وعليكم السلام

اول شي انت شطوره لانه باين من الاستفسار انك قريتي قبل لا تسألين

نجي لترتيب الجدول
اول يوم عندي لك اقتراح وهو استخدام الباص السياحي الأحمر
راح يمر على اهم الاماكن السياحيه وتقدرون بالنهايه تنزلون عند ايفيل مثل ما انت مقرره
والختام الرحله النهريه ومثل ما قال فيصل ماله داعي تحجزين اون لاين لانه متوفرة
سفركم بالصيف والنهار طويل راح يمديكم تخلصون أنشطه كثير

اليوم الثاني فرساي اذا ناوين القصر والحدائق يبيلكم وقت مو اقل من ٤ ساعات بس تراه يسوى
بالنسبة لي فرساي من احلى وأمتع الاماكن
التمشي في حدائق القصر ممتع ولا تنسون تتاجرون سياره جولة او سياكل
طبعا رحلة القصر شوي بتكون متعبه فيها واجد مشي
بعدها ممكن مونمارت لقبل الغروب وما انصح تطولون فيها لانه في الليل الوضع غير مناسب
وممكن الختام عشا في الشانز او مول الفصول الاربعه

يوم ديزني إنتي تقولين بتشترينهم من الفندق ، اي فندق ؟!
حسب الي فهمته ديزني لها يوم من الصباح للمساء يعني ما راح تباتون في فنادقها ، وفنادق باريس ما أتوقع تلقين فيها التذاكر
يا تشترينها من البارك نفسه وقت الوصول يا اون لاين يا من ديزني ستور في الشانز قبل بيوم

اخر يوم اللوفر وبعده ممكن الحي اللاتيني تمشي وغدا قريب منه نوتردام ممكن تروحونها مشي

حلو انك ترتبين الاماكن القريبة في يوم بس اذا راح تعتمدين عالمترو في التنقلات تراه جدا عادي تلفين من الشمال للجنوب ومن الشرق للغرب ابعد مشوار في باريس ما راح يأخذ اكثر من ربع ساعه ومثل ما قلت لك النهار طويل راح يساعدكم تشوفون أماكن كثيره

آخر مواضيع fanda

- استفسار عن منتجعات بوكيت - تجربة استخراج فيزا شنغن من السفارة الالمانية - البحرين - غدانا مجابييييس - هنا البحرين 2017 - مساعده في خط الرحله

توقيع : fanda

غارقة في نعمك يا الله ... فلك الحمد حتى ترضى أم ريم