هاكوني هي موقع هاكوني غونغن وهو ضريح شنتو الشهير الذي ذُكر في أدب فترة هييان.
خلال حرب جينبي وبعد هزيمته في معركة إيشيباشيياما في مانوزورو المجاورة، صلى ميناموتو نو يوريتومو في هذا الضريح من أجل النصر على أعدائه.

يجهزون هالجناط في الغرفة حق الاونسن (حمام مياه الينابيع الحارة)



وننزل تحت للعشا في الفندق





هذي صالة الاستقبال و نتمشى في حفاي



هذا الباب الرئيسي لما دخلنا الفندق وفصخنا الجواتي عزكم الله اهني قبل ما ندخل الصالة



الاستقبال





طلبنا من الفندق خدمة توصيل الجناط للمنطقة الى عقب هاكوني عشان نطلع خفاف ..
من الخدمات المميزة في اليابان توصيل الجناط من منطقة لي منطقة يعني تروحون محطة القطار وانتوا خفاف وماتحاتون شيل الجناط ..
السعر يعتمد على حجم الجنطة يقايسونها ويعطونكم السعر والعدد اللي تبونه تقدرون تشحنونه ..
يوصلون اليوم الثاني لفندقكم وفي غرفتكم بعد..



شحنا جنطتين بسعر 4740 ين ..
يعطونا الوصل هذا عشان نعطي الفندق الثاني لما نوصل ..



وبعدين رحنا نتعشا

العشاا كان صدمة
اكل ياباني أصلي .. اشياء غريبة عجيبة مرت علينا واحنا بس نخز بعيونا شنو هذاااااا

الشكل واو والتقديم عجيب بس كلش ما ينفعنا ,, طبعاً أنا جازفت بديت اكل و اذوق أما اختي ينت ههههههه بدعت في هاليومين .. تقول انا بعتبر نفسي داشه دورة طبخ

هذي المقبلات بحرية الشكل واو بس كل شي نيي



المنيو



المشكلة مافي صوب فندقنا وايد مطاعم واذا في اكلهم يعني أكلوا الموجود وانتوا ساكتين

قدرت اكل الربيان و اللي بالصحن الاسود الباجي كان صعب علي .. اختي كانت تصرخ بالزاوية واااااااااااي شنو اكل اناااااا



الطبق الثاني سمج مشوي
الحمدلله كليتها واختي لما الحين تصرررررخ





المشكلة كل اشوي ياخذون طبق ويعطونا الثاني فـ احنا من تدخل علينا نسوي روحنا مستانسين ومستلذين بالاكل خصوصا اختي تعطيهم ويه ان الاكل نااار من لذته واهي ما غير لافتهم بكلينكس ولافزته تحت الصحن هههههه

وصل طبق البادية واللي احنا نطبخه .. طبعاً اختي مو عارفة السالفة قومي وطلبي واقيو وانا طلبت سمج ..



شافت هالجدور جان تقول احنا بنطبخ قلت اي جان تقول اكملت انا لايعه جبدي من النيي ويبوني اطبخ بعد ..
قلت محد قالج تطلبين لحم
تقولي ماطلبت لحم قلت طلبتي واقيو وفوق هذا موحلال
جان ترد تصرخ من قمة راسها .. وانا ميته من الضحك عليها ..





تقولي لا أبرار مو من صج شنو هذا انا يايه استمتع واستلذ وارتاح مو يايه اشوف هالاكل واطبخ ..
قلت تحملي احنا قاعدين في فندق تقليدي وبعيشونا الجو الصح .. تقول مابي اعيش ابي اكل عدل ..

لما شافت مع اللحم في بيض استانست جان تقول بس لعبتي البيض بحط حرتي فيه قلت هذا حق اللحم مو تطبخينه بروحه جان تقول اشدراهم قلت بيرجعون ياخذون الطبق ويشوفون ..

قالت اللي فيها فيها ..



شوفوها بدت تطبخ بس جذي جدام اللي يشتغلون عشان اتبين لهم انا مستانسة بالتجربة وبالاكل ..



وانا حطيت كل الخضرا بالماعون يطبخون