اليوم السادس عشر
30 / 8 / 2024
الجمعة




اليوم صباحنا برتي
تريقنا انا ودانه والزين طبعا لان طلعتنا على الراحة




وبعدها للتسوق وهني عقب البريماك لازم نقعد نريح وننطر دانه راحت تخلص شغلها من الصيدليات ونشوف اللي رايح واللي ياي

وحركات زيونه
تتغشمر معاي تقول بروح اعبر الشارع بروحي وانا اخرعها لا يبوقونج







وصلت دانه وقالت ابي اشتري جنطه وراحت بريماك واحنا رحنا الصيدليات صرنا بالعكس
بعد ما خلصنا رجعنا الشقه نودي الجناط




طلعنا بعدها للبنات ينطرونا في مطعم ايراني يقولون عليه ترند ورحنا لهم بتكسي

نزلنا عند المطعم بس المدخل ما يوحي للترند هههه
مطعم


BERENJAK



دخلنا والا ممر ضيق على اليمين طاولات وعلى اليسار طاولة الطلبات

بس احنا داخل المكان اوسع واحلى ديكوراته









والزين تبي عيش مشخول





لقيناهم منزلين المقبلات وياكثرها ماشاءالله









وطلبنا طبق مشويات مشكل
مع العيش طبعا












الأكل لذيذ وراهي ونظيف
السعر ما اذكر بس مناسب
وحاصل على نجمة ميشلان







طلعنا انا وغنيمه وزيونه عندنا حجز وخليناهم بيتمشون

وهذه الصورة الوحيدة من تمشيهم




واحنا طلعنا لموقف الباص طلع عند هاري بوتر






وقفنا وايد الباصات مزحومة وما يوقف ونطرنا الباص الثاني تقريبا ننطر نص ساعه




صعدنا الباص ورحنا





نزلنا على الجسر اللي يوصل لمحطة القطارات ومافي نزله
ونطرنا باص ثاني ودانا بالشارع المقابل من الخلف لعين لندن

وعلى الكورنر هالمطعم تكرمون دخلنا لدورات المياه وتصوير بالمكان












ونصور هني


















ورحنا جهة عين لندن



تلاقون الناس لابسين زري اهم والا عيالهم
تكون عندهم ترند او مشهور جاي لندن ويحددون يوم نفس اللبس جذيه تشجيع بس








يتبع