رحلتي لبلاد الإندومي ابريل 2015 ( بالي - باندونغ - بونشاك - جاكرتا ) - الصفحة 5

فيصل · 15-06-2015, 02:21 PM

ما قصرتي الوضع تمام

|القحطاني| · 15-06-2015, 04:56 PM

حسافة أختفت الصور

مشكوووووورة على الموضوع يا أم صهيب الله يعطيك العافية

om sohaib · 16-06-2015, 01:15 AM

العفو أخواني ما سوينا شي

أخ أبو روان

الله يسهلكم اموركم وتروحو وترجعوا بالسلامة ياآرب
بالنسبه للسواق في بالي كان معانا طول الوقت ويوميته كانت 350 ألف روبيه ويستاهل أكتر

أخ إبراهيم

الله يعافيك أخوي
بالنسبه للأسعار ما كانت ثابته في البوكينغ كل فتره وفرته تطلع او تنزل بس الي فاكرتو
الفله في سيمناك كان سعرها 1480
فندق سن آيلاند بحدود 270 في الليله

أخوي القحطاني
ليش الصور مختفيه ؟!
غريبه ظاهره عندي

om sohaib · 16-06-2015, 06:58 AM

نكمل التقرير
.
.
أصبحنا اليوم الأخير في بالي واتجهزنا وجهزنا أغراضنا ونزلنا للفطور
وسوينا تشيك آوت وجانا السواق عشان يودينا المطار
ووصلنا المطار وودعنا السواق

[BIMG]http://im48.gulfup.com/FRWqqf.jpg[/BIMG]

وشحنا الشنط وجلسنا نستنى لين يجي موعد رحلتنا

[BIMG]http://im48.gulfup.com/dNy9CF.jpg[/BIMG]

وبكدا ودعنا بالي وانتهت مغامرتنا فيها

[BIMG]http://im48.gulfup.com/mJQQ1j.jpg[/BIMG]

[BIMG]http://im48.gulfup.com/d7vN9N.jpg[/BIMG]

[BIMG]http://im48.gulfup.com/8SVMDY.jpg[/BIMG]

للمعلومية السواق ( داود ) كان أحسن واحد معانا وما قصر معانا في شي
خدوم – أمين – حشيم – طويل البال - صبور –فله
زوجي مرره انبسط معاه لدرجة كانو يمزحو مع بعض وكل واحد يطقطق على راس التاني وكان يتمناه يكون معانا طول السفر
والله يجزاه خير الي مدحو وحط رقمو في المنتدى ( طبعا الرقم أخدتو من زمان ) وانصح بيه للعوائل

طلعنا الطياره وهنا لمن قربنا نوصل باندونغ

[BIMG]http://im48.gulfup.com/iFberS.jpg[/BIMG]

طبعا السواق كلمناه من قبل ما نطلع واديناه موعد الإقلاع
لكن الله يهديه اتاخر علينا واتلطعنا في الشمس
صراحة سواق باندونغ ما عجبنا بس الله يسامح الي مدحوا لأنو سار معاه كزا موقف بايخ بس اضطرينا نكمل معاه لأنو كلها يومين ومافي أحد غيرو
وما لقيت ارقام سواقين هنا في المنتدى
ولمن جا اخدنا كلمناه يودينا اماكن السياحة زي بركان تانكو بان براهو او منتجع المياه الحاره
قالنا اليوم ما ينفع سياحة خليه بكره
وحطنا في مول وراح ولا قال حتى إيش إسم المول
وقولنا يلا نتمشى بعدين حصلنا محل يبيع فطاير وكيك وقولنا ننقنق شويه

[BIMG]http://im48.gulfup.com/1k1NkK.jpg[/BIMG]

[BIMG]http://im48.gulfup.com/eg7bxA.jpg[/BIMG]

ودا طلبنا

[BIMG]http://im48.gulfup.com/HqM2Oq.jpg[/BIMG]

[BIMG]http://im48.gulfup.com/rh5XDF.jpg[/BIMG]

كلمنا السواق وجا واخدنا ع الفندق
وكان حجزنا في فندق سنسا وصلنا وسوينا تشيك إن

[BIMG]http://im43.gulfup.com/FmrpFB.jpg[/BIMG]

[BIMG]http://im52.gulfup.com/9wVzQw.jpg[/BIMG]

[BIMG]http://im52.gulfup.com/ZjGXHD.jpg[/BIMG]

[BIMG]http://im52.gulfup.com/vSLdGu.jpg[/BIMG]

[BIMG]http://im52.gulfup.com/UCmqi3.jpg[/BIMG]

تقييمي للفندق كان جيد جداً من ناحية النظافة والسعر
اخدنا ليلتين ب 540 ريال وفطورهم كالعادة أغلبو اكل اندنوسي
عيبو مافي شطاف في الحمام الله يكرمكم

بعد ما ارتحنا كلمنا السواق يودينا شارع الجينز وطلع قريب من الفندق
بعدين روحنا لمحل الشنط التقيلديه اخدنا لنا لفه

[BIMG]http://im52.gulfup.com/5CRmJR.jpg[/BIMG]

[BIMG]http://im52.gulfup.com/6yndor.jpg[/BIMG]

[BIMG]http://im52.gulfup.com/pasG8U.jpg[/BIMG]

[BIMG]http://im52.gulfup.com/plPS4s.jpg[/BIMG]

بعد كدا السواق ودانا لمطعم قهوه أكلاتو عربيه
وطلبنا عصير الإدمان ( حبحب )

[BIMG]http://im52.gulfup.com/iJBSlN.jpg[/BIMG]

وطلبنا كبسة ومندي وفتوش ومقبلات

[BIMG]http://im52.gulfup.com/vg18I9.jpg[/BIMG]

المعطم يعتبر طيب وما قد قريت عنو هنا في المنتدى
خلصنا العشا ورجعنا ع الفندق نرتاح وننام

************************************************** ***************
أصبحنا اليوم التاني واتجهزنا ونزلنا للفطور

[BIMG]http://im43.gulfup.com/Tnjcp2.jpg[/BIMG]

[BIMG]http://im43.gulfup.com/2wi47W.jpg[/BIMG]

مسبح الفندق

[BIMG]http://im43.gulfup.com/5QLKg7.jpg[/BIMG]

بعد الفطور كلمنا السواق يودينا بركان تانكو بان براهو
ولمن وصلنا هنا على قولتهم البركان الميت وبرك المويات الحاره تحت

[BIMG]http://im43.gulfup.com/SyAL88.jpg[/BIMG]

[BIMG]http://im44.gulfup.com/cqgGiy.jpg[/BIMG]

دفعنا حق دخولنا مع المرشد 400 ألف روبية حاولنا نكاسر معاهم في السعر بس قالو إنو السعر ثابت حتى للأندنوسيين
ومشينا مسافة 3 كيلو تقريبا الطريق يعتبر نوعا ما متعب ويزحلق
وكان في ريحة زي ريحة البيض المسلوق ولمن سألنا المرشد قال دي ريحة الكبريت

بداية الطريق

[BIMG]http://im43.gulfup.com/stPgaW.jpg[/BIMG]

[BIMG]http://im43.gulfup.com/h07QAz.jpg[/BIMG]

[BIMG]http://im43.gulfup.com/qNZtg6.jpg[/BIMG]

[BIMG]http://im43.gulfup.com/8yFrKM.jpg[/BIMG]

قربنا نوصل

[BIMG]http://im43.gulfup.com/ySemE3.jpg[/BIMG]

[BIMG]http://im44.gulfup.com/jtgXoK.jpg[/BIMG]

وصلنا لبرك المويه الحاره وقالو يسوو مساج بطين الكبريت
للمعلوميه في برك للرجال وبرك للحريم وبرك للأطفال وبركه عشان تسوي فيها بيض مسلوق

[BIMG]http://im44.gulfup.com/TI94rJ.jpg[/BIMG]

ما حبينا نجرب لأن خوفنا تتوسخ ملابسنا و ما اخدنا ملابس احتياط
وصراحة لاحظت فيه استغلال جاتنا وحده تحاول تقنعنا بمساج الطين بس لمن شافتنا مو معبرينها
سارت تهمس في ادني انها محتاجه فلوس وزوجها تعبان مايشتغل وتبغى حق الأكل بس طنشت
وقولنا نمشي ع السياره ومشينا مسافة كيلو تقريبا ومطرت علينا في الطريق واضطرينا نوقف ونرتاح لين يخف المطر

بعدين كلمنا السواق يودينا على مزارع الأناناس

[BIMG]http://im44.gulfup.com/CjInA2.jpg[/BIMG]

[BIMG]http://im44.gulfup.com/TwYvae.jpg[/BIMG]

[BIMG]http://im44.gulfup.com/T5BqdH.jpg[/BIMG]

[BIMG]http://im44.gulfup.com/7Oc04n.jpg[/BIMG]

وفي الطريق وقفنا عند أكشاك تبيع أناناس وقلنا نجرب لايفووتكم مرره لزيز

[BIMG]http://im44.gulfup.com/57oNei.jpg[/BIMG]

[BIMG]http://im44.gulfup.com/hlPd92.jpg[/BIMG]

[BIMG]http://im44.gulfup.com/sQPNCY.jpg[/BIMG]

بعد كدا السواق قال يودينا لحديقة فيها بحيرة بس ما قال إيش اسمها حطنا ومشي
الحديقة كبيره وحلوه وكان يومها الجو جميل وفيها بط و وز واسماك وملاهي للأطفال
وقوارب للعب وقوارب عباره عن أكشاك يبيعو أكلات فيها
مدخل الحديقة

[BIMG]http://im57.gulfup.com/U4LZpe.jpg[/BIMG]

أول ما دخلنا الحديقة لقينا عروسة وعريس وأستأزنتهم إني اصورهم وما قالوا لا

[BIMG]http://im66.gulfup.com/YF5aEn.jpg[/BIMG]

[BIMG]http://im66.gulfup.com/cbstJL.jpg[/BIMG]

صور للحديقة

[BIMG]http://im66.gulfup.com/3C68wl.jpg[/BIMG]

[BIMG]http://im66.gulfup.com/cxxvcN.jpg[/BIMG]

[BIMG]http://im66.gulfup.com/c9ouDy.jpg[/BIMG]

[BIMG]http://im66.gulfup.com/vsJQCS.jpg[/BIMG]

بعدين روحنا طلبنا من الأكشاك بطاطس حلزوني وساتي

[BIMG]http://im66.gulfup.com/z2BocU.jpg[/BIMG]

[BIMG]http://im66.gulfup.com/oPBEhg.jpg[/BIMG]

[BIMG]http://im66.gulfup.com/hl5ikN.jpg[/BIMG]

[BIMG]http://im66.gulfup.com/B15jUt.jpg[/BIMG]

لاحظت الساتي عندهم مو زي حقنا
حقهم شبه نيء وحقنا صراحة اطعم

بعد ما خلصنا وتعبنا من المشي كلمنا السواق يودينا الفندق نرتاح بعدين يجينا بدري عشان نروح محل الشنط ونشتري
لكن الله يسامحو جا عند الفندق ولا أدانا خبر واتصل عليه زوجي ونزلنا لقيناه تحت آتاريه جا من اول بس ما قال
ولمن روحنا محل الشنط لقينها مقفل ووقتها قال السواق انو المحلات تقفل الساعه 9 ولمن سألناه بكم يودينا على بونشاك قال ب650 ألف روبيه وما رضي ينزل في السعر
صراحة اضايقنا من الحركه الي سواها فينا وقولنالو يودينا مطعم قهوه عشان نتعشى
بعدين كلمنا داود يشوفلنا واحد من اصحابوا على اساس يودينا الجبل والحمدلله اتيسرت الأمور ولقينا واحد يودينا ب 600 ألف روبيه
بعد العشا رجعنا الفندق عشان نرتب اغراضنا وننام

أصبحنا اليوم التاني واتجهزنا وجهزنا اغراضنا ونزلنا للفطور بعدين سوينا تشيك آوت
وجا السواق ( أحمد ) وطلبنا منو يودينا محل الشنط وجزاه الله ما قصر معنا بعدين اتوكلنا على بونشاك
وبكدا انتهت مغامرتنا في باندونغ

Abu Rawan · 16-06-2015, 11:45 AM

لو تحطي رقم سواق بالي الله يجزاك خير او ترسلي ع الخاص

ومتابعين معك ويعطيكي الف عافيه

كتكات783 · 16-06-2015, 06:26 PM

أهلا أم صهيب ..

باندونغ لم تكن ضمن جولاتي في إندونيسيا رغم قربها من البونشاك ..

كيف تقييمك لها ؟

سائقي بالي .. مميزين قليل من الأعضاء من لاحظ عليهم سلبيات بعكس جاكرتا والبونشاك ..

شكرا لك على جزء باندونغ .. وبانتظار البونشاك وأيامكم فيها ..

om sohaib · 17-06-2015, 05:06 AM

أخوي ابو روان

تم الرد ع الخاص
والله يعافيك ياآرب

أخ كتكات

بالنسبه لباندونغ تقييمي لها
كانت حلوه وجوها حلوو وصراحة اشوف 3 أيام تكفيها بالكتير
لأن بعد ما مشينا السواق أحمد فاجأنا بوجود مناطق سياحيه اكتر وما روحناها للأسف
ولو فكرت ازورها تاني ممكن اروحلها عشان تسوق بس

كنت احبسبك · 17-06-2015, 06:27 AM

ماشاء الله تقرير أكثر من رائع بالي لازالت في بالي لكن أجلت زيارتها لرحلة بدون العائلة
الصور واضحه مع أن حجمها كبير لكن جميله واللي مجملها أكثر رزت أبو صهيب الله يسعدكم

ننتظر بقية التقرير أم صهيب ودمتي

عاشقة مسقط · 17-06-2015, 08:49 AM

ما شاء الله يا أم صهيب

جزء رائع،،،،بس كأنك سريعة في السرد،،، مستعجلة

الغريب الصور تظهر عندي بحجم صغير جدا

عجبتني زياراتكم في بالي و البحيرات ،،،كأني تحمست أرجع لها

و عجبني حبك للتجربة و المغامره،،،رافتنج و واتر بووم،،،، انا الصراحه رحت الووتر بووم و رفضت اجرب اي شي،،،بس اصر علي أولادي و زوجي أجرب لعبتين،،،بس كانت مأساااااااه

و باختصار انتم توفقتوا في سائق بالي،،،لأن في سائقين كل ما تقولي لهم ودونا مكان يقول ووواااااجد بعيد

و دلعوكم كثير في الفنادق ،،،، نفسي اسافر من غير العيال عسى نحصل شي من هذا الدلع

مطعم الشيشة أبدا ما عجبنا،،،لا جلسه و لا أكل

بالنسبة لباندونج،،،، نحن أيضا سكنا فندق سنسا و هو على شارع الجينز،،،،بس الصراحة الزحمة هناك خانقة،،،

ما زلنا متابعين ابداعاتك

و رمضان مبارك عليكم

فيصل · 17-06-2015, 10:20 PM

ما توفقتم بسواق باندوق ويمكن لو أنه كويس كان استمتعوا اكثر لكن خيره

ممكن تضعي رقم سواف بالي للفائده أختي

شكرا لك

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
زيارة الى بونشاك مارس / 2015	الخالدي	بوابة اندونيسيا	49	09-04-2016 10:26 PM
تقرير مجنون إندونيسيا في رحلتي الثانية لبلاد العمة (2014) خلال 3 أشهر	Haksa77	بوابة اندونيسيا	91	18-11-2015 12:43 PM
رحلتي في ابريل	سالمينو	تركيا	9	23-03-2015 06:51 AM
من جاكرتا الى بالي	عاشقة السفر	بوابة اندونيسيا	12	09-02-2015 03:25 PM