~.. قلبي اختـآر وتوفق كورآآل الخبر ..~ - الصفحة 2

تقـآسيم الصباح · 06-06-2015, 04:03 AM

السلام عليكم ورحمة الله وبركاته
كيفكم ياحلوين اخباركم
اتمنى تكونو بخير وصحه وعافيه
مساء سعيد احمله من قلبي لقلبك انت وانتي
وشكرآ كبيره لرواد واعضاء هذا الصرح الشامخ
وشكرا لكل من رحب بوجودي ثانيـآ بينكم عبر الرسائل الخاصه او حتى عبر صفحات المنتدى
بحق تشكركم جميعـآ تواجدي الى جانبكم لهو سعاده لي ..
امله ان احقق المفيد للجميع ..
الموهيم اليوم رجعت لكم بتقرير خفيف ولطيف عن فندق من فنادق الخبر وهو كورآل انترناشوال
الفندق معروف ومن اقدم فنادق الخبر
يمتاز برحابة البهو .. وازدحامه
الفندق يصنف من فئه الخمس نجوم تقريبا
الزياره له كانت بدون مناسبه فقط لتغيير الجو
الا على طاري عودة المنتدى قبل يومين جالسه ارتب صور سفراتنا
وكان فيه بعض صور متفرقه لكندا ف جاء ببالي منتدى العرب المسافرون
قلت خليني ابحث بعم قوقل اشوف بحثت دورت لقيت منتدى ثاني بنفس الاسم دورت عن الاعضاء ماكنت اعرفهم
جاء على بالي اكتب معرفي بقوقل اشوف وطلع لي من ادوات البحث تقاسيم الصباح العرب المسافرون

قلت اخسس ياتقاسيم انتي ياكشخه ياحركات يامشهوره هههههههههههه
المهم ادخل وللامانه اللي طلع لي موضوعي ايران اللي نقله مشكور اخوي الغردقاوي ووصلت لكم
الغريب اني بعد ماوصلت للمنتدى ضاع الوقت وانا اتصفح
حتى زوجي انا متعوده اذا طلع ازعجه كل نص ساعه متى بتجي طيب مطول
ترى ملل ما اعرف ايش اسوي تعال سولف معي هههههههههههههه
اول اجلس مع المنتدى شوي لين تجي ووو ...
ويقولي شوي شوي واقفل يتاخر نص ساعه بعد ارجع ادق وبعدين فارس وكهذا هههههههههه
البارح كان جمعه ولادقيت عليه ابدا وجالسه احوس وحنا عندنا نظام يوم الخميس نروح كلنا بيت عمي ننام هناك
نظامهم في اجنحتهم القديمه اللي قبل يتزوجون زوجي وااخوانه لسه موجوده
احنا نروح يوم الخميس نبات هناك عشان يضمنون محد يتاخر من بكره عن الغدا بالمزرعه
وجدي يعصب ههههههههههه
خلصنا جمعه والبنات راحووو وصعدت احوس بالابتوب انا
وبعدين تذكرت الكاميرا كنت ابي الوصله حقها عشان انقل الصور
دورتها مالقيتها ايش العمل قلت ايه صحيح بدق ع فارس اسأله
دقيت مارد على طول نزلت تحت لقيت عمتي بوجهي سالتها عنه
قالت بالمجلس محد معه دخلت عليه لقيته منسدح وفي سابع نومه
وزوجي من الناس اللي نومهم ثقيل اذا ناموووو هههههههههههه
رحت بصحيه توني بقول فففففف شوي قام مفزوع ويدور جواله
انا متت ضحك لان يعرفني قلوقه اذا مارد وقبل فتره
بس صارت سالفه ادق مايرد اخرها لقيناه برضو بالمجلس نايم
بعد ساعه يمكن من البحث والاتصالات والمشكله جواله طفى من كثر مادقيت
وقومت الدنيا ماقعدتها وعشان كذا اول ماجيت جنبه قام مفزوع خاف الحدث يتكرر
طل فيني طله قال دقيتي من متى تدورين توني غافي ترى
انا اضحك قوم قوم الله يهديك نام فوق
طل في جواله استغرب قال توك داقه ومكالمه وحده وش عندك غريبه
ماخلصتو قلت الا خلصنا قال اجل وينك مادقيتي
قلت بس جالسه احوس فوق لان
قال تحوسي بأيش قلت له ابشرك منتدانا قال اي منتدى
قلت له فيه غيره العرب المسافرون قال ايوااا شفيه قلت رجعوووه
قال لا مااشاء الله تبارك الله مبروك
اها عشان كذا جالسه تحوسين وانا نسيتيني وانا اقول غريبه
ضحكت وقلت اقول احمد ربك اساسا اني كنت منشغله ولا كان صارت علوم هههههههههههه
عموما متاكده ان زوجي كل يوم يدعي لاداره المنتدى والاعضاء ..
كاني طولت عليكم وقلبتها سوالفففف

نجي لموضوعنا كان بدون مناسبه زي ماقلت جناح عرسان نغير جو
وزوجي طول ذاك الوقت وهو يتعامل على هالاساس عايش دور انه فعلا غريس ههههههههههه
دق عليهم قال جهزو الجناح قالو ترى يخلص ع 4 لانك ماوصيت اول وحنا وصولنا الخبر كان ع الساعه 12 قال خلاص اجل كنسلوو التزيين
دخلنا وريحنا وهذي الصور

اول ماتدخل برقلك اليمن بتصادفك الصاله الحلوه هيدي

وجنب الباب مدخل ومرايه وعدة الكوفي ميكر وجنبه طاولة طعام جايبين غدانا معنا مارضيت انزل تعبانه وطريق سفر هههههه

في وجهه الكنبات حق الصاله التلفزيون وتحته الثلاجه

المكان رايق وشرح

بعدها عندك غرفة النوم

جنبها هناك جلسه والنوافذ ماشاء الله كبيره تهويه صححح

بوجه السرير التسريحه وبرضو فيه تلفزيون

للامانه السرير والمخدات اخررر راحه

بعد ماريحنا طبعا وتغدينا في الليل زوجي رتب المكان بنفسه الله يحفظه

دورة المياه تكرمون ماصورتها اول هذي بعد الترتيب والشموع اللي حطها الشيخ

ملحقات دورة المياه وانا ادقق زوجي يضحك يقول يلا ياويلهم ان حصلت المدام اي غلط في دورة المياه
كل تقييمهم يروح بس للامانه مالقيت هههههههههههه الا صحيح الساونا حقهم كان مخمش

إيش جابك من بلادك لا بلادي
إيش اللي خلاّك تسكن في فؤادي

حسّ شي في مهجتي لك غيرعادي
كلّ ما أشوفك يزيد يا ذا الحب الجديد

يعتصر قلبي وياخذ ما يُريد
يا ذا الحب الجديد

كنت وحدي منعِزل في وسط وادي
جيتني بالحب من قلبك ينادي

هزّني صوتك عظيم السحر هادي
جنّ عقلي بالنشيد يا ذا الحب الجديد

يعتصر قلبي وياخذ ما يُريد
يا ذا الحب الجديد

صوره سريعه جدا لفطورنا لان ما صورت البوفيه وقتها ولا الفطور صح
لان زوجي وانا نعسانين وكنا مواصلين اساسا ونبي نصعد نحط راسنا وننام هههههههههههه

بالنهايه اتمنى اعطيتكم صوره مبسطه وحلوه عن هذا الاوتيل
اتمنى انكم انبسطتو معاي
اتمنى كنت خفيفه عليكم
دعواتكم لي بالسعاده والموفقيه في حياتي دائما هي ماتدفعني لتقديم الافضل لكم
الى ذلكم الوقت دمتم بكامل صحتكم وسروركم وعافيتكم

ضيافتكم على حسابي وصنع ايديا وحيآة عينا
كوكيز بالقرفه وجوز البيكـآن

>برضو بطعم القرفه

متنفس

"حلمي بحبك تحقق
قلبي أختار، وتوفق
أنت لي، بس لي
هذا بس اللّي أبيّه"

rb2844معجبون بهذا.

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
امان يا رب امان ..قلبي عَشِقَ جمالها الفتان (حكايا صور بقلم طارق عنايات )	طارق عنايات	تركيا	203	06-08-2015 01:38 AM
رايكم بهذا الخبر مهم	ابن الشرقية 96	اوروبا	4	03-07-2015 02:46 PM
ما هقيت قلبى بحبك ملتاع .. و احترق جوفى كثر حنينه ... حكايتى البوسنية 2013م	أبوعبدالله (الاسفار )	بوابة البوسنة	20	15-06-2015 10:57 PM