X سُعداء بتواجدكم بيننا ونتمنى لكم قضاء وقت ممتع ، نأمل منكم زيارة صفحة شروط الإستخدام ، تفضلوا مشكورين بالتسجيل*** اضغط هنا *** لإثراء الجميع بخبراتكم السياحية
Loading...





عدد المعجبين12الاعجاب
إضافة رد
 
LinkBack أدوات الموضوع انواع عرض الموضوع
قديم 12-06-2015, 01:04 AM   #1

حيث يعمل المبدعون

الصورة الرمزية فريق التطوير
 
تاريخ التسجيل :  Jan 2015
رقم العضوية : 1046
الجنس : ذكر
المشاركات : 685



افتراضي مــا أروعــ ( كيبيكQuébec ) ـــــــــك بقلم مجرم سفر





العرب المسافرون

بوابة السفر الى كندا

مــا أروعــ ( كيبيكQuébec ) ـــــــــك



يسعد أيامكم



السلام عليكم ورحمة الله وبركاته :smartass:
واسعد الله مسائكم وحياكم الله في هذا اليوم الجميل البديع الحلو الي يهبل :m9:




<<<< من قال اسكت ؟؟ :unsure:
******** انا ليه وش عندك !!
<<<< لا اسفين بس ممكن اكمل ولا اطلع برا :mf_pcwhac
******** تيب ... اسف :55654:





المهم يا سادة ياكرام كان يامكان في قديم الزمان واحد تخرج من الجامعه وقال لأهله انا عازم اني اشد الرحال للخارج ... مررره مررره لا تحاولون رايح رايح الله لا يعوق بشر .. والله لو يجي عمي بكبره يقولي لا قلت ادزلب وجهك انت وكرشك :ranting2:
اهلي قالوا بقريح وش علينا منك <<< توني ادري اهلي حليلين مهوب يقولون شئ



يوم شفتهم كذا قلت اجل بروح للاس فيجس بروح ادشر عشان تكون الدشره الاخيره :102:
مادريت الا بريق الشاهي جاني من الوالد قدس الله سره يقول وغيييير هالحتسي طيب ؟؟
قلت طيب خلاص بروح لكندا وامري لله :sweatdrop
وانا الي اشوف لي معهد بتورنتو واحاتسي لي عائله تضفني اذا وصلت ورتبت كل اموري وانحاش عن حر هالديره على اساس اني بطس 3 شهور وابشركم جلست 6 شهور
وماتشوف الا دموع اربع اربع :110:



وفمان الله يامسافر :frown:
عسىىىى الله يسمح دروووووووووبك
وترجع بالساااااااااالااااااااامه
مع ان ماودي احرص على الرجعه ولكن الشكوى لله



<<<<< تكفى لاتطلع عن الموضوع
********> ياخي طيب ياخي




الهدف من الروحه دراسه بالاضافة بنروح نشوف وش هالكندا الي صاجينا فيها العالم <<< ملقوف
على طاري اللقافه تصدقون رايح جيزان من اللقافه بشوف وشي

<<<<< مشكلتي لازم اطلع عن الموضع .. تحملوني عاد



المهم
اكثر ماكثر الله عندهم هالاجازات كل مامرت فتره قالوا عندكم يوم اجازه :11ight:
تكون مثلن يوم الجمعه ومع السبت والاحد تطلع لك 3 ايام حلوه او تكون سبت واحد واثنين
قلت استغلها واروح لي مدينة ثانيه مليت من تورنتو ابي اشوف شئ جديد
وقع الاختيار على كيوبك او كيبيك Québec :8888:




هالولايه اللغه الرسميه فيها الفرنسيه يعني كلهم يجااااجغون <<<< يعني يتكلمون فرنسي :biggrin:
حتى المطاعم المنيو فيها فرنسي يعني منتهين
وطلبنا بمطعم وحتسينا معهم انجليزي قالت اصبر وجاني واحد يتكلم انجليزي



طبعا راح نبدا بنبذه عن هالمدينة وماراح اجيبها من الوكيبيديا ابد


مقاطعة كيبك أكبر المقاطعات الكندية مساحة ، أذ تبلغ مساحتها (1,540,668 ) ، عرفت أول اكتشافها بفرنسا الجديدة ، أو كندا وذلك في سنة 941 هـ -1534 م حتي سنة 1177 هـ -1763 م ، ثم عرفت باسم مقاطعة كوبيك حتي سنة 1205 هـ -1790 م ، ثم عرفت بعد ذلك باسم كندا الدنيا ، ثم كندا الشرقية ، وبعد انضمامها للاتحاد الكندي أطلق عليها مقاطعة كوبيك ، وجرت محاولة لفصلها عن كندا في سنة 1400 هـ -1980 م ، وتأتي في المرتبة الثانية بين الولايات الكندية من حيث عدد السكان ، عاصمتها مدينة كوبيك ، وأهم مدنها مونتريال ، وبولاية كوبيك اللغة الرسمية هي الفرنسية . تقع في شرقي كندا ، تحدها الولايات البحرية من الشمال والشرق ، وتحدها ولاية أنتاريو وخليج هدسن من الغرب ، والولايات المتحدة من الجنوب ، وتشرف على خليج سانت لورانس من الشرق .



وهذا مكانها بالخريطه والصوره طبعا انا مصورها يوم نتعيد هاك السنه بالقمر
عجبني شكل كندا وصورتها




وهذي صوره ثانيه بعد موضح فيها مكانها وبعدها عن تورنتو :114:






مشيت انا والي معي و ضفينا اغراضنا وركبنا هالباص :11ight:
خويي الياباني سحب علي ويشاخر الين وصلنا لكيبك :whistling <<<< يقولون شعب منتج
اما انا فاق خشتي على المناظر الي بالخط <<<<< اشوف المناظر والعن روضة خريم :111:





طبعا حنا مشينا بالليل :36_1_50:
بس هذي صوره وحنا راجعين وكانت بالنهار


المهم صرنا نمشي نمشي نمشي ..... وبرضو نمشي والي مو عاجبه يطلع برا :mf_pcwhac

وصلنا هناك وكان على الساعه 6 الصباح وهذي صورة الفندق الجميل الحلو :biggrin:





الفندق بشكل عام اعطيه 6 من 10
المشكله ادور صور من الداخل بس خشتي المليحه رازها بكل قرنه

يعني اخاف احطها وتطيحون من الخقاق و اخذ اثمكم <<<<< انقلللللللللللللللللللللللللللللللع :ranting2:
********> اسف والله ماعاد اعيدها :55654:

يالله خذوا لقينا لكم ذي :biggrin:




طبعا الحماس وما أدراكما الحماس
حطينا اغراضنا ودزيييييز نبي نفطر عشان نلحق على المدينه القديمه قبل لاتطير :11ight:






هذي كم صوره قبل لا ندخل المدينة القديمة <<< بين قوسين الديره

الجو بكيبك يكون ابرد من تورنتو واكثر امطار :11ld::rain:
يوم كنا هناك كان الجو غائم الا غايم جزئي مع كثيبان رملية <<< الله يرحم ايامك يا كراني :frown:



يتبع

 

فريق التطوير غير متواجد حالياً   رد مع اقتباس
قديم 12-06-2015, 01:04 AM   #2

حيث يعمل المبدعون

الصورة الرمزية فريق التطوير
 
تاريخ التسجيل :  Jan 2015
رقم العضوية : 1046
الجنس : ذكر
المشاركات : 685



افتراضي رد: مــا أروعــ ( كيبيكQuébec ) ـــــــــك بقلم مجرم سفر







طبعا يوم وصلنا هناك كنهم دارين اننا بنجيهم
كانوا يصلحون البوابه بتاعت الشئ هذا ... الي هذا ...
اقول شوفوا الصوره وبس (فيس واحد مااال )


******** توك بادي بالموضوع :unsure:
<<<< طيب اسكت وناظر الصوره :36_6_2:






وهذي صوره اوووخرى اول مادخلناها
شوفوا اسم البنك
<<<< منقهر الى الحين :biggrin:






وهذي جوا old city
ويلاحظ عزيزي المشاهد انهم ماخذين تصميم الشارع من شارع التحليه


********> احتس زين :111:
<<<<< تيب :55654:
ويلاحظ عزيزي المشاهد انهم.....
********> قلنا احتس زيييييين :11mmer3:
<<<<< طيب



شوووووووفوا الصوره زين تلاحظون كأنها مدينه اوروبية بطريقة تصميمها ورصف شوارعها
والوقت الي كنا فيه كان ممنوع سيارة توطوط في بعض شوارع المدينه
كان عندهم مهرجان للفنون او حاجه زي كذا






les arts de la rue يعني شارع الفنون او حاجه زي كذا :m9:


******** احلى تحية لقوقل :biggrin:
<<<< لعنه ... بلا فضايح والله ان سامع وحده تقوله







طبعا لان المدينه مهتمه بحضارتها واهتمامها على بقائها قديمه
رئيس البلدية مستقعد لهم :11sted_co
يقول مافيه أي تصريح لأي محل الا بشرط
انه مايحط اكثر من لونين او ان الالوان تكون قديمه او توحي بالقدم (القدم مو رجل !!لالالا .. القدم يعني من زماااان )

عاد هو حط حيله بماك يقول والله ياأنا يا انت بهالديره :11ab:


شوفوا الصوره






هذا دوار الكتاب عندهم
مادري دوار العلم
المهم فيه شئ خاص بالعلم
ماصورته الا عشان هالي مرتز قدامه
احس انه يبي يعرف كلش عشان تعطيه الابلا هديه






ياخي هالاوادم عجبه :shocking:
مابقى احد عندهم ماحطوا له تمثال او صوره او دوار مثل ذا الي فوق
لو اني عندهم احس انهم بيحطون لي مدينة كامله :8888:



<<<<< متى بيخلص الموضوع ويفكنا من بربرته :111:
********> ياخي انقلع ماحد قالك ادخل وشف الموضوع :119:




هالمكان الي بالصوره فوق
كان وراه اقدم مدرسه دينيه بكندا ( فيس يقول وش المصمك عندها ) :whistling
يوم كانت فرنسا مستعمره شمال كندا جابوا معهم مطاوعتهم وقالوا حطوا لنا مكان نتعبد فيه






المهم راحوا وثمنوااا ارض كويسه وحلوه وشروها من اصحابها وحطوا عليها مدرستهم وفيها كنيسه
الا واحد عيا قال والله مابيع بيتي لو تحبون السماء
يابن الحلال بع :unsure:
قال والله ماأبيع لو تعضون الارض لا يعني لا <<<< احس فيه عرق مننا
شوفوا الصوره وشوفوا بيته :biggrin:




بيته بنصف سور المدرسه :biggrin:
يا عليه عناد العناد بعد



هذا لو انه هنا كان نزعوا مليكيته وبنوا على ارضه ويمرمطون به شوي وبعدين يعطونه دراهمه :sad1:

ماعلينا منهم بقريييح ان شالله




اليوم راح اوقف هنا ولي عوده قريبا :55654:

تحياتي لكم :soccer_h4

 

توبليرون, الايمان و Meme Bahrain معجبون بهذا.
فريق التطوير غير متواجد حالياً   رد مع اقتباس
قديم 12-06-2015, 01:05 AM   #3

حيث يعمل المبدعون

الصورة الرمزية فريق التطوير
 
تاريخ التسجيل :  Jan 2015
رقم العضوية : 1046
الجنس : ذكر
المشاركات : 685



افتراضي رد: مــا أروعــ ( كيبيكQuébec ) ـــــــــك بقلم مجرم سفر



اول شئ اشكر كل الي ردوا على الموضوع
وماقول الا الله يعطيكم العااااااااااااااااااااااااااااافيه على هالردود المشجعه


<<<<< طيب خلاص كمل ولاحقين على الشكر والتهاني :icon_wink
********> ياخي لازم هذي اصول
<<<<< طيب كمل يابو الاصول :icon_ramb
********> تيب :55654:



نكمل التقرير


انا واعوذ بالله من قولة انا
انا من يوم اني صغير واشوف ماصوره بوسط شارع
رصيف داخل عرض بالشارع
حفره بوسط الشارع

اما شجره وكبيره ماقد شفت





احس من قوة الخضار الي عندهم شجر بالشارع :unsure:
لها قصه بس مانتبهت لها وهي تقصها على جماعة الخير الي بالصوره
لاهي مع الشجره






ياخي هالادمي فيه عرق لقافه
وش تبي ياخي :unsure:
انقهرت ابي اصور ودخل بأوووم الصوره


<<<< اااه من يشوته :ranting2:
******** تصير صقيقي ونروح نشوته جميع






مطعم غريب
بس لو صابغه ازرق وابيض يطلع اطلق احد بالعالم <<<< احس بيطلع لي واحد بيقول ودوا الموضوع لمنتدى الهلال
شوفوا ذي الي جالسه عند المطعم
تحتري خويها ساحب عليها المسكينه :sad1:
بغيت اروح اطيب خاطرها بس اخاف تحط حرتها فيني :biggrin:



*********> ماشالله عرفت سالفتها :tongue:
<<<< وش عرفك انت ... من نظره اعرف وش الي بمكنوناتها :icon_wink





انا من هالنقطه راح اسكت واترك للصور انها تعبر عن نفسها :55654:
بحط لكم الصور واروح اشرب ما واجي










دقيقه بس ودي اعلق على هالي ياخذ صوره
ليه الوضعيه هذي :icon_scra
يعني الواحد اذا هزع راح تكون الصوره احلى ؟؟ :upset:
تصدقون قمت اهزع بس مافيه فايده
الصور الي اصورها اووووووووووووووم البياخه :11oto:


******** شربت مويه ؟؟ :icon_scra
<<<< لا بس حبيت اعلق على الصوره قبل ماروح :55654: .... بررب






********> هني وعافيه :m9:
<<<< الله يعافيك ... تبي ؟؟
********لا شوكرن كمل بس :icon_ramb


شف الصوره

يلاحظ بالصوره اعلاه الطراز الاوروبي الطاغي على البيوت والوان البيوت ويلاحظ امتزاج الحضارتين الامريكيه والأوروبيه مع بعضهما البعض


******** اوووووووخس يامثقف
<<<< احم احم :55654: تعرف يعني الواحد احم :55654: لازم يطلع لو ربع الي عنده :55654: ... هذا
وانا ماتغديت وشلون لو اتغدى ؟
******** ماينعطى وجه على طول يكبر راسه :mf_pcwhac







هذا يقولون انه اقدم شارع بكندا
والله مادري عن ذي تسذب علينا ولا لا :upset: لو تمر قطوه قالت هذي اقدم قطوه بكندا
بس بنحسن الظن فيها ونقول ان شالله انها صادقه :55654:
الشارع فيه مطاعم واغلبه محلات تبيع قطع تذكاريه وحاجات زي كذا يعني واهم شئ فيه محل الأيسكريم
اليييييم صراحه





هذا الشارع بصوره ثانيه بس وانا هازع :109:
اثر ذاك عنده علم يومه يهزع عند كل صوره :biggrin:
احس تغيرت



يتبع

 

توبليرونمعجبون بهذا.
فريق التطوير غير متواجد حالياً   رد مع اقتباس
قديم 12-06-2015, 01:05 AM   #4

حيث يعمل المبدعون

الصورة الرمزية فريق التطوير
 
تاريخ التسجيل :  Jan 2015
رقم العضوية : 1046
الجنس : ذكر
المشاركات : 685



افتراضي رد: مــا أروعــ ( كيبيكQuébec ) ـــــــــك بقلم مجرم سفر



بااااك


من صليت وانا اقحن مويه
المهم ماعلينا :55654:



وصلنا للشارع الي هو اقدم شارع بكندا <<<< على كلام القايد :55654:





هذا يشرح لك سالفة هالشارع وانه يهبل وحلو ويجنن وياخذ العقل واكشخ شئ :kashkhah:
الي يعرف فرنسي يترجم




***** طيب رح لقوقل
<<<< ياخي بيني وبينك مشواااااار وش بيكتب ذا كله :unsure:
***** تهقى بيجي واحد ويترجم ؟؟
<<<< ايه اكيد وان مالقينا احد مهوب لزمه نعرف كلش :biggrin:






وهذا محل الايسكريم :icon_comp:icon_thum
الانواع الي زي كذا احب اخذ ليمون يخلي الفيتامين سي يلعب لعب بالمخ ( فيس واحد مليانه فنيلته بسعابيله )





هذي اكبر لوحه فنيه بكندا والعالم <<<< ترى هالمعلومه مني
القايد مو احسن مني
ياحليل شخابيطهم على الجدارن


شئ يفتح النفس (فيس يتذكر ذاك البيت .. شفتك معه *** معي )


وهذي صور للساحه والمحلات الي جنب رسمة الجدار










المدينه ماخذه من الطابع الاوروبي الشئ الكثير
المدينه هاديه
ويمكن ماتجوز لكثيرين
بس انا مره عاجبتني :55654:

شوفوا القايد هذيك الي هناك ... يوم قلت لها اسمي
قالت انت عربي ؟؟
قلت الله الله :m9:
قلت وانتي غربيه ؟؟
قالت والله والله :55654:


******** يامصلك تكفى
<<<< كلمه ثانيه واطلع برا ابي اتميصل على كيفي :mf_pcwhac


وتكتب اسمي بالعربي الدوووباااا
واطقها سواليف معها وحلفت عليها تجي عندنا السعوديه
قالت ابشر انت ولم القهوه بس
طلعت البنت تقطق عربي شوي اصولها من لبنان وخوالها من ارمينا <<< واضح بقي خمس دقايق ويتقهووون مع بعض :biggrin:


وكذا نكون وصلنا للجزء قبل الاخير ويتبقى جزء واحد فقط

******** احلف بأقوى شئ
<<<< قصم اقوى شئ :biggrin:
******** طيب نزله الحين وفكنا :ranting2:
<<<< بيني وبينك وراي سفر للرياض الحين
******** اجل انقلع
<<<< تيب :biggrin:



تحياتي الخالصه للجميييييع ولك من رد على الموضوع

 

توبليرون و Meme Bahrain معجبون بهذا.
فريق التطوير غير متواجد حالياً   رد مع اقتباس
قديم 12-06-2015, 01:05 AM   #5

حيث يعمل المبدعون

الصورة الرمزية فريق التطوير
 
تاريخ التسجيل :  Jan 2015
رقم العضوية : 1046
الجنس : ذكر
المشاركات : 685



افتراضي رد: مــا أروعــ ( كيبيكQuébec ) ـــــــــك بقلم مجرم سفر


:biggrin:نكمل معكم الجزء الاخير من موضوعنا


نرجع لمحور حديثنا المتعلق بكيبيك او كيوبك او او او او كوبا

******** وش كوبا لاقينا انت :icon_scra
<<<< لا بس ابي اشوف من الي منتبه ومن الي يفكر متى يخلص الموضوع :55654:




بما اننا من الصبح وحنا نعمت بهالشوارع :1279:
طفينا وجعنا واقرب مطعم :222::1076:
الي بيروح لكندا لا يفوته البوتيني
عباره عن فرنش فرايز وجبن وصوص مادري وشو بس انه زين ومو كل المطاعم تضبطه
وعلى كلام الكنديين انها وجبه كنديه !!


********> من قالك انت ؟؟ :icon_scra
<<<<< واحد كندي قال انها حقتنا
********> وانت صدقت ؟؟ :icon_wink
<<<<< اصدقه ولا أصدقك :whistling



قالوا لي بكيبيك احسن بوتيني بكندا
وابشركم خذته بمطعم وليتني ماخذته ماكان كويس





فيه محلات نيويورك فرايز وتشوفونه كثير بتورنتو
مره خقق عندهم


المهم تغدينا وشبعنا ونشوف لنا بارك حلو وكان انواع الزحمتات ونتسدح شوي :mf_leia:





<<<< حتى وهو نايم يصور :unsure:
******** ياخي كاميرتي وبصور الي ابيه :11oto:


كان فيه احتفالات وحاقات حلوه واشياء جميله بس كلها مصورها فديو
عاد الشكوى لله الي يبي يشوفها يجيني البيت




هذا شفته فقعتتتتتتتت ضحك :109:

رحت صيف 2006 وكان موجود
ورحت صيف 2007 وبرضو الاخ موجود
شكله متكي هناك اربعه وعشرين ساعه





ياحليلها طرارتهم ( فيس واحد عند الاشارة ويبيع مناديل وعمره 20 )


هذي بعض الصور لأزقة المدينه وشوارعها










وهذب لحظة خروجنا من المدينه وكان انواع الزحمه ومافيه سيارات تدخل
<<<< قلنا الشارع لاحد يدقق بشئ ثاني


قبل لا نمشي خذوا الصوره ذي بعد




سفارة بلادي الله يشرفها بالعاصمه اوتاوا :m9:

وبهالصوره خلاص نقول يالله كل واحد يروح بيته ويشوف اهله يبون مقاضي لبن ولا خبز ولا جرجير الخخخ :biggrin:



وان شالله نكون كفينا ووفينا وامل انكم استمتعتوا بالموضوع واعذرونا على القصور
وبنتظار ردودكم


تحياتي لكم

:smile106:




فريق التطوير يتمنى لكم رحلات ممتعة



 

توبليرون و Meme Bahrain معجبون بهذا.
فريق التطوير غير متواجد حالياً   رد مع اقتباس
قديم 12-06-2015, 02:13 AM   #6

مجلس الإدارة

 
 
تاريخ التسجيل :  Dec 2014
رقم العضوية : 15
المشاركات : 15,812



افتراضي رد: مــا أروعــ ( كيبيكQuébec ) ـــــــــك بقلم مجرم سفر


شكرا فريق التطوير علي نقل التقرير
فن

 

توقيع : فيصل

الْحَمْدُ لِلَّهِ الَّذِي بِنِعْمَتِهِ تَتِمُّ الصَّالِحَاتُ

معرفاتنا بوسائل التواصل الإجتماعي


نقره لعرض الصورة في صفحة مستقلةنقره لعرض الصورة في صفحة مستقلةنقره لعرض الصورة في صفحة مستقلةنقره لعرض الصورة في صفحة مستقلةنقره لعرض الصورة في صفحة مستقلة

فيصل غير متواجد حالياً   رد مع اقتباس
قديم 04-08-2015, 06:27 PM   #7

عضو قدير

الصورة الرمزية شارلوك هولمز
 
تاريخ التسجيل :  Dec 2014
رقم العضوية : 31
الدولة : ♥ الممـلكـة العـربـيـة السعـوديـة ♥
الجنس : ذكر
المشاركات : 7,063



أوسـمـة: شارلوك هولمز

كل الاوسمة:1 (more»)
افتراضي رد: مــا أروعــ ( كيبيكQuébec ) ـــــــــك بقلم مجرم سفر


رائع .. كل الشكر اكم فريق منتدانا الغالي

هولمز

 

توقيع : شارلوك هولمز

" وكن في الطريق عفيف الخطى ،
شريف السماع ، كريم النظر
وكن شخصا إن أتوا بعده يقولون: مر وهذا الأثر "

" سبـحآن الله وبحمده سبحآن الله العظيم "

شارلوك هولمز غير متواجد حالياً   رد مع اقتباس
قديم 10-08-2015, 10:32 PM   #8

مسافر متميز

 
 
تاريخ التسجيل :  Jan 2015
رقم العضوية : 1314
الجنس : ذكر
المشاركات : 146



افتراضي رد: مــا أروعــ ( كيبيكQuébec ) ـــــــــك بقلم مجرم سفر


كيبيك من المقاطعات الجميلة و وجبة البوتيني واضح انها لذيذة
مشكورين علي التقرير
كل الود

 

طائر الليل الحزين غير متواجد حالياً   رد مع اقتباس
قديم 22-07-2016, 11:15 PM   #9

مسافر متألق

الصورة الرمزية الشعباوي
 
تاريخ التسجيل :  Jun 2016
رقم العضوية : 10502
الدولة : الإمارات الحبيبة - عجمان
الجنس : ذكر
المشاركات : 426



افتراضي


كندا من اقصاها الى ادنها جميلة جدآ .. والبعد هو الذي خفف السفر لها

و تقرير جميل عن كيبك الفرنسية الرائعة .. ويعطيك العافية اخوي مجرم سفر

 

آخر مواضيع الشعباوي

- أبشر للخليجي

الشعباوي غير متواجد حالياً   رد مع اقتباس
قديم 31-01-2017, 02:02 PM   #10

مسافر متألق

 
 
تاريخ التسجيل :  Apr 2015
رقم العضوية : 3018
الدولة : سلطنة عمان
الجنس : ذكر
المشاركات : 486



افتراضي


لدي خطة الذهاب الى كندا.. جميلة جدا في الطبيعة.....

 

albarood غير متواجد حالياً   رد مع اقتباس
إضافة رد

الكلمات الدلالية (Tags)
مجرم, أروعــ, مــا, بقلم, سفر, ـــــــــك, كيبيكquébec

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


الساعة الآن 06:23 PM
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO