبالفرنسية ايضا مافيه لو يروح بدون موعد
ويدخل vip عادي مايكون زحمة مثل الزحمة اللي شفتها

الله يسعدك
تجربة راح يستفيد منها كثير
وان شاء الله يعطوكم مدة زينة

اللي باقي يروح بدري حول 8:30 قبل ما يفتح المكتب
وعادة اللي بدري يتأخرون لذا امكانية دخوله VIP أكبر

مقبول كشف حساب الخدمة الذاتيه؟

يعطيك العافيه وشكراً على نقل تجربتك هنا وان شاء الله الكل يستفيد منها
عقبال مانشوف تقرير الرحلة

آخر مواضيع فارس من خيال

- من أجمل ما رأت عيني (جزيرة جيجو - كوريا ) - استطنـــــ(في خاطري شوق وحكايات واسرار)ـــبول - على اطلال (هونج كونج)2017 - هَِنأّ يِّفِّيِّض أّلَأحٌَّسأَّّس وِتّشٍبِعٌ أّلَحٌوِأَّّس(أوِروِبِــًـِـُـأّ) - بين الكلام والصمت جمال (نيوزيلــــ New_Zealandـــــدا)

توقيع : فارس من خيال

يوماً ما سَـأرحل دُون »وَداع« أَتمنى أن يَذْكرني أحدكم بدَعــوهْ Save

ممكن اعرف متى تاريخ سفرتك .. لاني مقدم من شهر وللحين ما ارسلوها.

مادري وش معاييرهم في تاخير وتقديم بعض الطلبات..

رحت للمركز وادق عليهم كل يوم 5 مرات وارسل يوميا ايميل بدون فايدة..