السلام عليكم ورحمة الله وبركاته

رحلة سريعة من غير تخطيط

حجزت التذاكر والسكن الحمدلله

يوم الجمعة 21 نوفمبر إلى 26 نوفمبر
بس عندي بعض الاستفسارات

كيف التنقل استأجر سيارة ولا أتنقل بأوبر
و تطبيق كوره عددنا 5بالغين و3 أطفال

طريقة الصرف استخدم بطاقة السفر ولا اقدر أحاسب بمدى

وايش مميز اشتريه من قطر

عليكم السلام ورحمة الله
زيارة سعيدة ان شاء الله.. اجاوبك على بعض الاستفسارات
التنقل ممكن بالمترو لاغلب الاماكن السياحية بس يتطلب شوية مشي الى المحطات .. اوبر سريع و متوفر باسعار معقولة .. سيارات الايجار السواقة سهلة والشوارع مافيها تعقيدات مثل دبي واعتقد انه الخيار الافضل اذا مشاويركم اكثر من ثلاث مرات في اليوم.

طريقة الصرف ماعندي فكرة ايش الافضل بس اعرف ان مدى شغال عندنا في قطر .. طبعا بالاضافة للفيزا والكاش .

وعليكم السلام

التطبيق اسمه "كروة"
وعشان العدد أشوف الأفضل والأرخص استئجار سيارة
الرخصة السعودية تكفي

استعملوا مدى بكل مكان
واذا كان عندكم بطاقة D360 يكون أفضل
لأن السحب مجاني

تلقون بسوق واقف محلات شعبية كثيرة ومطاعم معروفة
ممكن تشترون من هناك هدايا مثل
الغترة البيضاء القطرية
روائح عطرية تميل للعود في المولات الكبيرة
متجر باريس سان جيرمان للرياضيين في مول فيلاجيو

تستاهل الزيارة:
1
سوق واقف وفيه محلات شعبية لشراء الهدايا والعطور
وجربوا فيه الكرك عند وقت الشاي
وطبعاً فيه مطاعم كثيرة منها شعبية معروفة
2
منطقة مشيرب وهي متصلة بسوق واقف
تروحون لها مشي وفيها المقاهي والمطاعم الفخمة
3
كتارا وهي عبارة عن منطقة جميلة على الخليج
ممكن لفة بالقارب وفيها متاجر متعددة ومطاعم
وفنون قطر التراثية
4
مول فلاجيو على شكل فينيسيا وفيه قارب داخل المول
وأغلب الموجود براندات ومنها متجر باريس سان جيرمان
5
مول الحزم والتصميم جميل جدا وفيه تكييف بالأرصفة
يتميز بمحلات القهوة والشاي الفخمة وهنا تلقون كثير
من الأخوة القطريين والسياح
6
جزيرة اللؤلؤة الدوحة وفيه الكثير من اليخوت
وبرضه فيها كافيهات ومحلات متعددة وممشى جميل على المرسى
7
كورنيش الدوحة