السلام عليكم
علي طول بدخل عليكم بملخص رحلتي للفائده … ممكن تفيدكم احد منكم 🩷

كنت محتاره في الذهاب الي إيطاليا في عطله عيد الاضحي وطبعا في الكويت العطله فقط خمس أيام .. أضافه الي ان عطله

الاضحي توافق شهر سته ومن متابعتي للأرصاد اللي تعرض حالة الطقس خلال أي شهر لقيت ان جو إيطاليا حار خلال شهر

سته ــ فقررت الذهاب الي أمستردام وشفت الطقس والحمدلله مبشر بالخير ( طبعا متابعتي للطقس كانت في شهر 4 أبريل )

في شهر أبريل بعني قبل الرحله بشهرين قارنت بين أسعار التذاكر لقيت الأسعار متقاربه أو اقل بشوي لكن قررت اروح عالخطوط

الكويتيه لأني أبي طيران مباشر ( وراي دوام ) و استغل الوقت

اولاً حجزت لي ولزوجي 415 دينار كويتي الذهاب بتاريخ 3/ 6. والعوده بتاريخ 10 / 6


حجزت الفنادق ثلاث فنادق مختلفه ب 441 دينار … ثم اكتشفت عاني نسيت ليلتين دفعت 169 دينار

كان حجزي مسترجع عشان كذا طلع غالي علي شي لو مؤكد ارخص

بعد الحجز كلمت مكتب يسوي لي الفيزا …حاولت بعد متابعتي لمقاطع كثيره بس بالأخير استسلمت وقلت اشتري راحه راسي لأني

خفت اغلط بشي

لحجز موعد السفاره اعتقد 36 دينار للشخصين وسوا لي الفيزا مع التآمين ب 14 للشخصين

اللي صار رحت مع زوجي الموعد للسفاره … وصفينا لاين يشوف الأوراق قال ناقص ليلتين لازم تحجزونها الحين ،،، يعني كأنو

مشددين حجزت وطبعوا الأوراق وأضافوها … طبعا قال الموظف لزوجيي أخذ خدمه vip وفعلا دفع 100 دينار للشخصين وزحمه

في قسم الvip ــ صراحه احتريت قلت ليش اللاين اللي مو خدمه vip فاضي غير ان سفرتنا بعد شهرين لكن ما قصر دفعها

وخلصت الفيز في اقل من أسبوع طلعت الفيزا 5 سنوات لي وله طبعا جوازاتنا باقي فيها 9 سنوات ( أنا سعوديه وهو كويتي ) وصلت

جوازاتنا بنفس الوقت

أي صحيح نسيت أقول لكم طلبوا السفاره مني عقد الزواج وتعريف الراتب لي وله


بكمل لكم <<<<

جدول سفرتي طبعا بعد متابعتي لمقاطع كثيره ومقارنات يعني حتي محل البطاط قارنت بين احسن واحد 🙂

وحتي اختياري للفنادق بس طبعا الموفق الله غير انه اللي يجهل الديره يظل اختياره عشوائي واللي كان مشغل تفكيري هو الجو

قعدت شهرين ادعي بالجو الزين والحمدلله ما جفت الأرض من المطر وهذا سر سعادتي الحمدلله بالسفره

3 /6 وصلنا أمستردام 2 المخطط اكتشاف أمستردام

4 / 6 قريه الطواحين وقريه الصيادين ( بينهم 20 دقيقه قطار) ثم ماركن بقارب نوصل لها من قريه الصيادين

5 / 6 وارتخت

6 / 6 دوسلدورف ( شارع الملوك )

7 /6 آوت لت روموند

8 / 6 خيثرون

9 / 6 أمستردام

10 / 6 العوده

طبعا أ الفنادق محجوزه خلاص

حجزت في أمستردام. الثلاث أيام الأولي
Park inn by radisson Amsterdam city

الفندق قريب من المطار أخذ منا التكسي شي وسبعين يورو بالعداد و5 دقايق من المترو ،، نقوم الصبح نروح مشي نقطع التذكره ونتوكل علي الله وبعده عن السنتر بالمترو ممكن ربع ساعه ما اذكر بس ما نحس فيها

الفندق الثاني ب دوسلدورف هو
Radisson blu


الفندق الثالث في أمستردام

Nh Amsterdam


بكتب عنوانه لأنه كذا واحد هذا روووعه وموقعه بطل من الأخر وبتدعون لي
عنوانه ; stadhouderskade,7,1054es,Amsterdam,North Holland,ho



باختصار الرحله فاقت توقعاتي الحمدلله الجو ساعدني كثير … مطاعمها ارخص أو مثل مطاعمنا ولذييييييييذه

إلا مطعم غاندي الهندي ابد ما عجبني فيه مطعم هندي Ashoka`a

الناس لطييييفه وحبيبه -وجميلين بشكل عجيب وديرتهم حلوه ومطر من الصبح لي الليل وبرد برد برد تحسفت ما خذيت الجكيت

المطري ولا لبس ثقيل .. بس عذروبها ريحه الله يزيدنا فيها جهل … وشوي وسخه الأرض وشوي تمر تشم ريحه تسد النفس

لكن ارجع للديره نعم ارجع بإذن الله. .. ،أي شي عليه لاين 0 مثل البطاط الوافل أو مثل ما يسمونه ستروب ما يسوي ) أو

بالأصح ما ضيعت وقتي ووقفت عليه رحت لمحلات ثانيه ابعد وكانت لذيذه بمراحل

أنا حملت صور بس ما ادري شلون أرفقها هنا

المهم مع الأسف اليوم اللي نوينا نروح لدسلدورف كانت القطارات فل والتكسي يوصلنا ب 550 يورو فقط ذهاب واستئجار السياره نفس السعر تقريبا

بس قررت ما اعكر مزاجي … لأنه خيره رحنا حجزنا في الفندق nh ,,, أي سؤال حاضرين

صحيح بالنسبه للسوق .. اسعارهم فيه محلات اوخص وموديلات غير مثلا عندنا ينزلون من الخامه فستان عندهم ينزل شورت وقميص .. وفيه محلات ارخص بواااااجد من محلاتنا .. اذاجيتي عخد الكاشير قولي له تاكس فري .. يعبي لك بياناتك صوري جوازك بالتلفون تمون البيانات جاهزه ... في المطار مكتب تاخذين منه التاكس فري بس تعالي قبل بوقت اريح لك ... طبعا في كشكين واحد لجميع البراندات وفيه نوع ثاني من البراندات تحمل اسم plant .. الموضوع سهل بس يكون عندك ايميل وتحتاجين عالارراق توقيعك بس ... وتطلبين ترجيع فلوسك اما كاش او عالبطاقه

انا طابت شي عالبطاقه ورجع لي بعد ثلاث ايام من العوده والكاش عطوني فورا

صراحه حبيببين من الاخر وطبعا كله توفيق من الله

ملخص جميل عن الرحلة
زين توفقتوا في اختياراتكم
وخلاص الآن صرتي خبرة في امستردام

فيه موضوع عن رفع الصور
https://www.arabtrvl.com/vb/t50538.html

اي الحمدلله😂

انا رفعتهم لكن في النص ما يطلع لي الفولدر البنفسجي عشان انزلهمً