كل انسان يصبح شاعرا اذا لامس قلبه الحب : من بلاد الفلاسفه (اليونان)

q8ya metnaqla · 23-06-2015, 06:45 PM

الجــــــــزء الثــــاني

اليوم الثـــــــــانــــي في ميكـنوس
والخـــامس مـن السفره

هذي بعد بعض المواقع للرحلات والانشطة في الجزيرة ومنها القارب الزجاجي

http://www.windmillstravel.com/tourone.php?id=138&destination=11&destinationtype= region

http://www.mykonos-accommodation.com/glass-bottom-boat.htm

اصبحنا واصبح الملك لله

قعدنا وسوينا ريوقنا في شقتنا وبعده جهزنا جناطنا

وهذا كرسي استراحه فندقنا واللوبي

وهذا المطعم يمنا اسمة بلو لاونج

متجهين الى التاون

والاجواء شحلوها

ومازالت الاجواء طيبه

احسب الجيات كم مره اجي واحسب النظرات لي ضاع الحكي

تمنيت ادرس في مدرستهم دامها في هالجزيرة

وقت الريوق الصجي لازم اتجربووووووووونه

ياربااااااه قلبي يتفطر

فيديو تجهيز طلباتنا ( في موسيقى )

شكلكم يعتوا

تم القصف

وفاتورتنا

داخل الكافيه

تسافر ورا النسيان توك تجي ؟؟

معلومة عن اسم ميكنوس

بلدة ميكونوس فهي تملك اسماً آخر هو خورا (Chora) والذي يعني في اللغة اليونانية البلدة، وهذا الاسم يطلق على البلدة الأكبر في كل الجزر اليونانية وليس فقط في ميكونوس.
وهناك أسطورة أخرى مرتبطة بالجزيرة تقول أن العمالقة الذين قتلهم زيوس قد تم دفنهم تحت صخور الجزيرة الغرانيتية.
وGhora فيها :
في بلدة ميكونوس (خورا):
-فينيسا الصغرىlittle venice: وهو أحد أحياء البلدة حيث البيوت مبنية مباشرة فوق البحر.
-الطواحين الهوائية أو (كاتو ميللي): وهي سبعة طواحين هوائية كانت تستخدم لطحن الحبوب، بنيت في الـقرن السادس عشر وتعتبر رمزاَ للجزيرة.
-مبنى البلدية (الذيمارخون): بني عام (1780) م. على النمط النيوكلاسيكي.
-كنيسة بارابورتياني (Paraportiani): وتدعى أيضاً بالكاسترو، وهي عبارة عن خمسة كنائس مبنية سوية ضمن تحصينات بيزنطية وأبراج تعود لفترة القرون الوسطى، وتعتبر من أحد رموز العمارة اليونانية في القرون الوسطى.
-متحف ميكونوس الأركيولوجي: بني عام (1900) م. في منطقة مرفأ البلدة، ويحتوي على مجموعة رائعة من الأواني والخزفيات الكيكلادية.
-متحف ميكونوس الفولكلوري، ومتحف بحر إيجة البحري
احنا مرينا على 2 من اللي فوق :
وهذي صورة من منطقه ghora

الطواحين

وهذي فينيسيا المصغره

وهذا فيديو

وهذا فيديو للطواحين وفينيسيا

طبعا القروب ماكملوا معاي لي فوق رحت بروحي واهما قاعدين تحت

عقب نزلت لهم ولا الحلوين مريحين ويبون تاكسي يردنا الفندق ، ومافي اصلا تكاسي لازم نصعد لهم فوق وانا توني راده من فوق عيزانة قلت ما راح اروح ولا هندي في هاف لوري صغير قال اشوف لكم اذا احد ينزلكم من التكاسي يزاه الله خير وننطر ما وعينا الا اهو راد ها اشفيك جان يقول ماينزلون لازم تصعدون وتنطرون دور قلت خلاص نرد مشي والحلوين ينوا قالوا من صجج شمس شلون نرد كل هالمسافه جان يقول الهندي انا رديت عشان اخذ وحده منكم تنطر فوق ولا يحليله قط رفيجة فوق ورد لنا جان تركب اختكم كويتية متنقلة ومااخش عليكم بيني وبين نفسي خايفه بس انا قلت هذيلاك رداية خل انا اروح معاه والله رحت وجني غراندايزر يعني اعرف المنطقه والله ويوصلني فوق اثاري المسافه قصيره بس الصعده قويه وهذي صوره من داخل الهاف لوري والسياره كلها
هذي من داخل

ترا اهو ساعدنا على باله احنا هنود من نفس الجنسية

وهذا الهاف لوري اللي ركبتة

وبعد ما نزلني عند المحطه نطرت وصورت جم صورة

هذيل الباصات يوصلون كل الشواطئ ومجانا يكونون واقفين عند محطات التكاسي

نطرت تقريبا 20 دقيقه في الشمس ولا تاكسي مر علينا وكل ماله يطول الدور ولا قلت حق الحلوين اني وصلت بدوا يحاتوني قلت قلعة اشوي اخليهم يحاتون عشان مره ثانية ما يقولون نبي تاكسي وعق الخرعه اللي خرعتهم جان اقولهم خلاص لازم نرد مشي مافي تكاسي ونزلت لهم واخذ هالصور من نزلتي

احسن حق الجزيرة

ومازال المشي مستمر

يارحلة الماضي البعيد بك ذكرياتي وش تفيد ؟

المعذرة قلبي ولا اقدر اجبرة يمشي معاك باجي الطريج

لازم نوصل للجهة المقابله للبحر البعيده يعني ورانا طرييج

قطعنا نص الطريج

ولليوم بقيـــــــــة الرجاء عدم الرد

مجدي, عامر الزعابي, ياسمينة ستي و 1 آخرون معجبون بهذا.

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
فيزا الشنغن اليونان Greece	mr.alhussain	فيزا شنغن	20	12-08-2018 05:48 PM
الحب الأبدي	توبليرون	بوابة البحرين	54	22-04-2015 01:54 AM
تحذير ( عدم تأجير الجت سكي )	BKK	بوابة تايلند	22	07-04-2015 10:13 PM
اريد استخراج تأشيرة الي اليونان	hesham assi	فيزا	1	06-02-2015 01:28 PM