خروف العيد والسرقات في أوروبا

آخـــرفـــرصـــة · 20-08-2025, 01:25 PM

اقتباس : المشاركة الأصلية كتبت بواسطة عرب

آآه بس ذكرتني يوم سرقوني قي باريس

مع اني ماخذ حرصي وعارف ان الحراميه متربصين بي بكل مكان .. لكن قدر الله وما شاء فعل ..

كنت راجع بالقطار من الاوتلت الى باريس ..

المشتريات كلها كنا حاطينها في حقيبة وسط ..

من طلعنا من الاوتلت وانا مو مرتاح .. لكن قلت بصير حريص بزيادة .

قبل ما ندخل القطار كان فيه زحمة عند بوابة القطار و انا احمل الحقيبة لحقتي بنت بتركب وراي .. انا انتبهت لها .. دخلت بسرعة والحقيبة قدامي .. هي ركبت وراي ويوم شافتني دخلت بسرعة وانتبهت لها .. نزلت من القطار ..

جلست على الكراسي اتنهد توقعت اني بأمان ..

شوي جالس جنبي راكب يكلمني عربي يقول لي شفيك تتنهد وين تبي تنزل .. انا مع الجو المتوتر قلت له اي كنت مستعجل وبنزل عند المحطة الفلانية ..

هو بعد محطتين نزل .. وقبل ما ينزل التفت علي وقال لي ترى نزولك بعد محطتين انتبه ..

شكرته على حرصه ..

أثاري فخ و أنا ما أدري ..

يوم نزلت بمحطتي توني طالع من القطار .. فيه بوابات لازم تعبرها علشان تطلع من المحطة .. وكان الممر زحمة و انا معاي الحقيبة حاولت ارفع الحقيبة فوق البوابة .. ومع الزحمة وثقل الحقيبة جاء رجل من خلفي ورفع معاي الحقيبة يساعدني ..

اول ما عدينا البوابة اختفى ..

شكيت ..

شيكت على مخباتي ..

طااارت المحفظة

كلمت الشرطة مافي فايدة

الحمد لله المحفظة كان فيها كم بملغ بسيط كاش و كانت بطاقة البنك بمخباتي الثاني .

صدمة نفسية لمدة ثلاث ايام بعدها الحمد لله استوعبت اني سليم وهذا اهم شي

لندن باريس برشلونه مدريد روما
تكثر فيها السرقات
لذا لابد من الحرص في هذي المدن بشكل خاص
حرامية روما يتصدرون بفارق كبير
وهم مصدر الابتكار في عملية السرقات

smilekl, عرب و Boeing معجبون بهذا.

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
استفسار عن فندق ذا جروف سويتس..	alza0012	بوابة اندونيسيا	3	27-09-2019 09:51 AM
سؤال بخصوص تغيير في حروف الأسم في جواز السفر الجديد	MIDO	فيزا	2	23-02-2016 12:43 PM
مسافربعد العيد	أسيرالغربة	بوابة مصر	4	06-07-2015 03:05 AM
حروف شاعريه لها القلب خفاق	ليمونه حزينه	عام	112	02-07-2015 12:53 AM
فندق درنف في مكة	عادل	بوابة الحرمين الشريفين	19	29-03-2015 03:47 AM