ماشاء الله يعطيك العافية عالتغطية وبشارك معك تجربتي أيضا بحكم رحلتي كانت قريبة من توقيتك

بالنسبة للاكل أشوف مطاعم الحلال كثرت بشكل كبير مقارنة بالسابق خصوصا في المناطق السياحية ك طوكيو واوساكا وكيوتو، وطبعا كل مابعدت عن هالمدن تتقلص المطاعم الحلال.

مطار ناريتا فيه قطار اسمه Narita express ياخذك من المطار لمحطة طوكيو وسريع ومريح أكثر من الباص وأريح لك مع الشنط الكبيرة.

أما المواصلات صراحة المواصلات العامة تغنيك عن التنقل بالتاكسي لكن نصيحة اذا شخص حاب يتنقل كثير ياخذ معه شنطة كبيرة و Curry on. ولو حابب ينتقل من منطقة لاخرى وبسبب ازدحام المترو يشيل الاغراض اللي يحتاجها معاه في ال Curry on ومحطات القطار فيها اماكن يمديك توضع فيها الشنطة الكبيرة وهالشي يفك أزمة في التنقل.


فعلا اليابان من الدول الجميلة وأي شخص هاوي للسفر لازم يزورها، دولة جميلة وشخص محترم جدا وودود.