حاجزة مطعم للعشا أنا و اختي
خذينا تاكسي ورحنا للمطم

مطعمنا اسمه دار ياقوت

الوصول له اشوي مو حلو الطريج .. مو بعيد بس السكك اللي اهو فيها فيها وايد ناس فقيرة وسكك ضيقه يفضل التاكسي او السايق ينزلكم بالضبط عند باب المطعم وينطركم لا تنزلون وتمشون بروحكم..

احنا التاكسي كان بينزلنا ونكمل مشي بس بصراحة لما شفت المكان وقلت لا يا توصلنا عند الباب او تردنا الفندق.. حتى واحنا في التاكسي في جم شخص حاولوا ينزلونا ويساعدونا في الطريج بس قلت لهم لا شكرا ما نبي ويكلمونا فرنسي او انجليزي ما يدرون ان احنا عرب..

وتم توصيلنا عند باب المطعم و نطرنا السايق نفسه..

المطعم في رياض مغربي الباب الرئيسي له مقفول يفتحونه لكم لما توصولون عندهم ..

وهذا احنا دخلنا المطعم



طاولتنا



اجواء المطعم خيال وعجيبة بس لما اتذكر الاجواء الخارجية يضيق خلقي صراحه ..

يعني اللي يشوف هالمكان ما يتخيل برا والطريج شلون كان..











الموقع الالكتروني للمطعم (لازم حجز)

https://www.daryacout.com/



فيديو من المطعم


المقبلات المغربية





كلها كانت لذيذة

وبعدين طاجين الدياي







وعقب الطاجين الكسكس



للأسف نسيت اصوره عدل

وبعدين الحلو
باسطيلا







فيديو الاتاي المغربي



فيديو الفرقة



والحلو مره ثانية مع احلى كعب الغزال..



تكلفة الشخص 700 درهم ..
الحمدلله على النعمه اللهم ادمها من الزوال..
الأكل - الخدمة - الاجواء - السعر
كلها ممتازة
تقيمي له 9/10 بس الموقع ما عجبني ..

تكلفة التاكسي 100 درهم وصلنا ورجعنا

انتهى يومنا الثالث على خير ولله الحمد والأول في مراكش..
نلتقي فيكم في اليوم الرابع في ربوع المغرب و الثاني في مراكش..